ព័ត៌មានអន្ដរជាតិ
អតីតនាយករដ្ឋមន្ត្រីបារាំង ជំរុញឲ្យលោក Macron លាលែងពីតំណែង
យោងតាមការចុះផ្សាយរបស់សារព័ត៍មាន France24 អតីតនាយករដ្ឋមន្ត្រីលោក Édouard Philippe បានអំពាវនាវឲ្យប្រធានាធិបតីបារាំងលោក Emmanuel Macron លាលែងពីតំណែង និងជម្រះផ្លូវសម្រាប់ការបោះឆ្នោតប្រធានាធិបតីមុនកាលកំណត់។
ការអំពាវនាវនេះ ធ្វើឡើងបន្ទាប់ពីការដួលរលំនៃរដ្ឋាភិបាលជនជាតិភាគតិចចុងក្រោយបំផុតរបស់លោក Macron ដែលធ្វើឲ្យវិបត្តិនយោបាយនៅប្រទេសបារាំងកាន់តែយ៉ាប់យ៉ឺន។ លោក Philippe ដែលជាអតីតសម្ព័ន្ធមិត្តសំខាន់ បានស្នើថា លោក Macron គួរតែចាកចេញ«ក្នុងសេចក្ដីថ្លៃថ្នូរ»។ លោក Philippe ដែលបានធ្វើជានាយករដ្ឋមន្ត្រីពីឆ្នាំ២០១៧ដល់ឆ្នាំ២០២០ បានរិះគន់ភាពជាប់គាំងនយោបាយ ដោយនិយាយថា «រយៈពេល១៨ខែទៀតនេះយូរពេកហើយ វាកំពុងធ្វើឲ្យខូចខាតដល់ប្រទេសបារាំង»។
យ៉ាងណា លោកមិនគាំទ្រការលាលែងពីតំណែងភ្លាមៗនោះទេ តែអតីតនាយករដ្ឋមន្ត្រីរូបនេះបានណែនាំផែនការផ្លាស់ប្តូរមួយ ដែលពាក់ព័ន្ធនឹងនាយករដ្ឋមន្ត្រីចាំផ្ទះ ការអនុម័តថវិកា និងបន្ទាប់មកការបោះឆ្នោតប្រធានាធិបតីមុនអាណត្តិ។
ការអត្ថាធិប្បាយរបស់លោក Philippe រឹតតែដាក់សម្ពាធខ្លាំងលើលោក Macron បន្ទាប់ពីអតីតនាយករដ្ឋមន្ត្រីមួយរូបទៀតគឺលោក Gabriel Attal ក៏បានបង្ហាញពីការខកចិត្តរបស់គាត់ផងដែរ។ លោក Attal ដែលបានបម្រើការនៅក្រោមលោក Macron ក្នុងឆ្នាំ២០២៤ បាននិយាយថា «ដូចប្រជាជនបារាំងជាច្រើនដែរ ខ្ញុំគិតលែងយល់ពីការសម្រេចចិត្តរបស់លោកប្រធានាធិបតីទៀតហើយ»។
ការអំពាវនាវពីអតីតសម្ព័ន្ធមិត្តរបស់ខ្លួនបែបនេះ ឆ្លុះបញ្ចាំងពីភាពឯកោកាន់តែខ្លាំងឡើងរបស់លោក Macron។ វិបត្តិចុងក្រោយបង្អស់ត្រូវបានបង្កឡើងដោយការលាលែងពីតំណែងរបស់នាយករដ្ឋមន្ត្រី Sébastien Lecornu នៅថ្ងៃទី៦ខែតុលាឆ្នាំ២០២៥ បន្ទាប់ពីកាន់តំណែងបានត្រឹមតែ ២៧ថ្ងៃប៉ុណ្ណោះ។ នេះជារដ្ឋាភិបាលទីបីហើយដែលត្រូវដួលរលំក្នុងរយៈពេលមួយឆ្នាំ។
លោក Macron បាននិយាយម្តងហើយម្តងទៀតអំពីចេតនារបស់គាត់ ក្នុងការបន្តអាណត្តិទីពីរ និងជាអាណត្តិចុងក្រោយរបស់គាត់ឲ្យបានពេញលេញបរិបូណ៌ រហូតដល់ឆ្នាំ២០២៧ខាងមុខ។ ទោះជាយ៉ាងណាក៏ដោយ សម្ពាធកើនឡើងកាន់តែខ្លាំង ដែលបណ្ដាលមកពីសម្ព័ន្ធនយោបាយរបស់គាត់ផ្ទាល់ និងក្រុមប្រឆាំងទាំងពីឆ្វេង និងស្តាំនិយម ដោយបង្កើតជាភាពមិនប្រាកដប្រជានៅក្នុងនយោបាយប្រទេសបារាំងនាពេលបច្ចុប្បន្ន៕
ដោយ៖ ឈាង
-
ព័ត៌មានជាតិ១ សប្តាហ៍ agoប្រាសាទសក្ល នៅតែជាគោលដៅទាក់ទាញ សម្រាប់អ្នកស្រាវជ្រាវ និងភ្ញៀវទេសចរ ស្វែងយល់អរិយធម៌ខ្មែរ
-
ព័ត៌មានជាតិ៦ ថ្ងៃ agoអភិបាលរាជធានី ណែនាំឱ្យអាជ្ញាធរយកចិត្តទុកដាក់ខ្ពស់ចំពោះគ្រួសារយុទ្ធជនជួរមុខនៅក្នុងមូលដ្ឋាន
-
សន្តិសុខសង្គម៣ ថ្ងៃ agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានជាតិ១ សប្តាហ៍ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ១ សប្តាហ៍ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ១៥ ម៉ោង agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
ព័ត៌មានជាតិ៥ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
កីឡា១ សប្តាហ៍ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ