ព័ត៌មានអន្ដរជាតិ

សេតវិមាន៖ ត្រាំនឹង«ដាក់ទោសបើចាំបាច់ ដើម្បីបញ្ឈប់ការសម្លាប់» ខណៈថៃផ្គើននឹងបទឈប់បាញ់

បានផុស

៧ ខែ មុន

នៅ

ថ្ងៃអាទិត្យ ១៤ ធ្នូ ២០២៥

ដោយ

Chheang

សេតវិមាន បានប្រកាសកាលពីថ្ងៃសៅរ៍ទី១៣ខែធ្នូឆ្នាំ២០២៥ថា ប្រធានាធិបតីអាមេរិក ដូណាល់ ត្រាំ «នឹងដាក់ទោសជនខ្លះតាមការចាំបាច់ ដើម្បីបញ្ឈប់ការសម្លាប់» បន្ទាប់ពីប្រទេសថៃបានផ្គើន និងមិនគោរពតាមសំណើបទឈប់បាញ់ថ្មី ដែលជាកិច្ចខិតខំប្រឹងប្រែងរបស់ទីក្រុងវ៉ាស៊ីនតោន សម្រាប់ជម្លោះប្រដាប់អាវុធតាមបណ្ដោយព្រំដែនកម្ពុជា-ថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមទីភ្នាក់ងារព័ត៌មានរ៉យទ័រ អ្នកនាំពាក្យសេតវិមាន បានឲ្យដឹងថា «ប្រធានាធិបតីរំពឹងថា ភាគីទាំងអស់នឹងគោរពយ៉ាងពេញលេញនូវការប្តេជ្ញាចិត្តដែលពួកគេបានធ្វើក្នុងការចុះហត្ថលេខាលើកិច្ចព្រមព្រៀងទាំងនេះ ហើយលោកនឹងដាក់ទោសជនខ្លះតាមការចាំបាច់ ដើម្បីបញ្ឈប់ការសម្លាប់ និងធានាសន្តិភាពយូរអង្វែង»។

យ៉ាងណាមិញ នាយករដ្ឋមន្ត្រីចាំផ្ទះរបស់ថៃ លោក អានុទីន ឆានវីរៈគុល ប្រកែកមិនព្រមស្ដាប់ ហើយថែមទាំងនិយាយដោយផ្គើនថា គ្មានកិច្ចព្រមព្រៀងបទឈប់បាញ់ណាមួយត្រូវបានដាក់ឲ្យប្រើប្រាស់ទេ ហើយប្រទេសថៃនឹងបន្តប្រយុទ្ធដោយមិនខ្វល់ពីការអំពាវនាវរបស់អន្តរជាតិឡើយ ខណៈយន្តហោះចម្បាំងថៃបានបើកការវាយប្រហារគោលដៅថ្មីក្បែរព្រំដែនប៉ុន្មានម៉ោងក្រោយការប្រកាសរបស់មេដឹកនាំអាមេរិក។

ផ្ទុយពីភាគីថៃដែលចិញ្ចឹមចិត្តឈ្លានពានកម្ពុជា សម្ដេចនាយករដ្ឋមន្ត្រី ហ៊ុន ម៉ាណែត បានសាទរនឹងការលើកឡើងរបស់លោកត្រាំ សម្រាប់បទឈប់បាញ់។ បន្ថែមពីនេះ សម្ដេចក៏បានមានប្រសាសន៍ទៀតថា សម្ដេចស្វាគមន៍សំណើរបស់នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម ដែលបានសម្របសម្រួលការចរចាឲ្យបញ្ឈប់អរិភាព។ លោកអាន់វ៉ា ដែលជាប្រធានប្លុកអាស៊ាន បានជំរុញឲ្យភាគីទាំងពីរចៀសវាងពីសកម្មភាពយោធាបន្ថែមទៀត ហើយបាននិយាយថា ក្រុមអ្នកសង្កេតការណ៍អាស៊ាននឹងត្រូវដាក់ពង្រាយទៅកាន់ព្រំដែនដោយមានការគាំទ្រពីផ្កាយរណបអាមេរិក។

ប៉ុន្តែលោកអានុទីន បានបដិសេធសំណើនេះ ដោយប្រាប់ថា «គ្មានកិច្ចព្រមព្រៀងលើការបញ្ឈប់អ្វីទាំងអស់»៕

ប្រែសម្រួល៖ ឈាង