ព័ត៌មានអន្ដរជាតិ

អ្នកចាក់វ៉ាក់សាំងរួចគួរទទួលទានអាហារមួយមុខនេះជាចាំបាច់ ដើម្បីបន្ថែមការបង្កើនភាពស៊ាំដល់រាងកាយ

បានផុស

៥ years មុន

នៅ

ថ្ងៃចន្ទ ១២ មេសា ២០២១

ដោយ

មានអាហារមួយចំនួនដែលតម្រូវឲ្យតមជាចាំបាច់ ដើម្បីចៀសវាងវ៉ាក់សាំងគ្មានប្រសិទ្ធភាព។ ប៉ុន្តែមានអាហារមួយប្រភេទទៀត អ្នកចាក់វ៉ាក់សាំងត្រូវតែទទួលទានដាច់ខាត ដើម្បីបង្កើនភាពស៊ាំក្នុងរាងកាយ ជាពិសេសអាហារដែលមានបរិមាណទឹកខ្ពស់ជួយកាត់បន្ថយការឈឺចាប់និងរលាកក្រោយពេលចាក់រួច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម CDC បានបញ្ជាក់ថា រាងកាយនឹងស្ថិតក្នុងស្ថានភាពនៃការរលាក ក្រោយពេលចាក់វ៉ាក់សាំង។ យើងអាចជួបប្រទះផលប៉ះពាល់មិនល្អមួយចំនួននៃការចាក់វ៉ាក់សាំងកូវីដ១៩។ ទោះបីវាមិនកើតឡើងចំពោះមនុស្សគ្រប់គ្នាក៏ដោយ តែអ្នកខ្លះបានជួបពីផលប៉ះពាល់រយៈពេលពីរបីម៉ោង បន្ទាប់ពីទទួលថ្នាំបង្ការ រួមមាន គ្រុនក្ដៅ ឈឺសាច់ដុំនិងឈឺក្បាល។

ផលប៉ះពាល់ទាំងនេះគឺមកពីការរលាក ដែលកំពុងកើតឡើងនៅក្នុងខ្លួនយើង។ រាងកាយមានប្រតិកម្មទៅនឹងប្រូតេអ៊ីនដែលរីកដុះដាល ហើយកំពុងធ្វើការដើម្បីប្រយុទ្ធប្រឆាំងនឹងការឆ្លងមេរោគ។ ឈឺដៃឬសាច់ដុំនិងគ្រុនក្ដៅគឺជារឿងធម្មតា នៅពេលដែលប្រព័ន្ធភាពស៊ាំរបស់យើងកំពុងប្រយុទ្ធប្រឆាំងនឹងអ្វីមួយ។

នេះជាមូលហេតុដែលការហូបអាហារជួយបង្កើនភាពស៊ាំ ជាពិសេសអាហារដែលមានបរិមាណទឹកខ្ពស់នឹងធ្វើឲ្យអ្នកចាក់វ៉ាក់សាំងឆាប់ជាសះស្បើយ។ CDC ក៏បានបញ្ជាក់ផងដែរថា ការផឹកទឹកឲ្យបានច្រើន ក៏មានសារៈសំខាន់បន្ទាប់ពីទទួលបានវ៉ាក់សាំងរួច។ នេះមានន័យថាអាហារដែលប្រឆាំងនឹងការរលាក អាចផ្ដល់ជាតិទឹកដល់រាងកាយរបស់យើង ហើយជួយរាងកាយឆាប់មកដូចដើមវិញបានច្រើន។

តួយ៉ាងដូចជាស៊ុប គឺជាអាហារមួយប្រភេទប្រឆាំងនឹងការរលាកដ៏អស្ចារ្យ មិនថាវាជាស៊ុបមាន់ ជ្រូក ឬសាច់គោ សុទ្ធតែកាត់បន្ថយអាការចុកចាប់ និងជួយប៉ូវកម្លាំងបានច្រើនជាងអាហារផ្សេង។

លើសពីនេះទៀត ប្រសិនបើស៊ុបនោះលាយបន្លែ ដូចជា សណ្ដែកខៀវ ដំឡូងបារាំង ផ្កាខាត់ណាខៀវ ជីវ៉ាន់ស៊ុយ និងការ៉ុត គឺពោរពេញទៅដោយអាហារជួយបង្កើនប្រព័ន្ធភាពស៊ាំបានល្អ ហើយប្រព័ន្ធភាពស៊ាំរបស់យើងកាន់តែធ្វើការជំរុញទ្វេគុណថែមទៀតក្នុងរាងកាយ។

យោងទៅតាមសារព័ត៌មាន CHEST បានឲ្យដឹងថា ស៊ុបមាន់ពិតជា“ ឱសថទិព្វមានប្រយោជន៍” នៅពេលទទួលទាន និងមាន“ ឥទ្ធិពលប្រឆាំងនឹងការរលាកស្រាល” លើរាងកាយពិតមែន៕

ប្រែសម្រួល៖ សាង ស្រីល័ក្ខ

ប្រភព៖eatthis

ចុចអាន៖គួរចៀសវាងអាហារ ៥ ប្រភេទនេះដាច់ខាត បើចង់ឲ្យវ៉ាក់សាំងមានប្រសិទ្ធភាពខ្លាំងក្រោយចាក់ហើយ

ចុចអាន៖វេជ្ជបណ្ឌិតហាមផឹកស្រាដាច់ខាតមុនចាក់វ៉ាក់សាំង ហើយត្រូវទទួលទានអាហារជីវជាតិ និងទឹកឲ្យគ្រប់គ្រាន់