ព័ត៌មានអន្ដរជាតិ
ការសិក្សា៖ ឧបករណ៍តេស្តរហ័សថ្មីមានសមត្ថភាពរកឃើញកូវីដ-១៩ ត្រឹមមួយវិនាទី
កំលុងពេលមេរោគកូវីដកំពុងលុកលុយខ្លាំង ប្រព័ន្ធថែទាំសុខភាពក្នុងប្រទេសខ្លះរួមមានឥណ្ឌាជាដើមមិនអាចគ្រប់គ្រងការធ្វើតេស្តអ្នកជំងឺទាន់ពេលវេលាទេ។ ដូច្នេះដើម្បីបង្កើនល្បឿនធ្វើតេស្តរកអ្នកវិជ្ជមានកូវីដ-១៩ ការបង្កើតឧបករណ៍តេស្តដោយខ្លួនឯងគឺជាជម្រើសមួយដែលអាចកាត់បន្ថយបន្ទុកមន្ត្រីសុខាភិបាល និងចំណេញពេលវេលាផងដែរ។
ថ្មីៗនេះក្រុមប្រឹក្សាស្រាវជ្រាវវេជ្ជសាស្ត្រឥណ្ឌាហៅកាត់ ICMR បានយល់ព្រមឱ្យប្រើប្រាស់ឧបករណ៍តេស្តដោយខ្លួនឯងដែលអាចរកឃើញវីរុសកូវីដ-១៩ ក្នុងរយៈពេលត្រឹមតែ ១៥ នាទី។
ទោះជាឥណ្ឌាមានឧបករណ៍តេស្តលឿនយ៉ាងនេះក្ដី តែវិទ្យាស្ថានរូបវិទ្យាអាមេរិកបានអភិវឌ្ឍឧបករណ៍ថ្មីមួយទៀតដែលមានសមត្ថភាពតេស្តរកកូវីដ-១៩កាន់រហ័សជាងមុនទ្វេរដង។
ក្រុមអ្នកស្រាវជ្រាវមកពីសាកលវិទ្យាល័យផ្លរីដា និងសាកលវិទ្យាល័យជាតិ Chiao Tung របស់តៃវ៉ាន់ រួមគ្នាជាមួយវិទ្យាស្ថានរូបវិទ្យាអាមេរិកបានបង្កើតប្រព័ន្ធតេស្តរហ័សថ្មីមួយដែលឧបករណ៍នេះអាចស្វែងវីរុស Covid-19 កាន់តែលឿនជាងមុន ត្រឹមរយៈពេលមួយវិនាទីប៉ុណ្ណោះ។
លោក Minghan Xian ជាអ្នកសរសេរអត្ថបទលើការសិក្សាថ្មីនេះ ក៏ជាបេក្ខជនបណ្ឌិតនៅសាកលវិទ្យាល័យផ្លរីដា ត្រូវបានគេដកស្រង់សម្តីថា ប្រព័ន្ធតេស្តរហ័សអាចជួយកាត់បន្ថយបញ្ហាពេលវេលាក្នុងការរកវីរុសកូវីដ-១៩។ មិនតែប៉ុណ្ណោះ វាបង្កភាពស្រួលសម្រាប់តេស្តដោយខ្លួនឯង ព្រមទាំងមានតម្លៃសមរម្យ។ យ៉ាងណាមិញ ឧបករណ៍នេះមិនទាន់អនុម័តឱ្យប្រើប្រាស់ទេ គឺវាកំពុងស្ថិតនៅក្នុងដំណាក់កាលសាកល្បង៕
ប្រែសម្រួល៖ សន្យា
ប្រភព៖ The Indian EXPRESS
ចុចអាន៖ សិង្ហបុរី ដាក់ឱ្យប្រើប្រាស់ប្រព័ន្ធធ្វើតេស្តតាមផ្លូវដង្ហើម អាចរកឃើញកូវីដ-១៩ត្រឹមតែមួយនាទី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង