កូនស្រីតារាសម្ដែងចិន Li Yapeng និង Faye Wong ត្រូវគេរិះគន់រឿង ជក់បារីទាំងវ័យក្មេង

Li Yan កូនស្រីរបស់តារាសម្តែងចិន Li Yapeng និងតារាចម្រៀងហុងកុង Faye Wong បានប្រឈមមុខនឹងការរិះគន់តាមប្រព័ន្ធអនឡាញ បន្ទាប់ពីត្រូវបានគេថតរូបដោយប្រើបារីអេឡិចត្រូនិចនៅឯពិធីជប់លៀងរបស់មិត្តភ័ក្តិ។

Li Yapeng បានចូលរួមក្នុងព្រឹត្តិការណ៍មួយកាលពីថ្ងៃពុធ ជាមួយកូនស្រីអាយុ ១៩ ឆ្នាំរបស់គាត់ Li Yan ។ ពេលចាកចេញមក កូនស្រីលោកត្រូវបានគេឃើញប្រើឧបករណ៍ជក់បារី សកម្មភាពរបស់នាងដែលត្រូវបានពិពណ៌នាដោយអ្នកប្រើប្រាស់អនឡាញថា ជាមនុស្សមានជំនាញ និង មានបទពិសោធន៍យូរឆ្នាំ ដែលមើលទៅហាក់មានភាពធូរស្រាល និងងាយស្រួលដូចអ្នកជក់បារីអាជីព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Sohu បានរាយការណ៍ថា ពេញមួយឧប្បត្តិហេតុនេះឪពុករបស់នាង មិនបានអន្តរាគមន៍ទេ។ យ៉ាងណា ក៏មានប្រភពខ្លះបានអះអាងថា ម្តាយរបស់គឺតារាសម្ដែង Faye Wong និងប្អូនស្រីដែលជាតន្ត្រីករ Leah Dou ក៏ជាអ្នកជក់បារីដែរ ហើយថាគ្រួសារនេះគឺតែងបើកចំហអំពីទម្លាប់ប្រើប្រាស់។

នៅលើប្រព័ន្ធផ្សព្វផ្សាយសង្គម មនុស្សជាច្រើនបានរិះគន់ Li Yapeng ពីបទរើសយកទម្លាប់អាក្រក់ និង បង្ហាញរូបភាពអវិជ្ជមានជាកូនស្រីរបស់តារាល្បី។ អ្នក​ខ្លះ​ទៀត​បាន​លើក​ឡើង​ថា ក្នុង​នាម​ជា​មនុស្ស​ពេញ​វ័យ នាង​មាន​សិទ្ធិ​ជ្រើសរើស​របៀប​រស់​នៅ​របស់​នាង ហើយ​មិន​គួរ​ប្រឈម​មុខ​នឹង​ការ​ត្រួត​ពិនិត្យ​ហួស​ហេតុ​ពេក​នោះ​ទេ។ អ្នក​អត្ថាធិប្បាយ​ជាច្រើន​បាន​កត់​សម្គាល់​ថា បារី​អេឡិចត្រូនិក​នៅ​តែ​មាន​សារធាតុ​គ្រោះថ្នាក់​ដូច​ជា​ជាតិ​នីកូទីន និង​លោហធាតុ​ធ្ងន់ ដែល​អាច​ប៉ះពាល់​ដល់​សុខភាព​របស់​យុវវ័យ​ជា​ពិសេស។

Li Yan គឺជាកូនតែមួយរបស់គូស្នេហ៍តារាសម្ដែង។ បន្ទាប់ពីឪពុកម្តាយបានលែងលះគ្នាក្នុងឆ្នាំ ២០១៣ នាងបានរស់នៅជាមួយឪពុក។ ចាប់តាំងពីឆ្នាំ ២០១៩ មក នាងបានសិក្សានៅសាលាអន្តរជាតិមួយក្នុងប្រទេសស្វីស។ ដោយមានការគាំទ្រផ្នែកហិរញ្ញវត្ថុពីឪពុកម្តាយ នាងបានរីករាយនឹងរបៀបរស់នៅប្រកបដោយផាសុកភាព ជាញឹកញាប់ទិញទំនិញប្រណីតៗ និងចំណាយយ៉ាងខ្ជះខ្ជាយ។

នាងត្រូវបានគេធ្វើរោគវិនិច្ឆ័យថាកើតមកមានបបូរមាត់ឆែប និងក្រអូមមាត់ពីកំណើត ហើយឪពុកម្តាយបានលះបង់ជិត ២ទស្សវត្សរ៍ សម្រាប់ការជាសះស្បើយកូន ដោយមិនចំណាយប្រាក់ច្រើនដើម្បីធានាបាននូវការថែទាំសុខភាពល្អបំផុត នេះបើយោងតាម Sinchew ។

ប៉ុន្មានឆ្នាំចុងក្រោយនេះ ក្មេងជំទងបានទទួលការវះកាត់កែក្រអូមមាត់ ដែលធ្វើឲ្យរូបរាងរបស់នាងកាន់តែមានភាពប្រសើរឡើង និងទទួលបានការសរសើរពីមហាជន។ ទោះជា​មិន​សូវ​សកម្ម​ក្នុង​វិស័យ​សិល្បៈ​ក៏ពិតមែន ប៉ុន្តែ​នាង​នៅតែ​ស្ថិតក្នុង​ការចាប់អារម្មណ៍​ជា​កូនស្រី​របស់​ឥស្សរជន​ល្បីឈ្មោះ​ពីររូប​។ ម្តងម្កាល នាងបានបង្ករឿងចម្រូងចម្រាសនៅលើបណ្តាញសង្គម រួមទាំងការបង្ហោះរូបថតឈុតហែលទឹកមុនអាយុ ១៨ ឆ្នាំ និងបង្ហាញមុខជាមួយមិត្តភ័ក្តិអ្នកមានទ្រព្យ ខណៈពេលដែលត្រូវបានគេរាយការណ៍ថាចំណាយប្រាក់យ៉ាងច្រើន ទោះបីជាមិនមានប្រាក់ចំណូលផ្ទាល់ខ្លួនក៏ដោយ៕

អត្ថបទ៖ សាង ស្រីល័ក្ខ

ចុចអាន៖តារា​ចិន​១៣​រូប​ រៀនមិនទាន់ចប់ថ្នាក់សម្ដែងក្ដី​ តែមានទេព​កោសល្យ​ និងជំនាញគួរឲ្យសរសើរ