ជីវិតកម្សាន្ដ

ចាប់ខ្លួនស្ត្រីម្នាក់ លួចចូលក្នុងផ្ទះ Jungkook ទាំងកណ្តាលអធ្រាត្រ

បានផុស

១០ ខែ មុន

នៅ

ថ្ងៃចន្ទ ១ កញ្ញា ២០២៥

ដោយ

នៅល្ងាចថ្ងៃទី ៣០ ខែសីហា ប៉ូលិសកូរ៉េខាងត្បូង បានចាប់ខ្លួនស្ត្រីម្នាក់ មានអាយុ ៤០ ឆ្នាំ ពីបទលួចចូលស្នាក់នៅដោយខុសច្បាប់ នៅក្នុងផ្ទះរបស់ Jungkook សមាជិកក្រុម BTS ទាំងពាក់កណ្តាលអធ្រាត្រ។ នេះបើយោងតាមភ្នាក់ងារកម្សាន្ត koreatimes បានចុះផ្សាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមព័ត៌មានពីស្ថានីយ៍ប៉ូលិស Yongsan នៃទីក្រុងសេអ៊ូល ស្ត្រីនេះត្រូវបានគេស្គាល់ថាឈ្មោះ A បានរងការចោទប្រកាន់ពីបទចូលខុសច្បាប់ កាលពីវេលាម៉ោងប្រហែល ១១:២០នាទីយប់។

ប្រភពពីប៉ូលិសបានរាយការណ៍ទៀតថា នៅថ្ងៃទី ៣០ ខែសីហា អ្នកស្រី A បានដើរតាមរថយន្តចូលទៅក្នុងចំណតនៃផ្ទះល្វែងរបស់ Jungkook ដែលមានទីតាំងនៅស្រុក Yongsan ។ តាមរយៈរូបភាពពីកាមេរ៉ាសុវត្ថិភាព (CCTV) បានជួយឲ្យសន្តិសុខប្រទះឃើញហេតុការណ៍នេះ ហើយរាយការណ៍ទៅប៉ូលិសភ្លាមៗ។ នៅពេលត្រូវបានចាប់ខ្លួន អ្នកស្រី A បាននិយាយមិនសមហេតុផលដោយអះអាងថា នាងបានចូលទៅព្រោះទីនេះជាផ្ទះមិត្តភ័ក្ដិតែប៉ុណ្ណោះ។

គួរកត់សំគាល់ថា នេះមិនមែនជាលើកទីមួយទេ ដែលផ្ទះរបស់សមាជិកក្រុម BTS ត្រូវបានគេលួចចូល។ កាលពីខែមិថុនាកន្លងទៅ នៅថ្ងៃដែល Jungkook ត្រូវបានរំសាយចេញពីយោធា ស្ត្រីជនជាតិចិនម្នាក់ដែលមានអាយុ ៣០ ឆ្នាំ (ត្រូវបានគេស្គាល់ថាជាកញ្ញា B) ក៏បានព្យាយាមទម្លុះចូល។ សំណុំរឿងនេះត្រូវបានផ្ទេរទៅ Procuracy នៅថ្ងៃទី ២៧ ខែសីហា ដោយគ្មានការឃុំខ្លួននោះទេ។

បច្ចុប្បន្នសមត្ថកិច្ចកំពុងបន្តធ្វើកោសល្យវិច្ច័យ និងបំភ្លឺពីគោលបំណងពិតរបស់នាង A ក្នុងហេតុការណ៍លួចចូលចូលក្នុងផ្ទះរបស់ Jungkook៕