វី ឌីណែត ប្រកាសលទ្ធផលធ្វើតេស្តរកកូវីដរបស់លោក ហួរ ឡាវី

តារាចម្រៀង វី ឌីណែត បានប្រកាសលទ្ធផលធ្វើតេស្តលោក ហួរ ឡាវី នាយប់នេះថា ឪពុករបស់កញ្ញាពុំមានឆ្លងវីរុសកូវីដ-១៩នោះទេ សម្រាប់ការតេស្តលើកទី១។

នៅយប់ថ្ងៃទី ១៣ ខែមីនា ឆ្នាំ ២០២១ នេះ កញ្ញា វី ឌីណែត បានបង្ហោះសារលើបណ្ដាញសង្គមខ្លួនដែលមានខ្លឹមសារដើមថា “នៅពេលនេះលទ្ធផលសំណាករបស់លោកប៉ាគឺអវិជ្ជមាន​ រួមទាំងសមាជិកគ្រួសាររបស់នាងខ្ញុំផ្សេងទៀតក៏អវិជ្ជមានដែរ​។ តែទោះជាយ៉ាងណាក៏ក្រុមគ្រួសារនាងខ្ញុំនៅតែបន្តធ្វេី​ចត្តាឡីស័ក​ ដេីម្បីរង់ចាំការធ្វេីសំណាកជាលេីកទីពីរផងដែរ។ សូមទេវតាតាមថែរក្សាក្រុមគ្រួសារខ្ញុំផង!”។

គួររំឭកថា កាលពីម្សិលមិញ លោក ហួរ ឡាវី ជាប់សង្ស័យទាក់ទិនករណីឆ្លងកូវីដ-១៩ ហើយក្រុមគ្រូពេទ្យបានចុះយកសំណាកដល់ផ្ទះ។ ការចុះយកសំណាករបស់តារាសំឡេងស្អករូបនេះ ត្រូវបានធ្វើបន្ទាប់ពីសង្ស័យថា បានឆ្លងវីរុសកូវីដពីកូនស្រី។ ដោយឡែក ភរិយារបស់លោកបានតេស្តវិជ្ជមាន​កូវីដ-១៩ កាលពីថ្ងៃទី១១ មីនា និងត្រូវបាន​ឡាន​ពេទ្យ​មក​យក​ពី​ផ្ទះទៅសម្រាកព្យាបាល៕

អត្ថបទ៖ សន្យា

ចុចអាន៖ លោកគ្រូ ហួរ ឡា​វី អំពាវនាវ​អ្នក​ដែល​ធ្លាប់​ពាក់ព័ន្ធ​លោក​និង​គ្រួសារ​ពិនិត្យ​សំណាក​ហើយ​រួមគ្នា​ធ្វើ​ចត្តា​ឡី​ស័ក