ព័ត៌មានអន្ដរជាតិ

អង់គ្លេស ពង្រាយនាវាចម្បាំងនិងឧទ្ធម្ភាគចក្រចូលសមុទ្រមេឌីទែរ៉ាណេ ដោយបារម្ភសង្គ្រាមរាលដាលខ្លាំង

បានផុស

៤ ខែ មុន

នៅ

ថ្ងៃពុធ ៤ មីនា ២០២៦

ដោយ

រដ្ឋាភិបាលអង់គ្លេសឱ្យដឹងថា ចក្រភពអង់គ្លេសកំពុងដាក់ពង្រាយនាវាចម្បាំង និងឧទ្ធម្ភាគចក្រទៅកាន់ប្រទេសស៊ីប (Cyprus) នៅក្នុងសមុទ្រមេឌីទែរ៉ាណេ ខណៈក្តីបារម្ភទូទាំងពិភពលោកនៅតែបន្តកើនឡើងនៃការវាយប្រហាររបស់សហរដ្ឋអាមេរិក-អ៊ីស្រាអែលលើអ៊ីរ៉ង់ រីករាលដាលនៅទូទាំងមជ្ឈិមបូព៌ា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម Al Jazeera ផ្សាយកាលពីថ្ងៃទី០៣ខែមីនា ឆ្នាំ២០២៦ ក្រសួងការពារជាតិចក្រភពអង់គ្លេស បានឲ្យដឹងនៅពីថ្ងៃអង្គារថា៖«អង់គ្លេសកំពុងបញ្ជូននាវាចម្បាំងម៉ាក HMS Dragon ទៅកាន់ភាគខាងកើតសមុទ្រមេឌីទែរ៉ាណេ រួមជាមួយនឹងឧទ្ធម្ភាគចក្រ Wildcat ចំនួនពីរគ្រឿង ដើម្បីជំរុញឱ្យមានការការពារយន្តហោះគ្មានមនុស្សបើក (Drone) សម្រាប់ដៃគូស៊ីបរបស់យើង»។

សេចក្តីថ្លែងការណ៍នោះ បានលើកឡើងថា នាវាពិឃាតការពារដែនអាកាស Type-៤៥ មួយក្នុងចំណោមនាវាចម្បាំងចំនួន៦គ្រឿងរបស់កងទ័ពជើងទឹកអង់គ្លេស គឺនាវា HMS Dragon ត្រូវបានបំពាក់ដោយប្រព័ន្ធមីស៊ីល Sea Viper ដែលអាចបាញ់មីស៊ីលចំនួន៨គ្រាប់ ក្នុងរយៈពេលតិចជាង១០វិនាទី និងដឹកនាំមីស៊ីលរហូតដល់ ១៦គ្រាប់ក្នុងពេលដំណាលគ្នា។

ក្នុងការបង្ហោះនៅលើបណ្តាញសង្គមប្រកាសពីការដាក់ពង្រាយនេះ នាយករដ្ឋមន្ត្រីចក្រភពអង់គ្លេស លោក Keir Starmer និយាយថា៖ « អង់គ្លេសប្តេជ្ញាចិត្តយ៉ាងមុតមាំ ចំពោះសន្តិសុខរបស់ប្រទេសស៊ីប និងកងកម្លាំងយោធាអង់គ្លេសដែលមានមូលដ្ឋាននៅទីនោះ»។

លោកសរសេរនៅលើបណ្តាញសង្គម X ថា៖«យើងនឹងធ្វើសកម្មភាពជានិច្ច ដើម្បីផលប្រយោជន៍របស់ចក្រភពអង់គ្លេស និងសម្ព័ន្ធមិត្តរបស់យើង»៕

ប្រែសម្រួល៖ ណឺ មិនា