ព័ត៌មានអន្ដរជាតិ
យោធាមីយ៉ាន់ម៉ាសម្លាប់មនុស្សជាង៨០០នាក់ហើយចាប់តាំងពីរដ្ឋប្រហារ
មនុស្សជាង៨០០នាក់ត្រូវបានសម្លាប់ដោយកម្លាំងសន្តិសុខមីយ៉ាន់ម៉ាចាប់តាំងពីរលកតវ៉ាបានផ្ទុះឡើងទូទាំងប្រទេស ក្រោយពេល របបយោធាមីយ៉ាន់ម៉ាបានកាន់កាប់អំណាចតាមរយៈរដ្ឋប្រហារ១កុម្ភៈ។
ប្រទេសមីយ៉ាន់ម៉ាបានធ្លាក់ក្នុងភាពវឹកវរ ចាប់តាំងពីរបបយោធាបានបណ្តេញចេញរដ្ឋាភិបាលជាប់ឆ្នោតរបស់ម្ចាស់ពានរង្វាន់ណូប៊ែលសន្តិភាពលោកស្រី អ៊ុងសាន ស៊ូជី និងបានឃុំខ្លួនលោកស្រី ព្រមទាំងមន្ត្រីនៃគណបក្សសម្ព័ន្ធជាតិដើម្បីប្រជាធិបតេយ្យ (NLD)។
កម្លាំងយោធាបានធ្វើការបង្ក្រាបលើក្រុមបាតុករគាំទ្រប្រជាធិបេតេយ្យនៅក្នុងទីក្រុង និងទីប្រជុំនានាដោយហិង្សាដែលបណ្តាលឲ្យស្លាប់។ ព្រមជាមួយគ្នានេះ នៅតាមតំបន់ដាច់ស្រយាល់ជាច្រើនបានប្រយុទ្ធគ្នារវាងក្រុមឧទ្ទាមជនជាតិភាគតិចជាមួយកម្លាំងយោធាមីម៉ា។
យោងតាមសមាគមជំនួយអ្នកទោសនយោបាយ (AAPP) បានឲ្យដឹងថា គិតត្រឹមថ្ងៃចន្ទ ទី១៧ ខែឧសភា ម្សិលមិញនេះ មនុស្សចំនួន៨០២នាក់ត្រូវបានសម្លាប់។
AAPP បាននិយាយថា ៖«ចំនួននេះត្រូវបានបញ្ជាក់ដោយសមាគមជំនួយអ្នកទោសនយោបាយ ប៉ុន្តែចំនួនអ្នកស្លាប់ពិតប្រាកដប្រហែលជាខ្ពស់ជាងនេះ»។
ក្រុមសិទ្ធិមនុស្សនេះបានរៀបរាប់លំអិតពីការស្លាប់បន្ថែមទៀត រាប់បញ្ចូលទាំងនៅតំបន់ប្រជុំជនមួយចំនួននៅរដ្ឋ Chin និងតំបន់ប្រជុំជនមួយចំនួននៃទីក្រុងម៉ាន់ដាឡាយ និងយ៉ាំងហ្គោន។
កន្លងមក របបយោធាមីយ៉ាន់ម៉ាបានជំទាស់នឹងចំនួននៃជនស៊ីវិលដែលបានស្លាប់ និងនិយាយថា កម្លាំងសន្តិសុខរបស់ខ្លួនជាច្រើននាក់ក៏ត្រូវបានសម្លាប់កំឡុងពេលការបង្ក្រាបលើបាតុកម្មដែរ។
ក្រុមសិទ្ធិមនុស្សបាននិយាយថា មនុស្ស៤១២០នាក់បានកំពុងឃុំខ្លួននាពេលបច្ចុប្បន្ន ក្នុងនោះមាន២០នាក់ត្រូវបានកាត់ទោសប្រហារជីវិត។
ការប្រយុទ្ធគ្នាខ្លាំងក្លាបំផុតមួយចំនួនចាប់តាំងពីរដ្ឋប្រហារ១កុម្ភៈមកបានលេចឡើងនាប៉ុន្មានថ្ងៃថ្មីៗនេះនៅតំបន់ Mindat ដែលមានចម្ងាយ១០០គីឡូម៉ែត្រពីព្រំដែនឥណ្ឌានៅរដ្ឋ Chin ខណៈកងទ័ពបានប្រយុទ្ធជាមួយកងជីវពលតំបន់។
សាក្សីបាននិយាយថា ប្រជាជនរាប់ពាន់នាក់នៅតំបន់ខ្ពស់រាបភាគខាងលិចប្រទេសមីយ៉ាន់ម៉ាបានកំពុងលាក់ខ្លួននៅក្នុងព្រៃ តាមភូមិ និងជ្រលងភ្នំកាលពីថ្ងៃចន្ទ បន្ទាប់ពីរត់គេចពីការវាយប្រហារដោយកម្លាំងយោធា។
ច្បាប់អជ្ញាសឹកត្រូវបានប្រកាសនៅតំបន់ Mindat កាលពីសប្តាហ៍មុន មុនពេលកងទ័ពបើកការវាយប្រហារ ដោយបាញ់កាំភ្លើងធំ និងឧទ្ធម្ភាគចក្រប្រឆាំងនឹងកងកម្លាំងការពារ Chinland។
អ្នកស្រុកជាច្រើនបាននិយាយថា ពួកគេខ្វះអាហារ ហើយមនុស្សប្រមាណពី៥ពាន់ទៅ៨ពាន់នាក់រត់ចេញពី Mindat។ ជាមួយគ្នានេះ ផ្លូវត្រូវបានបិទ ហើយកម្លាំងទ័ពត្រូវបានដាក់ពង្រាយតាមផ្លូវដើមរារាំងអ្នកស្រុកវិលចូលភូមិវិញ។
ក្រុមអ្នកការទូតបាននិយាយថា មហាសន្និបាតអង្គការសហប្រជាជាតិបោះឆ្នោតនៅថ្ងៃអង្គារនេះស្តីពី«សេចក្តីព្រាងដំណោះស្រាយដើម្បីអំពាវនាវសម្រាប់ការផ្អាកជាបន្ទាន់នូវការផ្គត់ផ្គង់ ការលក់ និងការផ្ទេរ នូវអាវុធយុទ្ធភណ្ឌគ្រប់ប្រភេទ ដោយផ្ទាល់ និងប្រយោល ទៅឲ្យប្រទេសមីយ៉ាន់ម៉ា»។
សេចក្តីព្រាងដំណោះស្រាយក៏បានអំពាវនាវដល់យោធាមីយ៉ាន់ម៉ាបញ្ចប់នូវភាពអាសន្ន ឈប់ប្រើហិង្សាលើបាតុករសន្តិវិធី និងគោរពឆន្ទៈប្រជាជនដែលបានបង្ហាញក្នុងការបោះឆ្នោតកាលពីខែវិច្ឆិកា ឆ្នាំមុន៕
ប្រែសម្រួល៖ វីរបុត្រ
ប្រភព៖ CNA
កម្ពុជា-ថៃ ជួបប្រជុំទ្វេភាគីលើកទី១៤ស្តីពីកិច្ចសហប្រតិបត្តិការប្រយុទ្ធប្រឆាំងគ្រឿងញៀន
រដ្ឋមន្ត្រីក្រសួងកសិកម្ម៖ យុត្តិធម៌សម្រាប់មន្ដ្រីស្អាតស្អំ មិនអាចកាត់ថ្លៃបានទេ
សិង្ហបុរី ប្រកាសថា ខ្លួននឹងស៊ើបអង្កេតករណីកប៉ាល់កុងតឺន័រ Dali បុកជាមួយស្ពាន Francis Scott Key
លោក តាន់ ហ្សង់ហ្វ្រង់ស័រ៖ ដោះស្រាយបញ្ហាព្រំដែន ត្រូវការតែអ្នកជំនាញមុតស្រួច មិនត្រូវការអ្នកជាតិនិយម អ្នកនយោបាយឡើយ
អាមេរិក ដាក់ទណ្ឌកម្មក្រុមហ៊ុនជួរមុខ ចិន ដែលមានចិត្តចង់កម្ទេចហេដ្ឋារចនាសម្ព័ន្ធសំខាន់ៗ
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៣ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៤ ម៉ោង agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២២ ម៉ោង agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សេដ្ឋកិច្ច២ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ