ជីវិតកម្សាន្ដ

តួរឿង «ទេវតាល្បែង» រំឭកថា ពីមុនមកសូម្បីតែអ្នកបើកតាក់ស៊ី ក៏មិនស្គាល់លោកដែរ

បានផុស

២ years មុន

នៅ

ថ្ងៃព្រហស្បតិ៍ ១៩ ធ្នូ ២០២៤

ដោយ

ដកស្រង់ពីសារព័ត៌មានចិន The Star បានរាយការណ៍ថា តារាសម្ដែងហុងកុង Chow Yun Fat បានធ្វើការចែករំលែកនៅក្នុងកម្មវិធីជជែកមួយថា លោកធ្លាប់ជួបអ្នកបើកតាក់ស៊ីម្នាក់ ដែលមិនស្គាល់លោកក្នុងនាមជាតារាសម្ដែង ហើយបដិសេធមិនព្រមឲ្យជិះថែមទៀតផង។

តួអង្គអាចែនៅក្នុងរឿងបែបកំប្លែង «ទេវតាល្បែង» បានរៀបរាប់ពីឧបទ្ទវហេតុនៅក្នុងកម្មវិធីសន្ទនាភាសាចិនជាសំឡេងដោយប្រាប់ថា ព្រឹត្តិការណ៍នេះបានកើតឡើង ខណៈដែលលោកកំពុងថតកុននៅទីក្រុងប៉េកាំង។ គាត់បានជ្រើសរើសជិះតាក់ស៊ី ដើម្បីសន្សំពេលវេលា។ ទោះយ៉ាងណាក៏ដោយ អ្នកបើកតាក់ស៊ី ដែលទទូចសុំតែទទួលអ្នកដំណើរ ដែលធ្វើដំណើរក្នុងទិសដៅដូចគ្នាទៅនឹងផ្លូវរបស់គាត់នោះ បានបង្វែរលោកចេញវិញ ដោយអះអាងថា គាត់មិនបានបំពេញកាតព្វកិច្ច។

យ៉ាងណា ដោយសារតែស្ថិតនៅក្នុងភាពប្រញាប់ប្រញាល់ តារាសម្ដែងប្រុសវ័យឆ្នាំ៦៩ បានបង្ហាញអត្តសញ្ញាណរបស់គាត់ ដោយប្រាប់អ្នកបើកបរថា លោកជា Chow Yun Fat ដោយសង្ឃឹមថាអ្នកបើកបរនឹងមានការលើកលែង។ ប៉ុន្តែ អ្នកបើកបរបានឆ្លើយថា តើ Chow Yun Fat ជានរណា? ខ្ញុំមិនស្គាល់គាត់ទេ។ នៅទីបំផុតទើបលោកអាចបញ្ចុះបញ្ចូលអ្នកបើកបរឲ្យនាំគាត់ទៅគោលដៅ ជាជាងមានអារម្មណ៍អាក់អន់ចិត្ត។ ព្រមជាមួយគ្នានោះលោកថែមទាំង និយាយបែបកំប្លែងអំពីបទពិសោធន៍ថា កាលណោះ ប្រហែលជាខ្ញុំមិនសូវល្បីទេមើលទៅ!

នៅអាយុ ៦៩ ឆ្នាំ Chow Yun Fat កើតចេញពីការចាប់ផ្តើមពីតួនាទីតូចតាច មុនពេលចូលបម្រើការងារនៅ TVB ក្នុងឆ្នាំ ១៩៧៤ គាត់បានធ្វើការជាច្រើនមុខ រួមទាំងជាក្មេងមើលថែស្បែកជើងឲ្យតារា ជំនួយការការិយាល័យ បុគ្គលិកដឹកជញ្ជូនទំនិញ បុគ្គលិកសណ្ឋាគារ និងសូម្បីតែអ្នកបើកបរតាក់ស៊ី។

តួអង្គអាចែរូបនេះទទួលបានភាពល្បីល្បាញតាមរយៈរឿងភាគរបស់ TVB ដូចជា «The Good, The Bad, The Ugly និង The Bund» ។ ពេញមួយអាជីពដ៏អស្ចារ្យរបស់គាត់ គាត់ទទួលបានពានរង្វាន់ជាច្រើន រួមទាំងពានរង្វាន់ភាពយន្តហុងកុងចំនួនបីសម្រាប់តារាសម្តែងឆ្នើម និងពានរង្វាន់ Golden Horse ចំនួនពីរសម្រាប់តារាសម្តែងល្អបំផុត។ ក្រោយមក នៅឆ្នាំ ២០២៣ គាត់បានក្លាយជាតារាសម្តែងហុងកុងទីពីរបន្ទាប់ពី Tony Leung ដែលត្រូវបានតែងតាំងជាផលិតករភាពយន្តអាស៊ីប្រចាំឆ្នាំនៅឯពានរង្វាន់ភាពយន្តអន្តរជាតិទីក្រុងប៊ូសានលើកទី ២៨៕