ត្រឹមតែងខ្លួនធម្មតាៗ Park Bom អាចឆក់ចំណាប់អារម្មណ៍ពីហ្វេនៗជាច្រើន

តារាម្រៀងកូរ៉េ Park Bom សមាជិកក្រុម 2NE1 បានបន្តទំនាក់ទំនងជាមួយអ្នកគាំទ្រតាមរយៈប្រព័ន្ធផ្សព្វផ្សាយសង្គម ហើយកាលពីថ្មីៗនេះ នាងទទួលបានការចាប់អារម្មណ៍ជាមួយនឹងការថតរូបពីមុខ (Selfie) ជាបន្តបន្ទាប់ ដែលបង្ហាញពីការតុបតែងមុខរដូវក្តៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ១ ខែកក្កដា សមាជិកក្រុម 2NE1 រូបនេះ បានចូលទៅកាន់ Instagram ផ្ទាល់ខ្លួន ដើម្បីចែករំលែករូបថតជាច្រើនជាមួយនឹងចំណងជើងថា រូបថតក្រៅផ្ទះ ។ នៅក្នុងរូបភាពទាំំងនោះ គេឃើញ Park Bom ពាក់អាវពណ៌សបែកទឹកដោះគោ ជាមួយនឹងការបញ្ចេញស្មាម្ខាង បង្ហាញរូបរាងញញឹមគួរឲ្យស្រលាញដាក់ពីមុខកាមេរ៉ា។ បបូរមាត់​ពណ៌​ផ្កាឈូកខ្ចី និង​ញញឹមស្រស់​របស់​នាង​រំលេច​សម្រស់​ក្មេង​ជាង​វ័យសឹងមិនគួរឲ្យជឿ។

តាមរយៈរូបភាពប៉ុន្មានសន្លឹកនោះ បានធ្វើឲ្យយអ្នកគាំទ្រជាច្រើន ចូលទៅបញ្ចេញដូចៗគ្នាថា បើសិនតារាស្រីវ័យ៤១ឆ្នាំតុនតែងមុខមាត់បែបនេះ នាងមើលទៅមានសម្រស់ស្អាតជាកាតតុបតែងក្រាស់នាពេលកន្លងមក។ ជាពិសេស ការផាត់ស្ទាយនេះក៏បង្ហាញឲ្យឃើញថា កាន់តែក្មេងនិងធម្មជាតិសុទ្ធសាធតែម្ដង។

ថ្វីដ្បិតតែ Park Bom មិនបានបង្ហាញខ្លួននៅឆាក 2NE1 ក្នុងអំឡុងពេលព្រឹត្តិការណ៍ Head in the Clouds LA 2025 ដែលធ្វើឡើងនៅទីក្រុង Los Angeles កាលពីថ្ងៃទី១ ខែមិថុនាក្ដី។ ប៉ុន្តែទីភ្នាក់ងាររបស់នាងបានពន្យល់នៅពេលនោះថា Park Bom បច្ចុប្បន្នកំពុងនៅក្នុងប្រទេសកូរ៉េ ដោយសារកាលវិភាគផ្ទាល់ខ្លួន ហើយអវត្តមានរបស់នាងត្រូវបានសម្រេចចិត្តតាមរយៈការពិភាក្សាជាមុន៕

អត្ថបទ៖ សាង ស្រីល័ក្ខ

ចុចអាន៖ដុនដាបប៉ុន្មានឆ្នាំ ទីបំផុតតួឯកស្រី F4 កូរ៉េ ក្លាយជាថៅកែមួយរូបលែងដេកព្រួយរឿងលុយកាក់