បវរកញ្ញាហុងកុង នាង Grace Chan រស់​​​លាក់​ប្រវត្តិ​ជាកូនមហាសេដ្ឋីអចលនទ្រព្យ​

ម្ចាស់មកុដបវរកញ្ញាហុងកុងឆ្នាំ ២០១៣ នាង Grace Chan បានបង្ហាញខ្លួនដ៏កម្រជាមួយឪពុករបស់នាង គឺលោក Chan Gwai Coeng ដែល​​មាន​រហ័សនាម​ថា «ស្តេចអចលនទ្រព្យ» ដោយប្រព័ន្ធផ្សព្វផ្សាយក្នុងស្រុក នៅក្នុងការផ្សាយពាណិជ្ជកម្មសម្រាប់គម្រោងអចលនទ្រព្យមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មហាសេដ្ឋីអចលនទ្រព្យ​ដែល​ជាឪពុក​ បានពាក់អាវប៉ូឡូពណ៌សខ្មៅនៅក្នុងវីដេអូផ្សព្វផ្សាយជាមួយកូនស្រី​គឺ​នាង​​ Grace Chan នៅក្នុងអគារនៃផ្ទះល្វែង Sierra Sea របស់ហុងកុង។ តាមរយៈរូបភាពនោះដែរ លោកបានបញ្ចេញស្នាមញញឹមជាមួយកូនស្រី និងចៅ យ៉ាងសប្បាយរីករាយ។ រូបភាពនេះ ក៏ជាទិដ្ធភាពមួយ​ដ៏​កម្រដែលមហាជនមួយចំនួនធំ ពុំធ្លាប់​​បាន​ដឹងសោះ​​ថា «រាជិនីសម្រស់​មានឪពុកជាមហាសេដ្ឋីអចលនទ្រព្យនោះទេ»។

សារ​ព័ត៌មាន St Headline, Znews បានរាយការណ៍ថា ចាប់តាំងពីរៀបការជាមួយតារាសម្តែងហុងកុង លោក Kevin Cheng ក្នុងឆ្នាំ ២០១៨ មក បវរកញ្ញាញញឹមស្រស់​ស្អាត​រូបនេះ បានផ្លាស់ប្តូរការផ្តោតអារម្មណ៍របស់នាងទៅ​ជា​អ្នកមានឥទ្ធិពលលើប្រព័ន្ធផ្សព្វផ្សាយសង្គម ដែលទទួលបានជោគជ័យខ្ពស់ ដោយបានចុះកិច្ចព្រមព្រៀងផ្តល់ប្រាក់ចំណេញ​ជាប្រចាំ។

បច្ចុប្បន្ននេះនាងត្រូវបានគេទទួលស្គាល់ថា ជាអ្នកមានឥទ្ធិពលម្នាក់ដែលរកប្រាក់ចំណូលបានខ្ពស់បំផុតរបស់ហុងកុង ដោយ​ធានាជាប់លាប់នូវកិច្ចសន្យាផ្សាយពាណិជ្ជកម្មដែលមានតម្លៃខ្ពស់។

ដោយឡែក យោងតាមសារព័ត៌មាន Channel News Asia បានឲ្យដឹងថា ឪពុករបស់នាង គឺលោក Chan Gwai Coeng រកចំណូលបានប្រហែល ៨.៧ លានដុល្លារសិង្ហបុរី (៦.៤លានដុល្លារអាមេរិក) ក្នុងមួយខែ ពីការជួលអចលនទ្រព្យ។ កាលពីមុនពាក់ព័ន្ធនឹងអាជីវកម្មប្រេង ទ្រព្យសម្បត្តិសរុបរបស់គាត់ ត្រូវបានគេរាយការណ៍ថាប្រហែល ៣០០ លានដុល្លារហុងកុង (៣៨.៧ លានដុល្លារអាមេរិក) ឯណោះ៕

អត្ថបទ៖ សាង ស្រីល័ក្ខ

ចុចអាន៖ស្ត្រីចិនម្នាក់តែងខ្លួនជាតួអង្គក្នុងរឿង «ណាចា» ត្រូវបុរសជប៉ុនជេរប្រមាថ និងប្រើហិង្សា