រញ្ជួយដីកម្រិតខ្លាំង វាយប្រហារភាគខាងលិចប្រទេស ជប៉ុន

ទីភ្នាក់ងារឧតុនិយមជប៉ុននាថ្ងៃអង្គារទី៦ ខែមករា ឆ្នាំ២០២៦ បានបញ្ចាក់ថា រញ្ជួយដីកម្រិតខ្លាំង ៦.២ រ៉ិចទ័រ បានវាយប្រហារតំបន់ Chugoku ភាគខាងលិច និងភាគខាងកើតខេត្ត Shimane និង Tottori ប៉ុន្តែមិនមានហានិភ័យនៃរលកយក្សស៊ូណាមិកើតឡើងនៅក្នុងតំបន់នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម Reuters ក្រុមហ៊ុនថាមពលអគ្គិសនី Chugoku ដែលដំណើរការរោងចក្រថាមពលនុយក្លេអ៊ែរ Shimane ចម្ងាយប្រហែល ៣២ គីឡូម៉ែត្រ និយាយថា ប្រតិបត្តិការកំពុងបន្តដូចធម្មតានៅអង្គភាពលេខ២របស់ខ្លួន។ ​អាជ្ញាធរបទប្បញ្ញត្តិនុយក្លេអ៊ែរជប៉ុនក៏អះអាងដែរថា គិតត្រឹមម៉ោង ១០:៤៥ ព្រឹក (ម៉ោងក្នុងស្រុក) មិនមានភាពមិនប្រក្រតីណាមួយ បន្ទាប់ពីការរញ្ជួយដីនោះទេ។

ចំណែកឯក្រុមហ៊ុន West Japan Railway បានគូសបញ្ចាក់ថា ខ្លួនក៏ផ្អាកប្រតិបត្តិការរថភ្លើងល្បឿនលឿនរវាង តំបន់ Shinkansen ទៅ Shin-Osaka និង Hakata បន្ទាប់ពីការរញ្ជួយដីភ្លាមៗ ដោយសារតែដាច់ចរន្តអគ្គិសនីក្នុងស្ថានីយ៍។

ការរញ្ជួយដីនេះមានអាំងតង់ស៊ីតេរញ្ជួយដីកម្រិត ៥ លើមាត្រដ្ឋាន ១ ទៅ ៧ ក្នុងប្រទេសជប៉ុន ដែលខ្លាំងគ្រប់គ្រាន់ដើម្បីធ្វើឲ្យអគារខ្ពស់ៗរង្គើ ជាពិសេសប៉ះពាល់ដល់អគារដែលនៅជាន់ខ្ពស់។ ការរញ្ជួយដីគឺជារឿងធម្មតានៅក្នុងប្រទេសជប៉ុន ដែលជាតំបន់មួយក្នុងចំណោមតំបន់ដែលមានសកម្មភាពរញ្ជួយដីច្រើនបំផុតក្នុងពិភពលោក។ ជប៉ុនមានចំនួនប្រហែលមួយភាគប្រាំនៃការរញ្ជួយដីកម្រិត ៦ ឬធំជាងនេះលើពិភពលោក៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ជប៉ុន ប្រកាសបើកចិត្តចរចាជាមួយ ចិន ក្រោយតឹងសរសៃ ក ដាក់គ្នាមួយរយៈធំ