ជីវិតកម្សាន្ដ

សំងំព្យាបាលផ្លូវចិត្តមួយរយៈ ទស្សនិកជនស្ទើរតែមើល Park Bom លែងចង់ស្គាល់

បានផុស

១០ ខែ មុន

នៅ

ថ្ងៃពុធ ១០ កញ្ញា ២០២៥

ដោយ

ក្នុងរូបភាពដែលទើបបានចែករំលែកថ្មីនេះ Park Bom បង្ហាញខ្លួនជាមួយសក់ពណ៌ក្រហម ភ្នែកធំៗ បបូរមាតធំ ចង្កាស្រួច និងស្ទីលតុបតែងខ្លួនលេចធ្លោជាងមុន។ បើទោះបីជានាង នៅតែរក្សាស្នាមញញឹមដែលធ្លាប់ស្គាល់ ប៉ុន្តែមុខរបស់តារាស្រីមើលទៅខុសប្លែកពីគេ ដែលធ្វើឲ្យអ្នកគាំទ្រជាច្រើនលាន់មាត់ថា ពួកគេពិបាកស្គាល់ Park Bom ណាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើធៀបនឹងរូបតុក្កតាដ៏ផ្អែមល្ហែមដែលអ្នកគាំទ្រធ្លាប់ស្គាល់ពីមុនមក Park Bom ឥឡូវបាននាំមកនូវបុគ្គលិកលក្ខណៈដែលគួរឲ្យភ្ញាក់ផ្អើលកានតែខ្លាំង។ ទស្សនិកជនមួយចំនួនគិតថា នាងកំពុងពិសោធន៍ស្ទីលប្លែកៗ ដើម្បីឲ្យរូបភាពរបស់នាងស្រស់ស្រាយ ប៉ុន្តែមនុស្សជាច្រើនក៏មានការព្រួយបារម្ភដែរថា តើសុខភាព និងផ្លូវចិត្តរបស់តារាចម្រៀងស្រីវ័យ៤១ឆ្នាំ នឹងមានស្ថេរភាពដែរឬទេ បន្ទាប់ពីសម្រាកព្យាបាលអស់រយៈពេលយូរ។

ទោះបីជាបែបនេះក្ដី កាលពីដើមខែសីហា ក្រុមហ៊ុនគ្រប់គ្រងបានប្រកាសថា Park Bom នឹងផ្អាកសកម្មភាពទាំងអស់ជាបណ្តោះអាសន្នតាមការស្នើសុំរបស់វេជ្ជបណ្ឌិតរបស់នាង។ ឆាកក្នុងការប្រកួត Coupang Play Series 2025 នៅកីឡដ្ឋាន Seoul World Cup នៅថ្ងៃទី ៣ ខែសីហា ត្រូវបានគេចាត់ទុកថាជាការបង្ហាញខ្លួនជាផ្លូវការចុងក្រោយរបស់នាង មុនពេលសម្រាក។

ជាងនេះទៅទៀតដែរ ក្នុងពេលដែល Park Bom កំពុងលាក់ខ្លួន សមាជិក 2NE1 នៅតែបន្តរក្សាសមាជិកបីនាក់ដែលនៅសេសសល់រួមមានតារាចម្រៀង CL, Sandara Park និង Minzy ក្រុមនេះក៏មានការសម្តែងដ៏ផ្ទុះនៅក្នុងពិធីបុណ្យតន្ត្រី Waterbomb Bali ២០២៥ ផងដែរ៕