រញ្ជួយដីកម្រិត ៥.៥ រ៉ិចទ័រ វាយប្រហារប្រទេសបង់ក្លាដែស សម្លាប់មនុស្ស៣នាក់

យោងតាមការចេញផ្សាយរបស់សារព័ត៌មាន CNA នៅថ្ងៃទី២១ខែតុលា គ្រោះរញ្ជួយដីកម្រិត ៥.៥ រ៉ិចទ័រមួយបានវាយប្រហារប្រទេសបង់ក្លាដែស ជិតទីក្រុង Narsingdi ចម្ងាយប្រហែល ៣៣ គីឡូម៉ែត្រពីរដ្ឋធានីដាកា សម្លាប់មនុស្សយ៉ាងហោចណាស់បីនាក់ មានទាំងនិស្សិតពេទ្យម្នាក់។

គ្រោះរញ្ជួយដីនេះបានកើតឡើងនៅម៉ោង ១០:៣៨ ព្រឹក ហើយបង្កឱ្យមានការភ័យខ្លាចយ៉ាងទូលំទូលាយ ដោយមនុស្សម្នារត់ចេញពីផ្ទះ និងអគារនានា ព្រោះវាជាថ្ងៃឈប់សម្រាកសាធារណៈ។

ការរញ្ជួយដីនេះមានរយៈពេលប្រហែល ២៦ វិនាទី។ បើទីភ្នាក់ងារអាកាសធាតុបង់ក្លាដែសបានវាស់ស្ទង់ការរញ្ជួយដីនៅកម្រិត ៥.៧ រ៉ិចទ័រ ដែលខ្លាំងជាងការប៉ាន់ស្មានរបស់ ការស្ទង់ភូមិសាស្ត្រសហរដ្ឋអាមេរិក(USGS) បន្តិច។ USGS ក៏បានព្រមានផងដែរថា ការរញ្ជួយដីនេះអាចបណ្តាលឱ្យមានរបួស និងការខូចខាតធ្ងន់ធ្ងរផងដែរ។

ការរញ្ជួយដីទាំងនេះក៏មានឥទ្ធិពលដល់ទីក្រុង Kolkata ប្រទេសឥណ្ឌា ដែលមានចម្ងាយជាង ៣២៥ គីឡូម៉ែត្រពីចំណុចកណ្តាលនៃការរញ្ជួយដីនឯណោះ។ ប្រជាជននៅទីនោះក៏បានរត់ចេញទៅខាងក្រៅដែរ ប៉ុន្តែមិនមានរបាយការណ៍អំពីរបួស ឬការខូចខាតធ្ងន់ធ្ងរនោះទេ។ អាជ្ញាធរបង់ក្លាដែសនៅតែបន្តពិនិត្យមើលថាតើការរញ្ជួយដីនេះបានបង្កការខូចខាតសរុបប៉ុន្មាន៕

អត្ថបទ៖ ប៊ុន សុភាព