សាយ ប្រកាសកម្មវិធី “រត់” ដើម្បីអបអរសាទរខួបអនុ ស្សាវរីយ៍ ៧១ឆ្នាំ បុណ្យឯករាជ្យជាតិ ៩ វិច្ឆិកា

ដើម្បីអបអរសាទរខួបអនុស្សាវរីយ៍៧១ឆ្នាំ នៃបុណ្យឯករាជ្យជាតិ ៩ វិច្ឆិកា ខាងមុខនេះ តារាចម្រៀង Original Song លោក អ៊ួន បឋម ហៅ សាយ បានប្រកាសត្រៀមធ្វើកម្មវិធីរត់ជាមួយ សាយ នៅខែក្រោយនេះ។

បើតាមការបញ្ជាក់ឲ្យដឹងពីតារាចម្រៀង សាយ សម្រា ប់កម្មវិធីរត់នេះគឺលោកសម្រេចយកគោលដៅនៃខេត្តកោះដើម្បីដើម្បីចូលរួមអបអរសាទរខួបអនុស្សាវរីយ៍ ៧១ ឆ្នាំបុណ្យឯករាជ្យជាតិដោយក្នុងនោះលោក សាយ ក៏បានបំផុសការចូលរួមពីសំណាក់មហាជននិងអ្នកគាំទ្រផងដែរ។

សាយ បានឲ្យដឹងទៀតថា ចំពោះកម្មវិធីរត់នេះលោកត្រៀមធ្វើឡើងនៅដើមខែវិច្ឆិកា ពោលគឺត្រូវនៅថ្ងៃទី១០ ខែវិច្ឆិកាឆ្នាំ២០២៤ ខាងមុខនេះ និងចាប់ផ្តើមបើកទទួលចុះឈ្មោះហើយ តាមរយ:ការទិញសំបុត្រចូលរួម។

គួរជម្រាបថា លោក អួន បឋម ហៅ សាយ ត្រូវបានមហាជនអ្នកគាំទ្រចាត់ទុកថា លោកគឺជាសិល្បករខ្មែរមួយរូបដែលលេចធ្លោតាមរយ:កិច្ចការងារសង្គម ពិសេសកន្លងមក សាយ បានបង្កើតកម្មវិធីរត់ដើម្បីប្រមូលថវិកាជួនដល់មន្ទីពេទ្យគ ន្ធបុប្ផានិងមន្ទីពេទ្យកុមារអង្គរជាដើម៕ អត្ថបទ៖ ចាន់រ៉ា