សមាគមសិល្បករខ្មែរ ស្នើឱ្យបញ្ឈប់នូវការលេងសើចជ្រុល នាំឱ្យប៉ះពាល់ធ្ងន់ធ្ងរផ្លូវចិត្ត និងសេចក្តីថ្លៃថ្នូរស្ត្រីខ្មែរ

សមាគមសិល្បករខ្មែរបានចេញសេចក្តីអំពាវនាវ បន្ទាប់ពីមួយរយៈចុងក្រោយនេះ មានសកម្មភាពបន្តបន្ទាប់បានកើតឡើងចំពោះស្ត្រីដែលនាំមកនូវផលប៉ះពាល់ជាអវិជ្ជមានដល់ផ្លូវចិត្ត ព្រមទាំងសេចក្ដីថ្លៃថ្នូររបស់ស្ត្រីយ៉ាងធ្ងន់ធ្ងរ ទោះក្នុងទម្រង់ចេតនាក្ដីឬអចេតនាក្ដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីអំពាវនាវរបស់សមាគមសិល្បករខ្មែរ នារសៀលថ្ងៃទី០៤ ខែមីនា ឆ្នាំ២០២៥នេះ បានឱ្យដឹងថានៅប៉ុន្មានថ្ងៃនេះយើងសង្កេតឃើញថាមានមតិប្រតិកម្ម និងការជជែកវែកញែកយ៉ាងផុលផុសជុំវិញការប្រើប្រាស់ពាក្យពេចន៍របស់ពិធីករម្នាក់ ដែលត្រូវមហាជនចាត់ទុកថាជាការលេងសើចជ្រុលនាំទៅរកឥរិយា បថប្រមាថឬការបៀតបៀនដោយប្រយោលតាមរយៈពាក្យសម្តីលើតារាសម្តែងស្រីម្នាក់ដែលកាយវិកានោះនាំមកនូវផលប៉ះពាល់ផ្លូវចិត្ត ព្រមទាំងសេចក្តីថ្លៃថ្នូររបស់ស្ត្រីខ្មែរជាទូទៅ។

សមាគមសិល្បករខ្មែបន្តថា តាមរយៈសកម្មភាពនោះ យើងសង្កេតឃើញថាទោះបីជាមិនមានចេតនាអាក្រក់ និងត្រូវបានសាមីខ្លួនចាត់ទុកថាគ្រាន់តែជារឿងលេងសើចធម្មតា មិនមានអ្វីធ្ងន់ធ្ងរយ៉ាងណាក៏ដោយ ប៉ុន្តែសកម្មភាពឬពាក្យសម្តីទាំងនោះពិតជាស្តែងចេញ និងបាននាំមកនូវផលលប៉ះពាល់យ៉ាងខ្លាំងទៅដល់បញ្ហាផ្លូវអារម្មណ៍ក៏ដូចជាសេចក្តីថ្លៃថ្នូររបស់ភាគីម្ខាងទៀត ពិសេសតម្លៃស្ត្រីខ្មែរដែលកំពុងទទួលបានការយកចិត្តទុកដាក់ខ្ពស់ ពីរាជរដ្ឋាភិបាលកម្ពុជា និងពិភពលោកទាំងមូល។

ដើម្បីជៀសវាងការប្រឈមមុខទៅនឹងការទទួលខុស ត្រូវលើផ្លូវច្បាប់ក៏ដូចជា ការប្រឈមមុខចំពោះមហា ជនទូទៅសមាគមសិល្បករខ្មែរសូមធ្វើការអំពាវនាវដ ល់សិល្បករ-សិល្បការិនីអ្នកប្រកបអាជីពសិល្បៈទាំង អស់ជាពិសេសពិធីករ- ពិធីការិនីអ្នកអត្ថាធិប្បាយនា នាសុំឱ្យមានការប្រុងប្រយ័ត្នខ្ពស់និងថ្លឹងថ្លែងគ្រប់ជ្រុ ងជ្រោយចំពោះកាប្រើប្រាស់នូវពាក្យពេចន៍លេងសើ ចទាំងឡាយក្នុងចេតនាផ្តល់ភាពសប្បាយរីករាយ ដ ល់មហាជននិងទស្សនិកជនព្រោះពាក្យសម្តីខ្លះអាចធ្វើឱ្យមនុស្សមួយចំនួនសប្បាយរីករាយប៉ុន្តែកុំភ្លេចថា ពាក្យសម្តីខ្លះក៏អាចជាអាវុធដ៏មុតស្រួចចាក់ទម្លុះបេះ ដូងភាគីម្ខាងទៀតបង្កការឈឺចាប់ឬអសន្តិភាពផ្លូវចិត្តយ៉ាងធ្ងន់ធ្ងរ ឬអាចចាត់ចូលជាបទល្មើសក៏មាន។

ម្យ៉ាងវិញទៀតគ្រប់សិល្បករទាំងអស់គឺជាអ្នកតំណា ងប្រទេសតំណាងឱ្យជាតិសាសន៍មួយ។ សិល្បករសិ ល្បការិនីគ្រប់ទម្រង់មិនត្រឹមតែជាអ្នកនាំសិល្បៈប្រពៃ ណីទៅកាន់ឆាកអន្តរជាតិប៉ុណ្ណោះទេប៉ុន្តែជាអ្នកនាំពា ក្យក្នុងការងារអប់រំការងារមនុស្សធម៌និងជួយលើកតម្កើងតម្លៃស្ត្រីផងដែរ។

សមាគមសិល្បករខ្មែរលើកឡើងទៀតថា សូមឱ្យសិល្បករបញ្ចេញជាសារអប់រំល្អៗ ដើម្បីឲ្យបងប្អូនពិសេ សយុវជនយល់កាន់តែច្បាស់និងយកជាគំរូតាម។សិ ល្បករ សិល្បការិនី ពិតជាមានឥទ្ធិពលលើស្ត្រីដូច្នេះសូមជួយផ្តល់តម្លៃនិងការលើកទឹកចិត្តដល់ស្ត្រី។

ជាថ្មីម្តងទៀតក្នុងនាមសមាគមសិល្បករខ្មែរសូមធ្វើ ការអំពាវនាវឱ្យសិល្បករយើងទាំងអស់ ប្រកាន់ភ្ជាប់ ជាមួយនឹងក្រមសីលធម៌ គុណធម៌ និងសច្ចធម៌ទាំងសំណេរពាក្យពេចន៍ កាយវិការ និងការស្លៀកពាក់។ សុំរក្សាភាពថ្លៃថ្នូរដើម្បីជាគំរូដល់ប្អូនៗជំនាន់ក្រោយ ។ សូមចូលរួមគោរពសិទ្ធិនិងសេចក្តីថ្លៃថ្នូទៅវិញទៅមក ដើម្បីសេចក្តីថ្លៃថ្នូរបុគ្គលនិងរក្សាបាននូវសុខដុមនីយកម្មក្នុងសង្គមជាតិទាំងមូល៕ អត្ថបទ៖ ចាន់រ៉ា