ព័ត៌មានអន្ដរជាតិ

លោក ត្រាំ រិះគន់សម្ព័ន្ធមិត្តណាតូ ថា មិនជួយអ្វីសោះ ពេលអាមេរិកត្រូវការអ្នកជួយ

បានផុស

៤ សប្តាហ៍ មុន

នៅ

ថ្ងៃសុក្រ ២៧ មីនា ២០២៦

ដោយ

ខណៈសង្រ្គាមនៅអ៊ីរ៉ង់នៅតែតានតឹង ចំណែកច្រកសមុទ្រ Hormuz ត្រូវបានបិទយ៉ាងណែនដោយភាគីអ៊ីរ៉ងដែលធ្វើឱ្យតម្លៃប្រងនៅសកលលោកបន្តហក់ឡើងខ្ពស់ និងមានប្រទេសខ្លះដាក់ប្រទេសពួកគេក្នុងភាពអាសន្នទៀតផង។ ការណ៍នេះ ប្រធានាធិបតីសហរដ្ឋអាមេរិក លោក ដូណាល់ ត្រាំ តែងតែសុំជំនួយពីសម្ព័ន្ធមិត្តអាស៊ី-អឺរ៉ុបឱ្យជួយបើកច្រកនេះធម្មតាវិញ។

លោក ត្រាំ បានលើកឡើងទាំងខកចិត្តកាលពីថ្ងៃព្រហស្បតិ៍ថា សម្ព័ន្ធមិត្តណាតូ (NATO) របស់អាមេរិកមិនបានធ្វើអ្វីទាល់តែសោះ ដើម្បីជួយទីក្រុងវ៉ាស៊ីនតោនលើប្រទេសឆ្កួតលីលាអ៊ីរ៉ង់។

យោងតាមគេហទំព័រអាមេរិក aa.com.tr ផ្សាយកាលពីថ្ងៃទី២៦ ខែមីនា លោក ត្រាំ សរសេរលើបណ្តាញសង្គមផ្ទាល់ខ្លួនថា៖ « សហរដ្ឋអាមេរិកមិនត្រូវការអ្វីពីណាតូទេ ប៉ុន្តែកុំភ្លេចពេលវេលាដ៏សំខាន់នេះឱ្យសោះ»។

ប្រធានាធិបតីអាមេរិក លោក ដូណាល់ ត្រាំ។ រូបភាព៖ Reuters

ក្នុងពេលប៉ុន្មានថ្ងៃថ្មីៗនេះ លោក ដូណាល់ ត្រាំ បានជំរុញឱ្យសម្ព័ន្ធមិត្តអាស៊ី-អឺរូប និងគូប្រជែងប្រទេសចិន ឱ្យជួយធានាសុវត្ថិភាពច្រកសមុទ្រ Hormuz ដែលជាផ្លូវទឹកដឹកទំនិញ ថាមពលដ៏សំខាន់មួយរបស់ពិភពលោកឡើងវិញ ខណៈការរំខាននៅទីនោះជំរុញឱ្យតម្លៃប្រេងសកលកើនឡើង។

យ៉ាងណាប្រទេសអឺរ៉ុបមួយចំនួនបានបដិសេធ ដោយពួកគេនិយាយថា ជម្លោះនៅអ៊ីរ៉ង់គឺជាសង្គ្រាមដែលចាប់ផ្តើមដោយប្រធានាធិបតីសហរដ្ឋអាមេរិកប៉ុណ្ណោះ ហើយមិនបានពិគ្រោះជាមួយសម្ព័ន្ធមិត្តអាមេរិកឡើយ។

លោក ត្រាំ ធ្លាប់បានបញ្ជាក់ជាថ្មីថា សហរដ្ឋអាមេរិកមិនត្រូវការណាតូ ទេ ដោយហៅជំហររបស់សម្ព័ន្ធមិត្តថា «ជាកំហុសដ៏ល្ងង់ខ្លៅ»។ លោកលើកឡើងដោយមិនមានគម្រោងដកខ្លួនចេញពីសម្ព័ន្ធមិត្តនោះទេ ប៉ុន្តែក៏បានណែនាំថា «វាជាជម្រើសមួយដែលគួរពិចារណា»។

ប្រធានាធិបតីរូបនេះនិយាយក្នុងកិច្ចប្រជុំគណៈរដ្ឋមន្ត្រីនៅសេតវិមានថា សហរដ្ឋអាមេរិកខកចិត្តយ៉ាងខ្លាំងជាមួយណាតូ។

លោក ត្រាំ បន្តថា៖ « ខ្ញុំនឹងនិយាយវាជាសាធារណៈចុះ។ យើងខកចិត្តយ៉ាងខ្លាំងជាមួយសម្ព័ន្ធមិត្តណាតូ ព្រោះណាតូមិនបានធ្វើអ្វីទាល់តែសោះ»។

លោកអះអាងថាណាតូនឹងមិនដែលមកជួយសង្គ្រោះអាមេរិកឡើយ។

លោកបន្ថែមថា៖ « ខ្ញុំបាននិយាយកាលពី ២៥ឆ្នាំមុនរួចហើយ ថាណាតូគឺជាខ្លាក្រដាស។ ប៉ុន្តែអ្វីដែលសំខាន់ជាងនេះទៅទៀត យើងនឹងទៅជួយសង្គ្រោះពួកគេបើពួកគេចួបបញ្ហ ប៉ុន្តែពួកគេនឹងមិនដែលមកជួយសង្គ្រោះយើងទេ»៕

ប្រែសម្រួល៖ ណឺ មិនា