ព័ត៌មានអន្ដរជាតិ

ប្រធានាធិបតីតៃវ៉ាន់ សន្យាបញ្ជាស៊ើបអង្កេតពេញលេញ ទោះបីអ្នកវាយប្រហារធ្វើអត្តឃាត

បានផុស

៧ ខែ មុន

នៅ

ថ្ងៃសៅរ៍ ២០ ធ្នូ ២០២៥

ដោយ

ប្រធានាធិបតីកោះតៃវ៉ាន់ លោក ឡៃ ឈីងតេ (Lai Ching-te) បានសន្យាថានឹងដាក់ចេញឲ្យមានការស៊ើបអង្កេតពេញលេញជាសាធារណៈ លើការវាយប្រហារតាមផ្លូវក្រោមដីដ៏សាហាវ ស្របពេលដែលលោកបានទៅសួរសុខទុក្ខអ្នករបួសនៅមន្ទីរពេទ្យនៅថ្ងៃទី ២០ខែធ្នូនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមអាជ្ញាធរបានឱ្យដឹងថា ជនសង្ស័យអាយុ ២៧ឆ្នាំម្នាក់បានបំផ្ទុះគ្រាប់បែកផ្សែងនៅក្នុងស្ថានីយ៍រថភ្លើងក្រោមដីដ៏សំខាន់របស់ទីក្រុងតៃប៉ិក្នុងអំឡុងពេលម៉ោងដ៏មមាញឹកកាលល្ងាចថ្ងៃទី១៩ខែធ្នូ មុនពេលចាប់ផ្តើមចូលទៅក្នុងការវាយប្រហារដោយការចាក់សម្លាប់។

ជនសង្ស័ុយនោះ បានសម្លាប់មនុស្ស៣នាក់នៅក្នុងការវាយប្រហារនៅស្ថានីយ៍រថភ្លើងដ៏ធំមួយ សង្កាត់ផ្សារទំនើបក្រោមដី និងចំណតរថភ្លើងក្រោមដីមួយទៀត ខណៈដែលយ៉ាងហោចណាស់មានមនុស្ស១១នាក់ផ្សេងទៀតបានរងរបួស ។ នេះបើយោងតាមការរាប់ដែលបានត្រួតពិនិត្យនិងកែប្រែពីប៉ូលីសកាលពីថ្ងៃទី២០ខែធ្នូ។

អភិបាលក្រុងតៃប៉ិបាននិយាយនៅក្នុងសន្និសីទខ្លីមួយកាលពីយប់ថ្ងៃទី ១៩ខែធ្នូថា ជនសង្ស័យដែលអាជ្ញាធរតាមចាប់ ព្រោះតែការគេចពីកាតព្វកិច្ចយោធាបានស្លាប់នៅក្នុងការធ្វើអត្តឃាតនៅពេលក្រោយមក បន្ទាប់ពីការវាយប្រហារ។

មន្ត្រីបានហៅវាថាជា«ទង្វើដោយចេតនា» ប៉ុន្តែ ក៏បាប្រលយដែរថា ហេតុផលនេះមិនទាន់ច្បាស់នៅឡើយទេ។

នៅពេលទៅសួរសុខទុក្ខអ្នករងរបួសនៅមន្ទីរពេទ្យនៅថ្ងៃទី២០ខែធ្នូ ប្រធានាធិបតីតៃវ៉ាន់ លោក Lai បានផ្តល់ការអាណិតអាសូរ និងសន្យាស៊ើបអង្កេតឲ្យមានតម្លាភាព។ នេះបើយោងតាម ការផ្សាយរបស់ AFP។

លោកបានថ្លែងនៅមន្ទីរពេទ្យមួយថា៖«ខ្ញុំចង់ចូលរួមរំលែកទុក្ខចំពោះអ្នកដែលបានបាត់បង់ជីវិតក្នុងសោកនាដកម្មក្នុងការវាយប្រហារដ៏ឃោរឃៅកាលពីយប់មិញ និងសូមចូលរួមរំលែកទុក្ខដល់គ្រួសាររបស់ពួកគេ»៕