CEO​ កំពូល​ថា​ ជប៉ុន​ធ្វើ​ម្ចាស់​​​ផ្ទះ​​កីឡា​អូឡាំពិក​ដូច​«បេសក​កម្ម​អត្តឃាត​»
Connect with us
Helistar Cambodia - Helicopter Charter Services

ព័ត៌មានអន្ដរជាតិ

CEO​ កំពូល​ថា​ ជប៉ុន​ធ្វើ​ម្ចាស់​​​ផ្ទះ​​កីឡា​អូឡាំពិក​ដូច​«បេសក​កម្ម​អត្តឃាត​»

បានផុស

នៅ

នាយក​ប្រតិបត្តិ​ (CEO)​ របស់​ក្រុម​ហ៊ុនពាណិជ្ជកម្ម​អនឡាញ​លំដាប់​កំពូល​និយាយ​នៅ​ថ្ងៃ​សុក្រ ថា វា​ដូច​ជា​បេសកកម្ម​អត្តឃាត​មួយ​សម្រាប់​ប្រទេស​​ជប៉ុន​ដែល​ធ្វើ​ជា​ម្ចាស់​ផ្ទះ​រៀប​ចំ​ព្រឹត្តិការណ៍​កីឡា​អូឡាំពិក​រដូវ​ក្តៅ​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអធិប្បាយ​របស់លោក​ Hiroshi​ Mikitani នាយ​ក​ប្រតិបត្តិ​របស់​ក្រុម​ហ៊ុន​ Rakuten​ (RKUNF)​ នៅ​ក្នុង​បទ​សម្ភាសន៍​​មួយ​របស់​​ CNN ដែល​ស្ថិត​ក្នុង​ចំណោម​​មេដឹក​នាំកំពូល​ៗ​ដែល​មាន​ការ​ព្រួយ​បារម្ភ​អំពី​ព្រឹត្តិការណ៍​កីឡា នៅ​ពេល​ដែល​ប្រទេស​កំពុងទទួល​រង​វាយប្រហារ​ពី​កូវីដ-១៩​នៅ​ឡើយ។

លោក Hiroshi Mikitani

លោក​​ Mikitani លើក​ឡើង​ថា លោក​បាន​កំពុង​ព្យាយាម​បញ្ចុះ​បញ្ចូល​រដ្ឋាភិបាល​ឲ្យ​លុប​ចោល​គម្រោង​ព្រឹត្តិការណ៍​​កីឡា​នៅ​ក្រុង​តូក្យូ​ដែល​គ្រោង​ចាប់​ផ្តើម​នៅ​ថ្ងៃ​ទី​២៣ ខែ​កក្កដា។ លោក​ក៏​បាន​ផ្តល់​ពិន្ទុ​ឲ្យ​រដ្ឋាភិបាល​ជប៉ុន​២​ពិន្ទុ​​ក្នុង​ចំណោម​១០​ពិន្ទុ​សម្រាប់​ចំណាត់​ការ​លើ​កូវីដ-១៩។ ថ្នាក់​ដឹក​នាំ​លេច​​ធ្លោ​​ជា​ច្រើន​​ទៀត​ក៏​សម្តែង​ការ​ព្រួយ​បារម្ភ​ពី​កីឡា​អូឡាំពិក​ឆ្នាំ​នេះ​ដែរ ប៉ុន្តែ​គ្មាន​នរណា​ម្នាក់​ហាន​រិះ​គន់​ដូច​លោក Mikitani ឡើយ។

Mikitani មាន​ប្រសាសន៍​ថា ៖«វា​គ្រោះ​ថ្នាក់​ដែល​រៀប​ចំ​ព្រឹត្តិការណ៍​អន្តរជាតិ​ពី​ជុំ​វិញ​ពិភព​លោក។ ដូច្នេះ​ហានិភ័យ​ធំ​ណាស់​។ វា​មិន​ល្អ​ទេ ហើយ​យើង​ឃើញ​ប្រទេស​ជា​ច្រើន​កំពុង​តស៊ូ​ដូច​ជា​ឥណ្ឌា និង​ប្រេស៊ីល​ជា​ដើម។ វា​មិន​មែន​ជា​ពេល​ដែល​ត្រូវ​រៀប​ចំ​ទេ​»។

នៅ​ពេល​សួរ​ថា លោក​ជឿ​ថា កីឡាអូឡាំពិក​មិន​អាច​លុប​ចោល​មែន​ទេ? លោក​ឆ្លើយ​ថា អ្វី​គ្រប់​​យ៉ាង​អាច​ទៅ​រួច​ឥឡូវ​នេះ ហើយ​លោក​គិត​ថា វា​ពិត​ជា​ពិបាក​ណាស់​ដើម្បី​ធ្វើ​ឲ្យ​ប្រាកដ​​ច្បាស់​ថា រៀប​ចំ​ការ​ប្រកួត​នេះ​មាន​សុវត្ថិភាព។

នៅ​ពេលការ​រាត​ត្បាត​ពី​​កូវីដ-១៩កំពុងកើន​ឡើង មនុស្ស​រាប់​ពាន់​នាក់បាន​ចុះ​ហត្ថលេខា​លើ​ញត្តិ​តាម​អនឡាញ​​ដើម្បី​អំពាវ​នាវ​ឲ្យ​លុប​ចោល​កីឡា​អូឡាំពិក ហើយ​សប្តាហ៍​នេះ នាយក​ប្រតិបត្តិ​​ធំ​ៗ​របស់​ប្រទេស​ជប៉ុន​​ក៏​បាន​សម្តែង​ក្តី​កង្វល់​​ផង​ដែរ។

នាយក​ប្រតិបត្តិ​ SoftBank​ (SFTBF)​ លោក​ Masayoshi Son មាន​ប្រសាសន៍​នៅ​ថ្ងៃ​ព្រហស្បតិ៍​កន្លង​ទៅ​នេះ​ថា លោក​ពិត​ជា​ភ័យ​ខ្លាច​ទាំងសម្រាប់​​ប្រទេស​ជប៉ុន​ជា​ម្ចាស់​ផ្ទះ និង​ប្រទេស​ផ្សេង​ៗដែល​នឹង​មក​ចូល​រួម​កីឡា​អូឡាំពិក​នៅ​ក្រុង​តូក្យូ​ ប្រសិន​បើ​ដំណើរ​ការ​តាម​ផែន​ការ​នា​រដូវ​ក្តៅ​នេះ។

លោក​ថា ៖«ខ្ញុំ​ពិត​ជា​ភ័យ​ខ្លាច​ខ្លាំង​ណាស់​ពី​កីឡា​អូឡាំពិក មិន​ត្រឹម​តែ​សម្រាប់​ប្រទេស​ជប៉ុន​ទេ ប៉ុន្តែទាំង​​ប្រទេស​ផ្សេង​ៗ​ជា​ច្រើន។ ពួក​គេ​មាន​ពេល​វេលា​ដ៏​លំបាក។ ខ្ញុំ​មិន​ដឹង​ថា ពួក​គេ​អាច​គាំទ្រ​បញ្ជូន​អត្តពលិក​ដោយ​របៀប​ណា​ទេ»។

ក្រុម​ហ៊ុន​ Toyota (TM) ដែល​ជា​​ដៃ​គូ​ឧបត្ថម្ភ​ធំ​មួយ​សម្រាប់​ព្រឹត្តិការណ៍​កីឡា​អូឡាំពិក​ឆ្នាំ​នេះ​និយាយ​ដើម​សប្តាហ៍​នេះ​ថា ខ្លួន​មាន​ការ​ព្រួយ​បារម្ភ​​ពីចំនួន​នៃ​សាធារណៈ​ជន​​មិន​សប្បាយ​ចិត្ត​ដែល​កំពុង​​ដឹក​នាំ​អត្តពលិក​មុន​ព្រឹត្តិការណ៍​មក​ដល់។

នាយក​ប្រតិបត្តិ Toyota លោក Jun Nagata មាន​ប្រសាសន៍​ថា ៖«យើង​ពិត​ជា​បារម្ភ​យ៉ាង​ខ្លាំង​ដែល​មាន​សេចក្តី​រាយការណ៍​ថា អត្តពលិក​បាន​ក្លាយ​ជា​គោល​ដៅ​នៃការ​ខក​ចិត្ត​របស់​មនុស្ស​មួយ​ចំនួន​អំពី​ស្ថានភាព​វេជ្ជសាស្ត្រ​បច្ចុប្បន្ន​»។

ថ្មីៗ​នេះ ប្រទេស​ជប៉ុន​បាន​​បន្ត​ភាព​អាសន្ន​លើក​ទី​៣​ដើម្បី​ទប់​ស្កាត់​ការ​រាល​ដាល​កូវីដ-១៩ ដែល​បាន​កំពុង​កើន​ឡើង​​ដែល​ធ្វើ​ឲ្យ​​កង្វល់​​ជុំ​វិញ​សុវត្ថិភាព​​ដល់​អ្នក​ស្ម័គ្រ​ចិត្ត អត្តពលិក មន្ត្រី និង​សាធារណជន។

នៅ​ថ្ងៃ​ពុធ អ្នក​នាំ​ពាក្យ​គណៈកម្មាធិការ​អូឡាំពិក​អន្តរជាតិ (IOC) លោក Mark Adams បាន​អះ​អាង​ដល់​អ្នក​កាសែត​ថា ផែន​ការ​រៀប​ចំ​ធ្វើ​ម្ចាស់​ផ្ទះ​ព្រឹត្តិការណ៍​កីឡា​អូឡាំពិក​ទាំង​ស្រុង​​គឺ​បន្ត​ដំណើរ​ការ ទោះ​ជា​កើន​ឡើង​នូវ​កង្វល់​សាធារណៈ​ក៏​ដោយ៕

ប្រែ​សម្រួល៖ វីរបុត្រ
ប្រភព៖ CNN

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៩ នាទី មុន

ស្ដ្រី​ម្នាក់​មកពី​ខេត្ត​ព្រះសីហនុ មកលេង​ផ្ទះ​នៅ​ស្រុក​អន្លង់វែង​ខេត្តឧត្ដរមានជ័យ ផ្ទុកមេរោគ​កូ​វីដ​១៩

ព័ត៌មានជាតិ៥៤ នាទី មុន

សាលាខណ្ឌ​ច្បារអំពៅ​បម្រើការងា​រដ្ឋបាល​ដូច​ធម្មតា​មិន​មាន​ការ​ផ្អាក​ឡើយ​

កូវីដ-១៩៥៨ នាទី មុន

អាជ្ញាធរខេត្ត​ឧ​ត្ត​រ​មានជ័យ ប្រកាស​ព័ត៌មាន​ករណី​ស្លាប់​បុរស​ជនជាតិ​ខ្មែរ​អាយុ៦៣​ឆ្នាំ ដោយសារ​ជំងឺ​កូ​វីដ​-១៩

ព័ត៌មានខ្លីៗ១ ម៉ោង មុន

ពិន័យបុរសវៀតណាម ៣នាក់ ជិត ១,០០០ ដុល្លារ ព្រោះលួចចេញពីផ្ទះពេលធ្វើចត្តាឡីស័ក

ព័ត៌មានជាតិ១ ម៉ោង មុន

​សំណង់​មិន​រៀបរយ​លើ​ផ្ទៃ​ទឹក សង្កាត់​សំរោង​បាន​រុះរើ​និង​ចល័ត​៨១% និង​សង្កាត់​ព្រែក​ព្នៅ​បាន​រុះរើ​និង​ចល័ត​៧៤.៥%

Sokha Hotels

ព័ត៌មានពេញនិយម

Helistar Cambodia - Helicopter Charter Services