ទើបបញ្ចប់ Solo Concert ពីរថ្មីៗ! មុននេះ ឱក សុគន្ធកញ្ញា ឱ្យតម្រុញត្រៀមធ្វើនៅខេត្តបន្ទាប់ទៀត ឆាប់ៗ

ក្រោយជោគជ័យយ៉ាងធំធេងសម្រាប់ព្រឹត្តិការណ៍ប្រគំតន្ត្រី The Q Rise of The Queen Solo Concert លើកទី១ កាលពីខែកញ្ញា និង Solo Tour Concert លើកទី២ អំឡុងខែវិច្ឆិកាថ្មីនេះ លើទឹកដីខេត្តបាត់ដំបង តារចម្រៀងជួរមុខផលិតកម្មរស្មីហង្សមាស បានបង្ហើបដំណើរលើឆាកតន្ត្រីរបស់ខ្លួនបន្តនៅខេត្តបន្ទាប់ទៀត។

តាមរយៈផេកផ្ទាល់ខ្លួន អមនឹងរូបភាពមួយសន្លឹក អ្នកនាង ឱក សុគន្ធកញ្ញា បានសរសេរថា “The Q ខេត្តបន្ទាប់ឆាប់ៗនេះ…” ។ បើទោះបីជា គម្រោងនៃដំណើរប្រគំតន្ត្រីរបស់អ្នកនាងមិនត្រូវបានបញ្ជាក់ក៏ពិតមែន ប៉ុន្តែតាមរយៈប្រយោគនេះ អាចចាត់ទុកជាការប្រកាសផ្លូវការមូយ ដើម្បីឱ្យអ្នកគាំទ្របានដឹងផងដែរ។

តួយ៉ាង ទោះបីជា Solo Concert របស់តារាចម្រៀងជួរមុខនេះ ធ្វើផ្ទួនៗគ្នាអំឡុងប៉ុន្មានខែនេះក៏ដោយ ប៉ុន្តែអ្នកគាំទ្ររបស់អ្នកនាង នៅតែសម្តែងក្តីរំភើប និងស្នើឱ្យបន្តដំណើរនៃព្រឹត្តិការណ៍របស់អ្នកនាង តាមបណ្តាខេត្តរបស់ខ្លួនទៀតផង៕