ឌីជេ ក្តិប ថា បើរាប់អានលោកពិត កុំប្រើពាក្យ “បានល្បីធ្វើឫកធ្វើពារភ្លេចធាតុដើម”

តារាចម្រៀងរ៉េបឌីជេ ក្តិប គេសង្កេតឃើញថាក្រោយដាក់ខ្លួនចូលប្រឡូកក្នុងវីថីសិល្ប:ជាថ្មីលោកហាក់ស្តារបានប្រជាប្រិយភាពនិងការគាំទ្រច្រើនគួរសម ខណ:លោកក៏បានដាក់ក្តីរំពឹងថា អាជីពមួយនេះអាចជួយលោកឲ្យល្បីដូចមុន។

ស្របពេលដែលឌីជេ ក្តិប កំពុងបង្ហាញវត្តមានលើវិថីសិល្ប:ទទួលបានការគាំទ្រជាថ្មី ក៏ស្រាប់តែមានមតិខ្លះថា លោកបានល្បីធ្វើឫកធ្វើពារឬធ្វើមិនស្គាល់ជាដើម។ ត្រង់ចំណុចនេះ ឌីជេ ក្តិប បានបញ្ជាក់ថា បើរាប់អានលោកពិត សុំចិត្តចេះជួយយោគយល់អធ្យាស្រ័យដ ល់លោកផងកុំអាងអីប្រើអាពាក្យបានល្បីតិចតួចធ្វើឬកធ្វើពារធ្វើអត់ស្គាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងរ៉េបរូបនេះបន្តថា ពេលខ្លះឲ្យខ្ញុំស្គាល់និងចាំយ៉ាងម្តេច បើខលលេខទូរស័ព្ទមកហ្នឹង? ហើយអ្នកខ្លះបែកខានជួបគ្នា មិនក្រោមពី១០ឆ្នាំទេ មកដល់សួរថាស្គាល់អត់? ពេលខ្ញុំថាអត់ស្គាល់ អត់ចាំបែរជាថាខ្ញុំឫកខ្ញុំបានល្បីភ្លេចធាតុដើម។

ឌីជេ ក្តិបបាននិយាយទៀតថា ចុះបើរំលឹកប្រាប់លោក និងទុកពេលឲ្យលោកគិតបន្តិចដើម្បីរាប់អានគ្នាទៅយ៉ាងម៉េច? មនុស្សនិយាយគ្នាទាំងមិនបានឃើញមុខគ្នាផងចេះមកប្រកាន់ខឹងនឹងគ្នាកើត (សូមអត់យល់និងខ្ជិលយល់ណាស់) រាប់បានរាប់រាប់មិនបានក៏តាមហ្នឹងទៅ ។

ដូចដែលទស្សនិកជននិងអ្នកនិយមតាមដានវិស័សិ ល្ប:បានដឹងហើយថាតារាចម្រៀងរ៉េបលោក ចាន់ សំណាង ហៅឌីជេ ក្តិប កន្លងមកគឺហាក់ឃ្លាតឆ្ងាយពីវិស័យសិល្ប:ស្ទើរទាំងស្រុង តែដោយក្តីស្រលាញ់លោកបានវិលមកចាប់អាជីពមួយនេះឡើងវិញដើម្បីសាងកេរ្តិ៍ឈ្មោះដូចដើម៕ អត្ថបទ៖ ចាន់រ៉ា