ជីវិតកម្សាន្ដ

Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ

បានផុស

១០ ខែ មុន

នៅ

ថ្ងៃអាទិត្យ ២៩ កញ្ញា ២០២៤

ដោយ

បន្ទាប់ពីរឿងអាស្រូវរបស់ ស្ដេចតន្រ្តី Diddy ត្រូវបានលាតត្រដាងមក Justin Bieber គឺជាតារាដែលទទួលបានការចាប់អារម្មណ៍ពីសាធារណជនបំផុត។ ដោយសារតែគាត់ត្រូវបានគេនិយាយថាជាជនរងគ្រោះរបស់ Diddy កាលពីនៅវ័យជំទង់ ហើយបានផ្តល់សញ្ញាជាច្រើន ប៉ុន្តែគ្មាននរណាម្នាក់កត់សម្គាល់នោះទេ។ វាក៏ត្រូវបានគេនិយាយថាជាមូលហេតុនៃស្ថានភាពអស្ថិរភាពផ្លូវចិត្តធ្ងន់ធ្ងររយៈពេលវែងរបស់ Justin ។

នៅពេលនេះ ភរិយារបស់ Justin គឺ Hailey កាន់តែទទួលបានក្តីស្រលាញ់ និងការគោរពកាន់តែខ្លាំងឡើង ដោយសារតែនាងជាអ្នកដែលបានជួយឲ្យតារាចម្រៀងរូបនេះ ជម្នះពេលវេលាដ៏ខ្មៅងងឹតបំផុតក្នុងជីវិតរបស់គាត់។ ស្នេហារបស់ Hailey ត្រូវបានគេសរសើរថាជាអ្នកព្យាបាលសម្រាប់ Justin ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្ទុយទៅវិញ ក៏មានការចង់ដឹងចង់ឃើញជាច្រើនចំពោះ Selena Gomez ដែលជាអតីតគូស្នេហ៍របស់ Justin Bieber ខណៈពេលដែលអតីតមិត្តប្រុសរបស់នាងគឺជាចំណាប់អារម្មណ៍របស់សាធារណៈជន Selena បានរក្សាភាពស្ងៀមស្ងាត់ទាំងស្រុងហើយមិនមានព័ត៌មានថ្មីៗនៅលើបណ្តាញសង្គមទេ។ ការបង្ហោះថ្មីបំផុតនៅលើគណនី Instagram របស់នាងគឺជាផ្ទាំងរូបភាពផ្សព្វផ្សាយភាពយន្តដែលនឹងមកដល់ ដែលបង្ហោះកាលពី ៣ ថ្ងៃមុន។

ថ្មីៗនេះ Selena Gomez ក៏បន្តទទួលបានភាពជោគជ័យជាច្រើនផងដែរ។ នាងបានចូលរួមជាផ្លូវការក្នុងជួរមហាសេដ្ឋីអាមេរិក ដោយក្លាយជាមហាសេដ្ឋីវ័យក្មេងបំផុតម្នាក់ដែលមានទ្រព្យសម្បត្តិសុទ្ធចំនួន ១.៣ ពាន់លានដុល្លារ។ ទ្រព្យសម្បត្តិរបស់នាងបានមកពីការច្រៀង ការសម្តែង និងសហការជាមួយម៉ាកនានា ប៉ុន្តែភាគច្រើនអរគុណដល់ម៉ាកគ្រឿងសំអាង Rare Beauty ដែលនាងបានបង្កើតឡើងក្នុងខែកុម្ភៈ ឆ្នាំ ២០១៩។

លើសពីនេះ Selena Gomez ក៏ត្រូវបានគេនិយាយថាកំពុងរៀបចំរៀបការជាមួយមិត្តប្រុស ដែលជាផលិតករតន្ត្រី Benny Blanco ។ អ្នកគាំទ្របានរកឃើញថា តារាចម្រៀងស្រីរូបនេះដើរតាមគណនីមួយដែលមានជំនាញក្នុងការរៀបចំពិធីមង្គលការដ៏ប្រណីតនៅអាមេរិក។ Selena ក៏បានបង្ហោះរូបថតមួយសន្លឹក និងដោយចេតនាបិទម្រាមដៃនាង បង្កឲ្យមានពាក្យចចាមអារ៉ាមថា នាងទទួលយកសំណើររបស់មិត្តប្រុសនាង។ ទោះយ៉ាងណាសម្រស់មិនបានបញ្ជាក់ពីព័ត៌មាននេះទេ៕