អ្នកគាំទ្រដាច់ចិត្តស្នើ Zhao Lusi ពេលចេញក្រៅ កុំ​ធ្វើ​រឿង​មួយ

ក្នុងនាមជាតួស្រីដ៏ដ៏ល្បីល្បាញបំផុតមួយនាពេលបច្ចុប្បន្ននេះ Zhao Lusi តែងតែទាក់ទាញការចាប់អារម្មណ៍​ រាល់ពេលដែលនាងបង្ហាញខ្លួននៅក្នុងព្រឹត្តិការណ៍នានា។ ថ្វីដ្បិតតែមានរូបសម្រស់ស្រស់ស្អាត និងមានអ្នកគាំទ្រមួយចំនួនធំក៏ដោយ ក៏សម្រស់កើតឆ្នាំ ១៩៩៨ នៅតែទទួលបានមតិចម្រុះជាច្រើន ជាពិសេសទាក់ទងនឹងការរៀបចំតុបតែងខ្លួនក្នុងកម្មវិធីនានារបស់នាង។

ជាក់ស្ដែងកាលពីពេលថ្មីៗនេះ ស្ទីលតុបតែងខ្លួនរបស់ Zhao Lusi ក្នុងកម្មវិធី Weibo Vision Festival ក៏បានក្លាយជាប្រធានបទដ៏ចម្រូងចម្រាសផងដែរ។ សហគមន៍អនឡាញជាច្រើន បានស្នើសុំនាងកុំតុបតែងមុខបែបក្រាស់ៗពេក ហើយថែមទាំងបានកែរូបភាពរបស់តារាស្រីរូបនេះ ដោយនិយាយថា ប្រសិនបើនាងផាត់មុខក្នុងស្ទីលប្លែកៗ នាងនឹងមើលទៅស្អាតជាងនេះទៅទៀត។

បង្ហាញខ្លួនក្នុងកម្មវិធី Weibo Vision Night ដោយស្លៀកសំលៀកបំពាក់ Haute Couture របស់ម៉ាក Ulyana Sergeenko នាង Zhao Lusi បានបាត់បង់ពិន្ទុជាមួយនឹងរូបរាងដែលត្រូវបានគេនិយាយថា មិនសមនឹងស្ទីលរបស់តារាស្រីចិនទាល់តែសោះ។ មិនត្រឹមតែប៉ុណ្ណោះ ពីម៉ូដសក់ ទៅជាការផាត់មុខបែប Smoky Eye ភ្នែកខ្មៅ និងពណ៌បបូរមាត់ស្លេក បានធ្វើឲ្យនាងមើលទៅចាស់ជាងវ័យ ស្រអាប់ និងមិនសូវមានសម្រស់ស្អាតឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក ងាកមកកាន់សហគមន៍អនឡាញក៏បានសម្រេចកែសម្រួលរូបភាព ដោយធ្វើការកាត់ត្របកភ្នែកឲ្យខ្លី កែរោមភ្នែក បង្កើនភាពក្រាស់នៃរោមចិញ្ចើម និងក្រែមលាបមាត់ ជួយឲ្យការមើលឃើញ​នាងកាន់ភ្លឺថ្លាជាងមុន។ ទោះជារូបថតដែលបានកែ (នៅខាងស្តាំ) ស្រដៀងនឹងស្ទីលចាស់ក៏ដោយ ក៏មហាជនគិតថា ការរៀបចំតុបតែងមុខនេះ នៅតែរំលេចសម្រស់ធម្មជាតិរបស់តារាស្រីរូបនេះដដែល។

ល្បីថាជាស្រីស្អាតម្នាក់ដែលអាចផាត់មុខដោយខ្លួនឯងបាននោះ ថ្មីៗនេះ​ Zhao Lusi តែងតែថែរក្សាការតុបតែងខ្លួនរបស់នាងរាល់ពេលទៅចូលរួមកម្មវិធីនានា។ ជារឿយៗនាងជ្រើសរើសស្ទីលតុបតែងខ្លួនរិបរាង ក្រែមលាបមាត់ស្រាលៗ និងផាត់មុខបែបភ្នែកដក់។ ស្ទីល​នេះ​ធ្វើ​ឲ្យមុខ​នាង​ហាក់ប្លែក និងបង្កឲ្យមនាការសង្ស័យថាលួចកែសម្ផស្ស។ លើសពីនេះ មតិជាច្រើនក៏ជឿថា ការតុបតែងខ្លួនក្នុងស្ទីលនេះ ធ្វើឲ្យសម្រស់របស់តារាចិន ឮមានប្រជាប្រិយភាពមិនខុសពីតារាស្រីផ្សេងទៀត៕

អត្ថបទ៖ សាង ស្រីល័ក្ខ

ចុចអាន៖Jessi រួចផុតពីសំណាញ់ច្បាប់ ក្រោយរកមិនឃើញភ័ស្ដុតាងវាយដំអ្នកគាំទ្រ