ព័ត៌មានអន្ដរជាតិ

រលកកម្តៅវាយប្រហារអូស្ត្រាលី អាចហក់ឡើងជិត ៥០°C ខណៈអាជ្ញាធរព្រមានពលរដ្ឋប្រុងប្រយ័ត្នខ្ពស់

បានផុស

៥ ខែ មុន

នៅ

ថ្ងៃអង្គារ ២៧ មករា ២០២៦

ដោយ

រលកកម្តៅដ៏ធំមួយនៅទូទាំងភាគអាគ្នេយ៍នៃប្រទេសអូស្ត្រាលីបានបង្កើនការគំរាមកំហែងយ៉ាងខ្លាំង រហូតបណ្តាលឱ្យមានភ្លើងឆេះព្រៃ។ ទីក្រុងមែលប៊ន [Melbourne] បានព្យាករណ៍ និងស្រាវជ្រាវកាលពីថ្ងៃអង្គារ ទី២៧ ខែ មករា ថា ពេលនេះ តំបន់មួយចំនួនក្នុងប្រទេសប្រែទៅជាក្តៅបំផុតក្នុងរយៈពេលជិត១៧ឆ្នាំ ជាពិសេសអ្នកស្រុករាប់រយនាក់ក្នុងទីប្រជុំជននៅតំបន់ជនបទ ត្រូវបញ្ជាឱ្យជម្លៀសពីផ្ទះរបស់ពួកគេជាបន្ទាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការិយាល័យឧតុនិយមរបស់ប្រទេសអូស្ត្រាលី បាននិយាយថា សីតុណ្ហភាពនៅទីក្រុងមែលប៊នអាចហក់ឡើងដល់ ៤៥°C ជាមួយនឹងលក្ខខណ្ឌរលកកម្តៅដល់កម្រិតខ្លាំង ហើយរំពឹងថា នឹងឡើងដល់កម្រិតមួយខ្លាំងទៀតនៅថ្ងៃអង្គារ ពុធ មុនពេលនឹងថយចុះបន្តិចម្តងៗ នៅពេលក្រោយក្នុងសប្តាហ៍នេះ។

មិនតែប៉ុណ្ណោះ រលកកម្តៅបានបង្កើនគ្រោះថ្នាក់ឱ្យមានភ្លើងឆេះព្រៃនៅទូទាំងរដ្ឋ Victoria ដែលជារដ្ឋមួយមានប្រជាជនច្រើនជាងគេទីពីររបស់អូស្ត្រាលី និងជាកន្លែងដែលភ្លើងឆេះព្រៃលឿននៅក្នុង តំបន់ Otways ប្រហែល ១០០០០ហិកតា។

មន្ត្រីបានព្រមានថា តាមការព្យាករនឹងមានខ្យល់បក់ខ្លាំងនៅប៉ុន្មានថ្ងៃទៀតនេះ ហើយវាអាចនឹងរាលដាលបន្ថែមទៀត រហូតដល់គំរាមកំហែងដល់ផ្ទះប្រជាពលរដ្ឋ។

លោក Jason Heffernan ប្រធានអាជ្ញាធរពន្លត់អគ្គិភ័យប្រចាំប្រទេសអូស្ត្រាលី បានប្រាប់ ABC News ថា៖«ការផ្លាស់ប្តូរនឹងមកដល់នៅម៉ោងប្រហែល៥ល្ងាច ជាមួយនឹងខ្យល់បក់ខ្លាំងៗមួយចំនួន ដែលទំនងជានឹងធ្វើឱ្យខូចខាតជាច្រើន ជាពិសេសនឹងធ្វើឱ្យមានភ្លើងឆេះបន្ថែមទៀត»។

ការិយាល័យអាកាសធាតុ បានបន្តថា ទីប្រជុំជន Ouyen មានប្រជាជនត្រឹមតែជាង ១ ០០០នាក់ និងមានចម្ងាយ ៤៤០គីឡូម៉ែត្រពីភាគពាយព្យនៃទីក្រុងមែលប៊ន [Melbourne] រលកកម្តៅទំនងជាអាចឡើងដល់ ៤៩°C ៕

ប្រែសម្រួល៖ ណឺ មិនា