ជីវិតកម្សាន្ដ

ថមមី ៖ ថ្ងៃនេះខ្ញុំសប្បាយចិត្តជាងថ្ងៃមុនៗព្រោះប្រពន្ធជិតជាហើយ

បានផុស

៥ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

ភ្នំពេញ ៖ លោក ថមមី ដែលជាស្វាមីរបស់តារាច ម្រៀង សួស វីហ្សា បានបង្ហាញអារម្មណ៍សប្បាយ ចិត្តដោយភ្ជាប់ជាមួយខ្លឹមសារខ្លីថាលោកសប្បាយ ចិត្តព្រោះភរិយាជិតជាពីជំងឺកូវីដ-១៩ហើយ។

ផ្អែកតាមខ្លឹមសារដែលត្រូវបានតារាប្រុសលោកថ មមី បង្ហោះមុននេះបានលើកឡើងថា សូមអញ្ជើញពិសារអាហារពេលរាត្រីជាមួយខ្ញុំបងប្អូនទាំងអស់គ្នា។ ថ្ងៃនេះសប្បាយចិត្តជាងថ្ងៃមុនៗព្រោះប្រពន្ធជិតជាហើយ ត្រូវតែរឹងមាំកុំឲ្យ អាគេបាញ់កូវី ដ-១៩មកក្បែរបាន។

តាមរយៈខ្លឹមសារដែលត្រូវបានស្វាមីអ្នកនាង សួស វីហ្សា គឺលោក ថមមី រៀបរាប់ខាងលើនេះបានធ្វើឲ្យមហាជនសម្តែងការចូលរួមត្រេកអរ ខណៈដែលឮថា ភរិយាអ្នកនាង សួស វីហ្សា ជិតជាសះស្បើយពីជំងឺកូវីដ-១៩ ក្រោយពេលទៅសម្រាកព្យាបាលប៉ុន្មានថ្ងៃកន្លងទៅនេះ។

ដោយឡែកនៅថ្ងៃដដែលនេះលោក ថមមី ក៏បានបង្ហោះសារមួយទៀតដែរថា សូមជម្រាបទៅកាន់បងប្អូនឲ្យបានជ្រាបថា មកពេលនេះលើស៧២ម៉ោង នៃការយកសំណាករបស់កូនស្រីខ្ញុំរួមទាំងអ្នកផ្ទះខ្ញុំទាំងអស់គ្នាហើយ ដូច្នេះមានន័យថាអ្នកផ្ទះខ្ញុំទាំងអស់គ្នារួមទាំងកូនស្រីខ្ញុំ ថង សាម៉ូលីណា គឺមិនមានផ្ទុកមេរោគកូវីដ-១៩នោះទេ គឺលទ្ធផលអវិជ្ជមាន (-) តែពួកខ្ញុំទាំងអស់គ្នាក៏ធ្វើការចត្តាឡីស័កបន្ត១៤ថ្ងៃបន្ថែមទៀត តាមការណែនាំរបស់ក្រសួងសុខាភិបាល គឺស្នាក់នៅផ្ទះដោយមានតែរូបខ្ញុំបាទម្នាក់គត់ ត្រូវនៅដាច់ដោយឡែកពីពួកគាត់ទាំងអស់គ្នាដោយនៅក្នុងបន្ទប់១ប៉ុន្តែនៅផ្ទះតែមួយទេ។

លោកបន្តទៀតថា ការដាក់ខ្លួនឲ្យនៅបន្ទប់ដាច់ដោយឡែក ពីគេក៏ព្រោះខ្ញុំបាទបានប៉ះពាល់ជាមួយភរិយាខ្ញុំផ្ទាល់តែសម្រាប់ខ្ញុំគឺអវិជ្ជមានមេរោគដូចគ្នា ៣លើក រង់ចាំចត្តាឡីស័ក១៤ថ្ងៃរួចតេស្តម្តងទៀត។ សម្រាប់ភរិយារបស់ខ្ញុំបាទSous Visaគាត់បានធូរស្បើយច្រើនហើយ ដោយបានស្គាល់ក្លិនអន់ក្តៅបាត់ឈឺបំពង់ក ហើយពេទ្យថាគាត់អាចជាឆាប់ៗខាងមុខ ដោយសុខភាពគាត់ល្អប្រសើរខ្ញុំសូមអរគុណសម្រាប់ការបារម្ភពីបងប្អូន ជាពិសេសអរគុណខ្លាំងដល់រាជរដ្ឋាភិបាលនិងក្រុមគ្រូពេទ្យកងទ័ពជួរមុខរួមទាំងបងៗកងកម្លាំងនានា។ ជូនពរប្រជាជនកម្ពុជារួចផុតពីគ្រាលំបាកនេះរួចផុតពីមេរោគចង្រៃនេះ សូមឲ្យមេរោគកូវីដ១៩វិនាសឆាប់ៗ៕

ដោយ ៖ ចាន់រ៉ា