ព័ត៌មានអន្ដរជាតិ

លោក អានុទីន ប្រកាសបោះបង់អំណាច ក្រោយត្រាំប្រកាសហៅទូរស័ព្ទឲ្យបញ្ចប់សង្គ្រាម

បានផុស

៦ ខែ មុន

នៅ

ថ្ងៃព្រហស្បតិ៍ ១១ ធ្នូ ២០២៥

ដោយ

សង្គ្រាម៥យប់៥ថ្ងៃជាលើកទី២ ក្រោមការដឹកនាំរបស់នាយករដ្ឋមន្ត្រីថៃលោក អានុទីន ឆានវីរៈគុល ធ្វើឲ្យរូបលោកសម្រេចលែងបន្តកាន់អំណាច បន្ទាប់ពីការបង្កើតជម្លោះវោហាស័ព្ទសង្គ្រាម បញ្ឆេះឲ្យមានសង្គ្រាមបង្ហូរឈាមជាលើកទី២ក្នុងរយៈពេលតែជាង៤ខែប៉ុណ្ណោះ បន្ទាប់ពីសង្គ្រាមផ្ទុះឡើងម្តងកាលពីចុងខែកក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អានុទីន បានរបួតកៅអីនាយករដ្ឋមន្ត្រីភ្លាមៗក្នុងថ្ងៃទី១១ខែធ្នូ បន្ទាប់ពីលោកសម្រេចចិត្តប្រគល់អំណាចឲ្យប្រជាពលរដ្ឋថៃវិញ បន្ទាប់ពីការធ្វើការផ្ទុះអាវុធ និងការបរាជ័យក្នុងការបំបាក់កងទ័ពកម្ពុជា តាមអ្វីដែលមេទ័ពរបស់ថៃ បានសន្យាថា នឹងធ្វើឲ្យសមត្ថភាពកងទ័ពកម្ពុជាចុះខ្សោយនោះ។

ការប្រកាសរបស់លោក អានុទីន ដែលជានាយករដ្ឋមន្ត្រីទី៣២របស់ប្រទេសថៃទើបដឹកនាំរដ្ឋាភិបាលរយៈពេលជាង២ខែ និងនៅក្នុងថ្ងៃដែលកងទ័ពថៃវាយប្រហារយ៉ាងខ្លាំងក្លាមកលើកងទ័ពកម្ពុជា ប៉ុន្តែមិនអាចសម្រេចបានតាមផែនការដែលខ្លួនចង់បាន។

ការប្រកាសរបស់លោក អានុទីន កើតឡើងតែ២ថ្ងៃប៉ុណ្ណោះបន្ទាប់ពីប្រធានាធិបតីដូណាល់ ត្រាំ ប្រកាសថា លោក នឹងហៅទូរស័ព្ទទៅកាន់នាយករដ្ឋមន្ត្រីថៃនិងកម្ពុជាឲ្យបញ្ឈប់សង្គ្រាមដ៏ខ្លាំងក្លានេះ។

ជាការកត់សម្គាល់នៅថ្ងៃទី១១ខែធ្នូដែលជាថ្ងៃចុងក្រោយដែលកងទ័ពថៃនិងកម្ពុជា ត្រូវបានប្រភពមួយចំនួនបានអះអាងថា ទទួលបទបញ្ជាឲ្យអនុវត្តបទឈប់បាញ់ត្រឹមម៉ោង១០ថ្ងៃទី១១ខែធ្នូនេះ៕

រ៉ាន់ រើយ