មិត្តរួមថ្នាក់ Liu Yifei ទម្លាយរូបភាពនាងកាលពី ២៥ ឆ្នាំមុន

កាលពីថ្ងៃទី ២៥ ខែធ្នូ អ្នកលេងអ៊ីនធឺណិតម្នាក់បានអះអាងថាខ្លួនគឺជាមិត្តរួមថ្នាក់របស់តារាសម្ដែង Liu Yifei ហើយបានចែករំលែករូបថតជាភស្តុតាងថែមទៀត។ ក្នុងនោះបានសរសេរថា នាងគឺជាមិត្តរួមថ្នាក់មធ្យមសិក្សារបស់ខ្ញុំ។ ខ្ញុំ​បាន​រក​ឃើញ​រូបថត​មួយ​សន្លឹក​ដែល​ថត​តាំង​ពី​យូរ​មក​ហើយ។

តាមរយៈរូបភាពដែលមិត្តរួមសាលាបានបង្ហោះគឺជារូបភាពដែល Liu Yifei កំពុង​អង្គុយ​នៅ​កណ្តាល សក់​របស់​នាង​ចង​ជាចំហៀងនិងមានក្រណាត់​គ្រប​ក្បាលយ៉ាងគួរឲ្យស្រលាញ់។ នៅពេលនេះតារាចិនទើបតែមានអាយុ ១២ឆ្នាំហើយ ត្រូវបានគេសរសើរថា មាននិស្ស័យពូកែតាំងពីក្មេងមក។

Liu Yifei កើតនៅថ្ងៃទី ២៥ ខែសីហា ឆ្នាំ ១៩៨៧ នៅទីក្រុង Wuhan ខេត្ត Hubei ប្រទេសចិន។ បន្ទាប់ពីបានសិក្សា និងរស់នៅជាអចិន្ត្រៃយ៍នៅបរទេស ម្តាយរបស់នាងបានប្តូរសញ្ជាតិទៅសហរដ្ឋអាមេរិក។ ដំណើរ​សិក្សា​របស់ តារាស្រីនៅ​អាមេរិក​មាន​ការ​ផ្លាស់​ប្តូរ​ជា​ច្រើន។ នាងបានចូលរៀននៅសាលា Louis Pasteur 67 Middle School (MS67) នៅទីក្រុងញូវយ៉ក បន្ទាប់មកផ្ទេរទៅសាលា Francis Lewis ហើយបានបញ្ចប់កម្មវិធីរយៈពេល ៤ ឆ្នាំ។

ក្នុង​អំឡុង​ពេល​នេះ នាង​ពូកែ​ទាំង​ស្នាដៃ​សិក្សា និង​ទេពកោសល្យ​សិល្បៈ។ ក្នុងឆ្នាំ ២០០២ Liu Yifei បានត្រឡប់មកប្រទេសចិនវិញដើម្បីសិក្សានៅនាយកដ្ឋានសម្ដែងនៃ Beijing Film Academy បន្ទាប់មកបានក្លាយជាតារាសម្តែង។ បន្ទាប់ពីការអភិវឌ្ឍអស់រយៈពេល ២២ ឆ្នាំ ស្ថានភាពរបស់តារាស្រីត្រកូល Liu នៅក្នុងឧស្សាហកម្មកម្សាន្តរបស់ចិន គឺស្ថិតនៅលំដាប់កំពូល ដែលត្រូវបានគេស្គាល់ថាជាទេពធីតានៃពាន់លាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាបែបនេះក្ដី បញ្ហា​សញ្ជាតិ​របស់ Liu Yifei តែងតែ​ជា​ចំណុច​ចាប់អារម្មណ៍​របស់​អ្នក​លេង​អ៊ីនធឺណិត។ ជារឿយៗនាងត្រូវបានអូសទាញចូលទៅក្នុងភាពចម្រូងចម្រាសអំពីជំហរនយោបាយនៅពេលមានព្រឹត្តិការណ៍ជាច្រើនកើតឡើង។ នៅឆ្នាំ ២០២១ នាង និងតារាជាច្រើនកំពុងស្ថិតក្រោមសម្ពាធឲ្យបោះបង់សញ្ជាតិរបស់ពួកគេ ប្រសិនបើពួកគេចង់ធ្វើការជាទៀងទាត់ នៅក្នុងទីផ្សារដែលមានមនុស្សរាប់លាន។

កាល​ពី​ខែ​កញ្ញា Liu Yifei ត្រូវ​បាន​គេ​លុប​ឈ្មោះ​ចេញ​ពី​បញ្ជី​បេក្ខភាព​ជា​តារា​សម្ដែង​ឆ្នើម​ក្នុង​កម្មវិធី Golden Eagle Awards ឆ្នាំ ២០២៥ ទស្សនិកជន​ជា​ច្រើន​ជឿ​ថា Liu Yifei មិន​មាន​វត្តមាន​ទេ បើ​ទោះ​បី​នាង​មាន​ការងារ​​ពីរ​រឿង Going Where the Wind និង Mong Hoa Luc ក៏​ដោយ។ ដោយសារតែនាងមិនបានបំពេញតាមតម្រូវការសម្រាប់សញ្ជាតិ។ ដូច្នោះ ពានរង្វាន់ឥន្ទ្រីមាសតម្រូវឲ្យបេក្ខជនមានសញ្ជាតិចិន ចំណែក Liu Yifei មានសញ្ជាតិអាមេរិក៕

អត្ថបទ៖ សាង​​ ស្រីល័ក្ខ

ចុចអាន៖រូប​ភាព តួអ៊ូខុង កាលនៅកម្លោះ ទឹកមុខសង្ហាខ្លាំង ឆាបបេះដូងស្រីៗជំនាន់នោះ