ព័ត៌មានអន្ដរជាតិ

ផ្ទុះឆេះរោងចក្រផលិតគ្រឿងផ្ទុះនៅឥណ្ឌាបណ្តាលឲ្យស្លាប់និងរបួស៣៥នាក់

បានផុស

៥ ខែ មុន

នៅ

ថ្ងៃអាទិត្យ ១ មីនា ២០២៦

ដោយ

ការផ្ទុះនៅរោងចក្រផលិតគ្រឿងផ្ទុះមួយបានសម្លាប់មនុស្សយ៉ាងហោចណាស់ ១៧នាក់ និង ១៨ នាក់ផ្សេងទៀតរងរបួសនៅថ្ងៃអាទិត្យថ្ងៃទី ១ខែមីនា។ យោងការផ្សាយរបស់ការផ្សាយរបស់ CNA ដែលយោងបន្តពីភ្នាក់ងារសារព័ត៌មានអន្តរជាតិ។

ផ្ទុះរោងចក្រផលិតគ្រឿងផ្ទុះសម្លាប់មនុស្ស១៧នាក់នៅឥណ្ឌានៅថ្ងៃនេះ។ Video Surfaces | PTI

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីនៅរដ្ឋ Maharashtra ភាគខាងលិចប្រទេសឥណ្ឌា ត្រូវបានស្រង់សម្តី និយាយថា គ្រោះថ្នាក់ដ៏អាក្រក់មួយនេះបានកើតឡើងនៅ Nagpur ចម្ងាយប្រហែល ៨០០ គីឡូម៉ែត្រពីរដ្ឋធានី Mumbai ។

លោកនាយករដ្ឋមន្ត្រី Narendra Modi បាននិយាយថា គ្រោះថ្នាក់នេះ «គួរឱ្យព្រួយបារម្ភយ៉ាងខ្លាំង» ហើយសូមជូនពរឱ្យអ្នកនៅរស់រានមានជីវិតឆាប់ជាសះស្បើយ។

លោក Devendra Fadnavis អភិបាលរដ្ឋ Maharashtra នៅក្នុងការបង្ហោះមួយនៅលើ X បានហៅឧប្បត្តិហេតុនេះថា៖«ជារឿងអកុសល និងសោកនាដកម្មយ៉ាងខ្លាំង»។

លោក Fadnavis បាននិយាយថា៖«ប្រតិបត្តិការជួយសង្គ្រោះត្រូវបានពន្លឿន ហើយរហូតមកដល់ពេលនេះ មនុស្ស ១៧ នាក់បានបាត់បង់ជីវិត» ដោយបន្ថែមថា មនុស្ស ១៨ នាក់ផ្សេងទៀតបានរងរបួស។

ការស៊ើបអង្កេតមួយត្រូវបានបញ្ជាឱ្យធ្វើលើឧប្បត្តិហេតុនេះ។

នៅថ្ងៃសៅរ៍ មនុស្ស ២១ នាក់បានស្លាប់នៅក្នុងការផ្ទុះនៅរោងចក្រផលិតផាវមួយនៅរដ្ឋ Andhra Pradesh ភាគអាគ្នេយ៍ប្រទេសឥណ្ឌា។

គ្រោះថ្នាក់ឧស្សាហកម្មគឺជារឿងធម្មតានៅក្នុងប្រទេសឥណ្ឌា ជារឿយៗដោយសារតែការមិនអើពើនឹងតម្រូវការសុវត្ថិភាព និងការអនុវត្តច្បាប់ធូររលុង។

កាលពីឆ្នាំមុន ការផ្ទុះរោងចក្រផលិតផាវមួយនៅភាគខាងលិចប្រទេសឥណ្ឌាបានសម្លាប់មនុស្ស ២១ នាក់៕