ព័ត៌មានអន្ដរជាតិ
បក្សកុម្មុយនិស្តវៀតណាមចាប់ផ្តើមធ្វើសមាជជ្រើសរើសក្បាលម៉ាស៊ីនដឹកនាំបក្ស
គណបក្សកុម្មុយនិស្តវៀតណាមចាប់ផ្តើមប្រជុំសមាជគណបក្សចាប់ពីថ្ងៃចន្ទនេះរហូតដល់ថ្ងៃទី២៥ខែមករានេះសម្រាប់ផែនការរយៈពេល៥ឆ្នាំ ដែលត្រូវបានអ្នកវិភាគមើលឃើញថា សមាជគណបក្សកុម្មុយនិស្តវៀតណានឹងជ្រើសរើសក្បាលម៉ាស៊ីនដឹកនាំបក្សកុម្មុយនីស្តវៀតណាមដ៏មានឥទ្ធិពលនៅតំបន់អាស៊ីអាគ្នេយ៍នេះ។
យោងតាម Hanoi Times សមាជបក្សបក្សកុម្មុយនិស្តវៀតណាមទូទាំងប្រទេសលើកទី១៤ កំពុងត្រូវបានប្រារព្ធឡើងនៅទីក្រុងហាណូយ ចាប់ពីថ្ងៃទី១៩ដល់ថ្ងៃទី២៥ ខែមករា ឆ្នាំ២០២៦ ក្រោមបាវចនា «សាមគ្គីភាព ប្រជាធិបតេយ្យ វិន័យ វឌ្ឍនភាព និងការអភិវឌ្ឍ» ដោយមានប្រតិភូចូលរួមចំនួន ១.៥៨៦នាក់ ដែលតំណាងឱ្យសមាជិកបក្សជាង ៥,៦លាននាក់ទូទាំងប្រទេស។
អ្វីដែលជាកត់សម្គាល់ដ៏សំខាន់នោះ គឺអគ្គលេខាធិបក្សកុម្មុយនិស្តវៀតណាមបច្ចុប្បន្ន លោក តូ ឡឹម (To Lam) ដែលឡើងកាន់់អំណាចកំពូលរបស់បគ្សកុម្មុយនិស្តវៀតណាម បន្ទាប់ពីមរណភាពរបស់ លោក ង្វៀន ភូទ្រុង ( Nguyen Phu Trong) កាលពីខែកក្កដា ឆ្នាំ ២០២៤នោះ នឹងទទួលបានការអនុម័តបោះឆ្នោតបន្តកាន់អំណាចកំពូលរបស់បក្សនេះបន្តទៀត។
តាមសេចក្តីរាយការណ៍របស់រ៉យទ័រ ប្រតិភូសមាជិកបក្សកុម្មុយនិស្តវៀតណាមជិត ១៦០០នាក់នោះ នឹងជ្រើសរើសគណៈកម្មាធិការកណ្តាលដែលមានសមាជិក ២០០ នាក់។ បន្ទាប់មកទៀត សមាជិកគណៈកម្មាធិការកណ្តាលដែលទើបជ្រើសរើសរួចនោះ នឹងបោះឆ្នោតអនុម័តលើសមាជិក ចន្លោះពី១៧ ទៅ ១៩នាក់នៃការិយាល័យនយោបាយ ដែលមានសិទ្ធិអំណាចជ្រើសរើសអគ្គលេខាធិការ។
ការប្រជុំសមាសមាជរបស់បក្សកុម្មុយនិស្តវៀតណាមនេះ នឹងប្រើពេលរហូតដល់មួយសប្តាហ៍ ដែលដំណើរការក្រោមលក្ខន្តិកៈបក្ស និងកោះប្រជុំរៀងរាល់ប្រាំឆ្នាំម្តង អាចពង្រឹង និងអាចពង្រីកអំណាចសម្រាប់អគ្គលេខាធិការបច្ចុប្បន្នរបស់គណបក្ស គឺលោក តូ ឡឹម ដែលបានចាប់ផ្តើមកំណែទម្រង់រដ្ឋបាលយ៉ាងទូលំទូលាយនៅក្នុងប្រទេស និងក្លាយជាមុខមាត់សាធារណៈរបស់វៀតណាមនៅឆាកអន្តរជាតិតំណាងឲ្យវៀតណាម។
ទីភ្នាក់ងារព័ត៌មានរ៉យទ័រ ដែលបានស្រង់សម្តីមន្ត្រីដែលដឹងអំពីបញ្ហារៀបចំប្រជុំសមាជនោះ បានរាយការណ៍ថា លោក តូ ឡឹម កំពុងស្វែងរកការរក្សាតួនាទីរបស់គាត់ និងអាចទទួលយកតំណែងប្រធានាធិបតី ដែលថ្មីៗនេះត្រូវបានកាន់កាប់ដោយមេដឹកនាំយោធាម្នាក់។
យោងតាមមន្ត្រីជាច្រើន សមាជបក្សនោះទំនងជានឹងអនុម័តយល់ព្រមឲ្យលោក តួ ឡឹម កាន់តែតួនាទីស្នូលជាអគ្គលេខាធិការបក្ស ខណៈពេលដែលការសម្រេចចិត្តអំពីតំណែងប្រធានាធិបតីត្រូវបានគេរំពឹងថា នឹងត្រូវបានធ្វើឡើងនៅក្នុងកិច្ចប្រជុំនៅពេលក្រោយ ដែលលទ្ធផលកាន់តែមិនច្បាស់លាស់។
បន្ទាប់ពីសមាជ ការិយាល័យនយោបាយនឹងតែងតាំងប្រមុខរដ្ឋ រដ្ឋាភិបាល និងសភា។ ការបោះឆ្នោតសភានឹងធ្វើឡើងលុះត្រាតែមេដឹកនាំត្រូវបានជ្រើសរើសដោយគណបក្ស៕
រ៉ាន់ រើយ
-
ព័ត៌មានជាតិ៥ ថ្ងៃ agoស្វែងយល់ពីប្រវត្តិ និងលក្ខណៈពិសេសនៃប្រាសាទតាកែវ
-
កីឡា១៦ ម៉ោង agoអបអរសាទរ! អង់គ្លេស ទទួលបានលេខ ៣ ក្រោយឈ្នះ បារាំង ៦-៤ ក្នុងជំនួបស៊ុតគ្នាដូចព្យុះ
-
ព័ត៌មានអន្ដរជាតិ១៣ ម៉ោង agoអ៊ីរ៉ង់ប្រកាសផ្អាក MoU ជាមួយអាមេរិក ក្រោយមនុស្ស ៥០ស្លាប់ និងជាង ៥០០ រងរបួសក្នុងការវាយប្រហារ
-
កីឡា១៤ ម៉ោង agoលោក កែវ រ៉េមី ក្រុមជម្រើសជាតិតេក្វាន់ដូ ITF ប្ដេជ្ញាលើកទង់ជាតិខ្មែរជាថ្មីនៅម៉ុងហ្គោលី
-
កីឡា១ ថ្ងៃ agoពិតជាអស្ចារ្យណាស់! កម្ពុជា ឈ្នះ ថៃ ឡើងវគ្គផ្តាច់ព្រ័ត្រ SEA V. League 2026
-
ព័ត៌មានជាតិ២២ ម៉ោង agoសម្តេចតេជោ ហ៊ុន សែន អំពាវនាវឱ្យអ្នកវិភាគប្រុងប្រយ័ត្នចំពោះការលើកឡើងពីបញ្ហាយោធា និងសន្តិសុខជាតិ
-
ព័ត៌មានអន្ដរជាតិ២ ថ្ងៃ agoកប៉ាល់ថៃ មួយគ្រឿងទៀត ព្រហើន មិនស្តាប់អ៊ីរ៉ង់ព្រមាន, ទីបំផុត ត្រូវស៊ីមីស៊ីល នៅច្រក Hormuz
-
ព័ត៌មានជាតិ៩ ម៉ោង agoសមាជិកយោធាអាមេរិក ២រូបស្លាប់ និងម្នាក់បាត់ខ្លួន ក្រោយអ៊ីរ៉ង់បាញ់មីស៊ីលនិងដ្រូនសងសឹក នៅហ្សកដានី