ជីវិតកម្សាន្ដ

Zhou Jie ត្រូវគេរិះគន់ថា មិនចូលរួមរំលែកទុក្ខអ្នកនិពន្ធរឿង «ព្រះនាងយេយេ» មុនលាចាកលោក

បានផុស

៧ ខែ មុន

នៅ

ថ្ងៃសុក្រ ៦ ធ្នូ ២០២៤

ដោយ

តារាសម្ដែង Zhou Jie ត្រូវអ្នករិះគន់ភាពយន្តរិះគន់ថា មិនបានបង្ហោះសារគោរពលោកស្រី Chiung Yao។ កន្លងមកតួសម្តែងរឿង My Fair Princess សុទ្ធតែបានសម្តែងការចូលរួមរំលែកទុក្ខដល់អ្នកនិពន្ធដែលបានលាចាកលោកនេះ សូម្បីតែ Zhao Wei ក៏បានចែករំលែក ក្រោយបាត់ខ្លួនអស់៣ឆ្នាំលើបណ្តាញសង្គមក៏ដោយ។

អ្នកនិពន្ធស្រី Chiung Yao ដែលជាអ្នកនិពន្ធ My Fair Princess ឬព្រះនាងយេយេ ត្រូវបានគេបញ្ជាក់ថា បានធ្វើអត្តឃាតកាលពីរសៀលថ្ងៃទី ៤ ខែធ្នូ នៅផ្ទះរបស់គាត់ នៃទីក្រុងតៃប៉ិ ក្នុងអាយុ ៨៦ ឆ្នាំ។ សិល្បករល្បីៗដែលត្រូវបានគាំទ្រដោយលោកស្រីទាំងអស់ បានចូលរួមរំលែកទុក្ខ និងសោកស្ដាយចំពោះការស្លាប់របស់អ្នកនិពន្ធស្រីរូបនេះ។ តួដែលសម្ដែងក្នុងរឿងព្រះនាងយ៉េយេគ្រប់គ្នា បានចែករំលែកការលាគ្នា ហើយសូម្បីតែ Zhao Wei ដែលត្រូវគេហាមឃាត់មិនឲ្យចាក់ផ្សាយរយៈពេល ៣ឆ្នាំ ក៏បានលេចមុខសារជាថ្មីនៅលើបណ្តាញសង្គមសរសេរសាររំលែកទុក្ខយ៉ាងក្រៀមក្រំ។ ប៉ុន្តែ មានតែ Zhou Jie ដែលប៉ុណ្ណោះដែលនៅស្ងៀមស្ងាត់ មិនសមានសកម្មភាពអ្វីទាំងអស់។

ទស្សនិកជនដែលធ្លាប់គាំទ្រភាពយន្តចិនបុរាណមួយនេះ បានបង្ហោះនៅលើ Weibo រិះគន់តារាប្រុសវ័យ៥៤ឆ្នាំថា លើកលែងតែ Zhou Jie តួអង្គសំខាន់ទាំងអស់ក្នុងរឿងព្រះនាងយ៉េយ៉េ បានសរសេរសាររំលែកទុក្ខចំពោះអ្នកនិពន្ធ។ Zhou Jie មានបញ្ហាជាមួយតារាសម្ដែង ប៉ុន្តែ Chiung Yao មិនដែលធ្វើបាបគាត់ទេ គាត់ពិតជាអាត្មានិយមពេកហើយ។

ទស្សនិកជនជាច្រើនជឿថា បើគ្មានលោកស្រី Chiung Yao ទេ Zhou Jie ត្រឹមជាតួរងកំប៉ិកកំប៉ុកម្នាក់ប៉ុណ្ណោះ។អ្វីដេលសំខាន់បំផុតនោះគឺ Fan Bingbing ទេដែលជាអ្នកមានជម្លោះជាមួយ Chiung Yao ប៉ុន្តែ ភាពស្មោះត្រង់គឺជាភក្តីភាពដ៏អស់កល្បជានិច្ច នាងបាននិយាយលាអ្នកនិពន្ធស្រីថា អរគុណដែលតែងតែបំភ្លឺខ្ញុំ។ សូមឲ្យអ្នកមានសុភមង្គលនៅស្ថានបរមសុខ។

គួរបញ្ចាក់ដែរថា Zhou Jie កើតនៅឆ្នាំ ១៩៧០ ល្បីល្បាញដោយសារតួនាទីរបស់គាត់ជា Nhi Khang នៅ ក្នុងរឿងព្រះនាងយេយេ តារាសម្ដែងរូបនេះបានជាប់ឈ្មោះក្នុងការងារជាច្រើនទៀតចាប់តាំងពីលោកចាប់ផ្ដើមក្នុងរឿងដ៏កក្រើកមួយនេះ៕