ថៃ ចេញការព្រមានខេត្តចំនួន ១៣ ពីបំណាក់ដីនិងទឹកជំនន់ភ្លាមៗ

នាយកដ្ឋានធនធានរ៉ែថៃ បានចេញការ​ព្រមានដល់ខេត្តចំនួន ១៣ ទូទាំងប្រទេសថៃ ដើម្បីត្រៀមខ្លួនចំពោះបំណាក់ដីនិងទឹកជំនន់ភ្លាមៗ ចាប់ពីថ្ងៃទី ៣១ ខែតុលា ដល់ថ្ងៃទី ២ ខែវិច្ឆិកា ឆ្នាំ ២០២៥។ នេះបើយោងតាមការចេញផ្សាយរបស់សារព័ត៌មាន Khaosod នៅថ្ងៃទី ៣១ ខែតុលា។

ការព្រមាននេះកើតឡើងនៅពេលដែលមានខ្យល់មូសុងដ៏ខ្លាំងក្លាមួយនាំមកនូវភ្លៀងធ្លាក់ខ្លាំងដល់តំបន់ជាច្រើន។ តំបន់ដែលមានហានិភ័យរួមមានខេត្ត Uthai Thani, Tak, Kanchanaburi, Prachuap Khiri Khan, Rayong, Chanthaburi, Trat, Chumphon, Surat Thani, Phang Nga, Ranong, Krabi និង Phuket ។

មន្ត្រីក្នុងស្រុកត្រូវបានរដ្ឋាភិបាលថៃបញ្ជាឱ្យតាមដានភ្លៀងធ្លាក់យ៉ាងដិតដល់ បន្តប្រុងប្រយ័ត្ន និងត្រៀមខ្លួនដើម្បីព្រមានសហគមន៍ ប្រសិនបើមានសញ្ញានៃបំណាក់ដី ឬទឹកជំនន់ភ្លាមៗលេចឡើង។ ប្រជាពលរដ្ឋនៅក្នុងតំបន់ដែលមានហានិភ័យក៏ត្រូវបានណែនាំឱ្យបន្តតាមដានព័ត៌មាន និងរក្សាប្រុងប្រយ័ត្នឲ្យបានខ្ពស់៕

អត្ថបទ៖ ប៊ុន​ សុភាព