ព័ត៌មានអន្ដរជាតិ
ធ្ងន់ធ្ងរហើយ! មីយ៉ាន់ម៉ា រកឃើញកូវីដបំប្លែងខ្លួន ២ ប្រភេទ ខណៈប្រព័ន្ធថែទាំសុខភាពកំពុងរងគ្រោះ ដោយសាររដ្ឋប្រហារ
ស្ថានីយ៍ទូរទស្សន៍រដ្ឋរបស់ប្រទេសមីយ៉ាន់ម៉ា និយាយថា ជំងឺកូវីដ ១៩ បំប្លែងខ្លួនដែលអង្គការសុខភាពពិភពលោក (WHO) ចាត់ទុកថាមានការព្រួយបារម្ភ ត្រូវបានរកឃើញនៅក្នុងប្រទេស ។
ស្ថានីយ៍នេះបានរាយការណ៍កាលពីថ្ងៃអង្គារថា ករណីពាក់ព័ន្ធនឹងវីរុសបំប្លែងខ្លួនរបស់ឥណ្ឌា “Delta” និងវីរុសបំប្លែងខ្លួនអង់គ្លេស “Alpha” ត្រូវបានបញ្ជាក់កើតមាននៅក្នុងប្រទេសមីយ៉ាន់ម៉ា ។
របាយការណ៍នោះបានបន្ថែមទៀតថា មនុស្សសរុបចំនួន ១១ នាក់ដែលឆ្លងវីរុសនេះ ត្រូវបានគេរកឃើញនៅក្នុងតំបន់ចំនួន ៤ រួមមានតំបន់ Mandalay ភាគកណ្តាលប្រទេសមីយ៉ាន់ម៉ា តំបន់ Tanintharyi ភាគខាងត្បូង និងតំបន់ Sagaing ដែលស្ថិតនៅជាប់ភាគពាយ័ព្យប្រទេសឥណ្ឌា ។
បច្ចុប្បន្នប្រទេសមីយ៉ាន់ម៉ាមិនបានតេស្តទ្រង់ទ្រាយធំរកជំងឺកូវីដ ១៩ នោះទេ ខណៈបុគ្គលិកសុខាភិបាលបានចាកចេញពីកន្លែងធ្វើការរបស់ពួកគេ នៅទូទាំងប្រទេសដើម្បីប្រឆាំងនឹងរដ្ឋប្រហាររបស់យោធា ។
ទន្ទឹមនោះ វាកាន់តែពិបាកក្នុងការកំណត់ថាតើ អត្រាឆ្លងមានកម្រិតខ្ពស់យ៉ាងណានោះ ព្រោះចំនួននៃការធ្វើតេស្តបានធ្លាក់ចុះស្ទើរតែដល់ចំណុចសូន្យ ខណៈប្រទេសកំពុងជួបរដ្ឋប្រហារ ។
បន្ថែមពីនេះ អាជ្ញាធរសុខាភិបាលព្រមានថា ចាប់តាំងពីចុងខែមុនមក មានការកើនឡើងយ៉ាងខ្លាំងនូវចំនួនករណីឆ្លងថ្មី ទោះបីជាចំនួននៃការធ្វើតេស្តត្រូវបានកំណត់ក៏ដោយ ។
ស្របពេលជាមួយគ្នានេះ ការព្រួយបារម្ភកំពុងកើនឡើងថា វីរុសនេះអាចរីករាលដាលបន្ថែមទៀត នៅពេលដែលប្រព័ន្ធថែរក្សាសុខភាពរបស់ប្រទេស កំពុងដំណើរការមិនល្អ ដោយសារតែមានភាពចលាចលជាបន្តបន្ទាប់ បន្ទាប់ពីរដ្ឋប្រហារ ។
គួរបញ្ជាក់ថា គិតត្រឹមពេលនេះ ប្រទេសមីយ៉ាន់ម៉ា មានករណីឆ្លងជំងឺកូវីដ ១៩ សរុប ១៤៦,០៥១ ករណី និងមានអ្នកស្លាប់ ៣,២៤៨ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ យន្តហោះយោធា មីយ៉ាន់ម៉ា ដឹកព្រះសង្ឃទៅវត្ត ធ្លាក់ទាំងមិនដឹងមូលហេតុ ស្លាប់ ១២ នាក់
ចុចអាន ៖ លោកស្រី អ៊ុងសាន ស៊ូជី ប្រឈមការចោទប្រកាន់ពុករលួយធ្ងន់ណាស់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ