អតីតស្ត្រីទីមួយកូរ៉េខាងត្បូង អាចជាប់ពន្ធនាគារ ១៥ ឆ្នាំ ក្រោមបទសូកប៉ាន់

ព្រះរាជអាជ្ញាកូរ៉េខាងត្បូងកាលពីថ្ងៃពុធ ទី ៣ ខែធ្នូ បានស្នើសុំកាត់ទោសលោកស្រី Kim Keon Hee ឲ្យជាប់ពន្ធនាគាររយៈពេល ១៥ឆ្នាំ និងពិន័យជាប្រាក់ចំនួន ២ ពាន់លានវ៉ុន (១.៣៦ លានដុល្លារ) ពីបទសូកប៉ាន់ និងបទចោទប្រកាន់ផ្សេងៗទៀត ខណៈបច្ចុប្បន្នកំពុងស្ថិតក្នុងការកាត់ក្តីនូវឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចុះផ្សាយដោយ straitstimes បានបញ្ចាក់ឲ្យដឹងថា ករណីនេះកើតឡើងក្នុងអំឡុងពេលនៃការស៊ើបអង្កេតរយៈពេលមួយឆ្នាំ ទៅលើការដាក់ច្បាប់អាជ្ញាសឹករយៈពេលខ្លីរបស់អតីតប្រធានាធិបតីកូរ៉េខាងត្បូង Yoon Suk Yeol កាលពីឆ្នាំ ២០២៤ និងរឿងអាស្រូវពាក់ព័ន្ធដែលទាក់ទងនឹងគូស្នេហ៍ដែលធ្លាប់មានអំណាច។

នៅក្នុងសវនាការដែលបានធ្វើឡើងនៅខួបលើកទីមួយនៃការប្រកាសច្បាប់អាជ្ញាសឹករបស់លោក Yoon ព្រះរាជអាជ្ញាបានថ្លែងអំណះអំណាងចុងក្រោយរបស់ពួកគេ លើការចោទប្រកាន់របស់លោកស្រី Kim រួមទាំងការរៀបចំភាគហ៊ុន ការរំលោភច្បាប់រៃអង្គាសថវិកានយោបាយដោយស្នើសុំឲ្យឈ្មួញកណ្តាលអំណាចធ្វើការស្ទង់មតិដោយសេរី ក៏ដូចជាការទទួលយកសំណូកពីព្រះវិហារ Unification Church។

កន្លងមក ភរិយាលោក Yoon ក៏ធ្លាប់និយាយនៅក្នុងសេចក្តីថ្លែងការណ៍មួយដោយសុំការអភ័យទោសពីសាធារណជនដែរថា «ខ្ញុំមានអារម្មណ៍ថាខ្ញុំខុស ប៉ុន្តែខ្ញុំជឿថា វាជាការពិតដែលខ្ញុំបានធ្វើខុសបើប្រៀបធៀបទៅនឹងតំណែង និងគុណវុឌ្ឍិដែលខ្ញុំកាន់។ ខ្ញុំសូមអភ័យទោសយ៉ាងស្មោះស្ម័គ្រ ចំពោះការបង្កការព្រួយបារម្ភយ៉ាងខ្លាំងដល់សាធារណជនគ្របរូប»។

ដោយឡែក តុលាការស្រុកកណ្តាលទីក្រុងសេអ៊ូល គ្រោងនឹងប្រកាសសាលក្រមរបស់ខ្លួននៅថ្ងៃទី២៨ ខែមករា ឆ្នាំ២០២៦៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

លោកត្រាំព្រមាន អ៊ីស្រាអែល កុំបង្ក «អស្ថិរភាព» ក្នុងប្រទេស ស៊ីរី