ព័ត៌មានអន្ដរជាតិ

ព្រឹទ្ធសភាអាមេរិកទប់ស្កាត់ ត្រាំ មិនឲ្យធ្វើសង្គ្រាមដោយចិត្តឯងប្រឆាំងវេណេស៊ុយអេឡា

បានផុស

៦ ខែ មុន

នៅ

ថ្ងៃសុក្រ ៧ វិច្ឆិកា ២០២៥

ដោយ

សមាជិកព្រឹទ្ធសភាអាមេរិកមកពីគណបក្សសាធារណរដ្ឋរបស់ប្រធានាធិបតី ត្រាំ នៅថ្ងៃទី៦វិច្ឆិកា បានបោះឆ្នោតជំទាស់ដំណោះស្រាយមួយដែលនឹងរារាំងប្រធានាធិបតីសហរដ្ឋអាមេរិកលោក ដូណាល់ ត្រាំ (Donald Trump) ពីការវាយប្រហារលើប្រទេសវេណេស៊ុយអេឡា ដោយគ្មានការអនុញ្ញាតពីសភា។

ព្រឹទ្ធសមាជិកមកពីគណបក្សប្រជាធិបតេយ្យ លោក CHRIS VAN HOLLEN ឡើងមានយោបល់។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបោះឆ្នោតព្រឹទ្ធសភានេះ បានកើតឡើងមួយថ្ងៃ បន្ទាប់ពីមន្ត្រីរដ្ឋបាលបានប្រាប់សមាជិកសភាថាទីក្រុងវ៉ាស៊ីនតោន បច្ចុប្បន្នមិនមានគម្រោងវាយប្រហារលើទឹកដីវេណេស៊ុយអេឡានោះទេ។ ព្រឹទ្ធសភាបានបោះឆ្នោត ដោយសំឡេង ៥១ ទល់នឹង ៤៩ ដែលភាគច្រើនតាមបណ្តោយជួរគណបក្ស ដោយប្រឆាំងទៅនឹងវិធានការដែលនឹងនាំមកនូវដំណោះស្រាយសង្គ្រាម។

នៅក្នុងការបោះឆ្នោតព្រឹទ្ធសភានោះ មានតែព្រឹទ្ធសមាជិកគណបក្សសាធារណរដ្ឋពីររូបប៉ុណ្ណោះរបស់គណបក្សសាធារណៈរដ្ឋដែលបានចូលរួមជាមួយគណបក្សប្រជាធិបតេយ្យក្នុងការគាំទ្រវិធានការនេះ ដែលជាការសាកល្បងចុងក្រោយបំផុតនៃឆន្ទៈរបស់គណបក្សក្នុងការគាំទ្រការកសាងកម្លាំងយោធារបស់លោក ត្រាំ នៅតំបន់ភាគខាងត្បូងការ៉ាប៊ីន បន្ទាប់ពីការវាយប្រហារដ៏សាហាវរយៈពេលពីរខែប្រឆាំងនឹងទូកនៅវេណេស៊ុយអេឡា។

ទីភ្នាក់ងារព័ត៌មានរ៉យទ័រ បានផ្សាយថា រដ្ឋបាល ប្រធានាធិបតី ត្រាំ បាននិយាយថា ចាប់តាំងពីដើមខែកញ្ញាមក កងកម្លាំងសហរដ្ឋអាមេរិកបានវាយប្រហារយ៉ាងហោចណាស់ ១៦លើកទៅលើនាវាសង្ស័យមានដឹកគ្រឿងញៀននៅប៉ាស៊ីហ្វិក និងភាគខាងត្បូងការ៉ាប៊ីន ដោយបានសម្លាប់មនុស្សជាង ៦៥នាក់។

ការវាយប្រហារជាច្រើនសប្តាហ៍បានធ្វើឱ្យមានការព្រួយបារម្ភថា ប្រធានាធិបតី ត្រាំ នឹងបើកការវាយប្រហារលើប្រទេសវេណេស៊ុយអេឡាដោយចិត្តខ្លួនឯង ដែលបានជំរុញឱ្យមានការណែនាំដំណោះស្រាយទ្វេបក្ស (bipartisan) ដែលតាក់តែងដោយ ព្រឹទ្ធសមាជិកគណបក្សប្រជាធិបតេយ្យ លោក Tim Kaine មកពីរដ្ឋ Virginia និងលោក Adam Schiff នៃរដ្ឋកាលីហ្វ័រញ៉ា និងព្រឹទ្ធសមាជិកមកពីគណបក្សសាធារណរដ្ឋ លោក Rand Paul នៃរដ្ឋ Kentucky៕

រ៉ាន់ រើយ