នាយ ក្រិន ហួសចិត្ត ចោរលួចមាន់អស់ពីទ្រុង

តារាកំប្លែងមាឌល្អិតនាយក្រិន កាលពីថ្មីៗនេះ ទើបតែប្រកាសពីការក្លែងបន្លំផេកហ្វេសប៊ុក ដើម្បីកេងប្រយោជន៍ និងអ្នកបំភ្លៃការពិតថាលោកបាត់ជិវិតមិនប៉ុន្មានផង ស្រាប់តែឥឡូវនេះ មកជួយរឿងស៊យថ្មីទៀត គឺត្រូវចោចូលលួចមាន់អស់ពីទ្រុងឆ្លៀតពេលដែលលោកមិននៅផ្ទះ។

លោក សាវិន ហ្វីលីព បានបង្ហោះសារហួសចិត្តដែរថា ឪពុកធ្លាក់ខ្លួនឈឺ ប្រពន្ធទៅចោលតាមអ្នកថ្មី ជំពាក់បំណុលគេឥឡូវចោរលួចមាន់អស់ពីទ្រុង ហេីយផេកក្លែងក្លាយក៏បង្កេីតកាន់តែច្រេីនក្រោមឈ្មោះគាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែងនាយ ក្រិន បានឲ្យដឹងថា លោកពិតជាហួសចិត្តនៅក្នុងឆាកជីវិតជាខ្លាំង បើការរកស៊ីវាខាតទៅហើយ ឥឡូវមកចិញ្ចឹមមាន់ទានៅឯស្រុកកំណើត ថាដើម្បីបានជួបជុំជាមួយកូនៗ ប៉ុន្តែស្រាប់តែត្រូវចោរចូលលួចមាន់អស់ពីទ្រុងទៅវិញ។ នាយក្រិនបន្តថា មូលហេតុដែលចោចូលលួចមាន់ ដោយសារខ្លួនពុំនៅផ្ទះ ព្រោះឆ្លៀតពេលទៅសូត្រមន្តនៅផ្ទះអ៊ុំ។

នាយ ក្រិន បាននិយាយទៀតថា ជីវិតនៅពេលដែលយើងដាក់ហើយគឺវាបែបនេះឯង…ចោរលួចមាន់ខ្ញុំជិតអស់មួយទ្រុងតែម្តង តើមានអ្វីត្រូវសង្ឈឹមទៀត”។

ជាមួយគ្នានេះ ក៏មានការលើកឡើងដែរថា មនុស្សអើយអើយមនុស្ស បើមិនជួយជោគជួយចែវកុំយកជើងរាទឹក។លោកចោរអើយលោកចោរ ហេតុអ្វីក៏គ្មានមេត្តាដល់ប្អូនប្រុសដ៏ទន់ខ្សោយសោះយ៉ាងនេះ លោកចោរនឹងជួបមហន្តរាយនៅថ្ងៃខាងមុខជាមិនខាន។

បន្ទាប់បាត់វត្តមានពីសិល្ប:មួយរយ:ធំកន្លងទៅនេះ ស្រាប់តែតារាកំប្លែងមាឌល្អិតកម្សត់ស្នេហ៍ នាយក្រិន កាលពីថ្មីៗនេះបានបញ្ជាក់ដែរថា បច្ចុប្បន្នលោកកំពុងរស់នៅជាមួយកូនៗទាំង ៣នាក់ ឯស្រុកកំណើត នាខេត្តបាត់ដំបង។

យ៉ាងណាមិញមុននេះដែរ នាយ ក្រិន ក៏ទើបតែទទួលបានឱកាសក្លាយជា BA ផលិតផលរបស់អ្នកនាង ស្រីអូន ក្រោយមានដំណឹងនៃការផុតខ្លួនក្នុងបំណុលជិត ១០មុឺនដុល្លារ៕ អត្ថបទ៖ ចាន់រ៉ា