ព័ត៌មានអន្ដរជាតិ
លោកស្រី អ៊ុងសាន ស៊ូជី ប្រឈមការចោទប្រកាន់ពុករលួយធ្ងន់ណាស់
អាជ្ញាធរយោធាមីយ៉ាន់ម៉ាបានចោទប្រកាន់មេដឹកនាំដែលត្រូវបានបណ្តេញចេញលោកស្រី អ៊ុងសាន ស៊ូជី ពីបទអំពើពុករលួយ ដែលជាការរចោទប្រកាន់ដ៏ធ្ងន់ធ្ងរបំផុតលើលោកស្រីរហូតដល់ពេលនេះ។
លោកស្រី ស៊ូជី ត្រូវបានចោទប្រកាន់ពីបទទួលសំណូកជាប្រាក់សុទ្ធ និងមាស ដែលអាចជាប់ពន្ធនាគាររហូតដល់១៥ឆ្នាំ ប្រសិនបើរកឃើញមានកំហុស។ លោកស្រីបានប្រឈមការចោទប្រកាន់៦ករណីផ្សេងទៀតពាក់ព័ន្ធនឹងការនាំចូលឧបករណ៍ទាក់ទង (អាយកូម) ខុសច្បាប់ និងបទញុះញង់ឲ្យមានការបះបោរជាសាធារណៈ។
អតីតទីប្រឹក្សារដ្ឋត្រូវបានចាប់ខ្លួនកាលពីថ្ងៃទី១ ខែកុម្ភៈនៅពេលរបបយោធាបានកាន់កាប់អំណាចតាមរយៈរដ្ឋប្រហារ។ ចាប់តាំងពីពេលនោះមក លោកស្រីត្រូវបានឃុំខ្លួននៅក្នុងផ្ទះ និងអាចដឹងរឿងរ៉ាវ ឬមើលឃើញបញ្ហាសង្គមខាងក្រៅតិចតួចប៉ុណ្ណោះក្រៅពីការបង្ហាញខ្លួននៅលើតុលាការ។
សេចក្តីប្រកាសព័ត៌មានមួយចេញដោយក្រុមប្រឹក្សាភិបាលយោធានៅថ្ងៃព្រហស្បតិ៍បាននិយាយថា លោកស្រី ស៊ូជី បានទទួលប្រាក់សំណូក៦០ម៉ឺនដុល្លារអាមេរិក និងមាស៧ដុំ។ សេចក្តីប្រកាសក៏បានចោទប្រកាន់ថា រដ្ឋាភិបាលស៊ីវិលមុនៗ ដែលជាគណបក្សសម្ព័ន្ធជាតិដើម្បីប្រជាធិបតេយ្យ បានបាត់បង់ប្រាក់យ៉ាងច្រើននៅក្នុងកិច្ចព្រមព្រៀងដីធ្លី។
ក្រៅពី លោកស្រី ស៊ូជី ដែលចំណាយពេលជាច្រើនឆ្នាំនៅក្នុងផ្ទះឃុំឃាំងកំឡុងពេលនៃការគ្រប់គ្រងរបស់យោធាពីមុន អតីតមន្ត្រីជាច្រើនក៏បានប្រឈមនឹងអំពើពុករលួយស្រដៀងគ្នាពាក់ព័ន្ធនឹងការចោទប្រកាន់ស៊ីសំណូកដែរ។
មុននេះ ការចោទប្រកាន់ដ៏ធ្ងន់ធ្ងរបំផុតលើលោកស្រី ស៊ូជី ដោយចោទថា លោកស្រីបានប្រព្រឹត្តទង្វើអាថ៌កំបាំងដែលអាចជាប់ពន្ធនាគាររហូតដល់១៤ឆ្នាំ។
មេធាវីរបស់លោកស្រី គឺលោក Khin Maung Zaw បានហៅការចោទប្រកាន់អំពើពុករលួយថា មិនសមហេតុផល និងនិយាយថា លោកស្រីអាចប្រឈមនឹងជាប់ពន្ធនាគាររយៈពេលយូរពីបទសម្ងាត់ និងអំពើពុករលួយ។
រដ្ឋប្រហារកាលពីថ្ងៃទី១ ខែកុម្ភៈរបស់របបយោធាមីយ៉ាន់ម៉ាបានធ្វើប្រទេសមួយនេះធ្លាក់ក្នុងភាពវឹកវរដោយមានជនស៊ីវិលរាប់សែននាក់ធ្វើការតវ៉ា ហើយកម្លាំងយោធាបានធ្វើការបង្ក្រាបដោយហិង្សាដែលបានសម្លាប់មនុស្សជាង៨០០នាក់ និងជិត៥ពាន់នាក់ឃុំខ្លួន។
បទចោទប្រកាន់លើលោកស្រី អ៊ុងសាន ស៊ូជី
- អំពើពុករលួយ ដែលអាចជាប់ពន្ធនាគារដល់១៥ឆ្នាំ
- ការបំពានលើទង្វើសម្ងាត់ អាចជាប់ពន្ធនាគារដល់១៤ឆ្នាំ
- ការបំពាន់ច្បាប់នាំចូល អាចជាប់ពន្ធនាគារដល់៣ឆ្នាំ
- ការបំពានច្បាប់ទូរគមនាគមន៍ អាចជាប់ពន្ធនាគារដល់១ឆ្នាំ
- ការចោទប្រកាន់ពីរករណីទៀតគឺបំពានច្បាប់គ្រោះធម្មជាតិ ដោយការចោទនីមួយៗអាចជាប់ពន្ធនាគារដល់៣ឆ្នាំ
- ការញុះញង់ជាសាធារណៈឲ្យមានការបះបោរ អាចជាប់ពន្ធនាគារដល់៣ឆ្នាំ
ប្រែសម្រួល៖ វីរបុត្រ
ប្រភព៖ BBC
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ