ព័ត៌មានអន្ដរជាតិ
និស្សិតនៅទីក្រុង អ៊ូហាន ជាង ១ ម៉ឺននាក់ជួបជុំគ្នាកកកុញក្នុងពិធីទទួលសញ្ញាបត្រ ដោយមិនពាក់ម៉ាស និងរក្សាគម្លាត
និស្សិតជាង ១១,០០០ នាក់នៅទីក្រុងអ៊ូហាន បានជួបជុំគ្នាក្នុងពហុកីឡាដ្ឋានមួយ សម្រាប់ពិធីទទួលសញ្ញាបត្របញ្ចប់ការសិក្សារបស់ពួកគេ ដោយមិនពាក់ម៉ាស និងរក្សាគម្លាតសង្គម អ្វីឡើយ ។
យោងតាមប្រភពព័ត៌មានក្នុងស្រុក Hubei News បានឲ្យដឹងថា ពិធីនេះត្រូវបានធ្វើឡើងនៅបរិវេណពហុកីឡដ្ឋាន ក្នុងសាកលវិទ្យាល័យ Central Normal University និងមានការចូលរួមពីនិស្សិតជាង ១១,០០០ នាក់ ។
សារព័ត៌មាននោះរាយការណ៍ថា ឪពុកម្តាយជាង ៣,០០០ នាក់ ក៏ត្រូវបានផ្តល់កន្លែងអង្គុយមើលកូនៗរបស់ពួកគេ ដែលបានបញ្ចប់ការសិក្សានោះផងដែរ ដោយធ្វើឲ្យចំនួនមនុស្សសរុបនៅក្នុងពហុកីឡាដ្ឋាននោះ មានដល់ទៅជាង ១៤,០០០ នាក់ឯណោះ ។
ទន្ទឹមនោះ សិស្សក្នុងថ្នាក់សិក្សាឆ្នាំ ២០២០ ទាំងនោះ ក៏បានបង្ហោះការអបអរព្រឹត្តិការណ៍នេះនៅលើបណ្ដាញ Weibo ផងដែរ ខណៈនិស្សិតម្នាក់បានសរសេរថា “ខ្ញុំបានត្រឡប់ទៅសាលាវិញ បន្ទាប់ពីសោកស្តាយដែលមិនអាចទទួលសញ្ញាបត្របញ្ចប់ការសិក្សា កាលពីឆ្នាំមុន” ។
ចំណែកនិស្សិតម្នាក់ទៀតបានសរសេរថា “អរគុណដល់សាលារបស់ខ្ញុំ ដែលបានផ្តល់ឲ្យយើងនូវថ្នាក់រៀនឆ្នាំ ២០២០ ក៏ដូចជាពិធីបញ្ចប់ការសិក្សានេះ” ។
គួរបញ្ជាក់ថា ពិធីចែកសញ្ញាបត្រទ្រង់ទ្រាយធំនេះបានធ្វើឡើង នៅចំណុចកណ្តាលនៃជំងឺរាតត្បាតកូវីដ ១៩ ដែលបានផ្ទុះឡើងកាលពីចុងឆ្នាំ ២០១៩ ។ វីរុសនេះត្រូវបានគេអះអាងថា រកឃើញដំបូងនៅក្នុងទីក្រុងអ៊ូហាន ខេត្ត Hubei ដោយធ្វើឲ្យប្រជាជនចំនួន ១១ លាននាក់ រស់នៅក្នុងការបិទខ្ទប់រយៈពេល ៧៦ ថ្ងៃ ។
បន្ទាប់មកប៉ុន្មានខែ ក្រោយការបិទខ្ទប់នោះ ទីក្រុងអ៊ូហានបានវិលទៅរកស្ថានភាពធម្មតាឡើងវិញ ហើយបានចាប់ផ្តើមរៀបចំព្រឹត្តិការណ៍សាធារណៈទ្រង់ទ្រាយធំ នៅខែសីហា ឆ្នាំ ២០២០ ក្រោយជំងឺកូវីដ ១៩ ស្ថិតនៅក្រោមការទប់ស្កាត់ ៕
ប្រែសម្រួលដោយ ៖ ជីវ័ន្ត
ប្រភព ៖ Yahoo
ចុចអាន ៖ ចិន កំណត់ចាក់វ៉ាក់សាំងកូវីដឲ្យបាន១ពាន់លានដូសត្រឹមចុងសប្តាហ៍នេះ
ចុចអាន ៖ ទស្សនាបណ្ដុំរូបភាពស្អាតៗ ពិធីបុណ្យអុំទូកនាគ ដែលកំពុងប្រារព្ធនៅទូទាំងប្រទេស ចិន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ