ព័ត៌មានអន្ដរជាតិ

ស្ថានភាពកូវីដ១៩ នៅភូមា កាន់តែធ្ងន់ធ្ងរ ស្របពេលមនុស្សម្នាប្រមូលផ្តុំគ្នាអបអរជ័យជម្នះក្នុងការបោះឆ្នោតបក្ស NLD

បានផុស

៦ years មុន

នៅ

ថ្ងៃពុធ ១១ វិច្ឆិកា ២០២០

ដោយ

ស្ថានភាពរាតត្បាតកូវីដ ១៩ នៅប្រទេសភូមា កំពុងតែធ្ងន់ធ្ងរខ្លាំង ដោយកំណើនអ្នកឆ្លងថ្មីប្រចាំថ្ងៃ ច្រើនជាង ១ពាន់នាក់ ខណៈដែលករណីស្លាប់ប្រចាំថ្ងៃ ក៏ខ្ពស់គួរឲ្យព្រួយបារម្ភដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រឹមមួយថ្ងៃ ១០ វិច្ឆិកា តួលេខឆ្លងកូវីដ ១៩ ថ្មី ក្នុងប្រទេសអាស៊ានមួយនេះ ហក់ឡើងដល់ទៅ ១២៦៦នាក់ ស្លាប់ ២៤នាក់ នាំឲ្យតួលេខឆ្លងសរុបកើនដល់ ៦៣ ២៤១នាក់ ក្នុងនោះស្លាប់ ១ ៤៦១នាក់ ឡើងទៅឈរនៅលេខរៀងទី៣ ក្នុងតំបន់អាស៊ាន មានឆ្លងកូវីដច្រើនបំផុត បន្ទាប់ពីហ្វីលីពីន និងឥណ្ឌូនេស៊ី។

អ្វីកាន់តែគួរឲ្យបារម្ភខ្លាំង ក្រុមអ្នកគាំទ្របក្សសម្ព័ន្ធជាតិដើម្បីប្រជាធិបតេយ្យ NLD របស់លោកស្រី អ៊ុង សានស៊ូជី បានប្រមូលផ្តុំគ្នាតាមដងផ្លូវសំខាន់ៗ ក៏ដូចខាងមុខទីស្តីការបក្ស ក្នុងទីក្រុងយ៉ាងហ្គូន និងម៉ាដាឡៃ ដើម្បីអបអរជ័យជម្នះសារជាថ្មី ក្នុងការបោះឆ្នោតកាលពីថ្ងៃ ៨ វិច្ឆិកាកន្លងទៅ ក្រោយគណៈកម្មាធិការរាប់សន្លឹកឆ្នោតបញ្ជាក់ថា បក្ស NLD កំពុងតែនាំមុខគណបក្សដែលជាគូបដិបក្ខរបស់ខ្លួន។

អ្នកជំនាញ ពិសេសក្រសួងសុខាភិបាលភូមា កំពុងបង្ហាញក្តីបារម្ភខ្លាំងពីការរាតត្បាតកាន់តែខ្លាំងឡើងក្នុងចំណោមអ្នកគាំទ្រទាំងនោះ ដោយសារតែផ្ទុយទៅនិងការណែនាំការពារកូវីដ ១៩ របស់ប្រទេស ពិសេសភាគច្រើននៃអ្នកចូលរួមអបអរ គឺមិនបានពាក់ម៉ាស់ការពារកូវីដ ១៩ នោះទេ៕

ប្រែសម្រួល៖ សុភា
ប្រភព៖ Myanmar Times

Related Topics:ប្រទេសមីយ៉ាន់ម៉ា