ព័ត៌មានអន្ដរជាតិ
ឃើញរងគ្រោះខ្លាំងពេក WHO បង្កើតមជ្ឈមណ្ឌលផលិតវ៉ាក់សាំងតាមបច្ចេកវិទ្យា mRNA នៅអាហ្វ្រិកខាងត្បូង
អង្គការសុខភាពពិភពលោក (WHO) បាននិយាយថា ខ្លួនកំពុងបង្កើតមជ្ឈមណ្ឌលមួយនៅប្រទេសអាហ្រ្វិកខាងត្បូង ដើម្បីផលិតវ៉ាក់សាំងការពារជំងឺកូវីដ ១៩ ។
WHO បាននិយាយថា “មជ្ឈមណ្ឌលផ្ទេរបច្ចេកវិទ្យា” នេះអាចធ្វើឲ្យក្រុមហ៊ុននៅទ្វីបអាហ្រ្វិក ចាប់ផ្តើមផលិតវ៉ាក់សាំងតាមបច្ចេកវិទ្យា mRNA ក្នុងរយៈពេល ៩ ទៅ ១២ ខែ ។
ទន្ទឹមនោះ អគ្គនាយក WHO លោក Tedros Adhanom Ghebreyesus បានធ្វើការប្រកាសនេះ ក្នុងគោលបំណងជំរុញការទទួលបានវ៉ាក់សាំងនៅទូទាំងទ្វីបអាហ្រ្វិក ខណៈករណីឆ្លង និងស្លាប់បានកើនឡើងជិត ៤០ ភាគរយកាលពីសប្តាហ៍មុន ។
នៅក្នុងសន្និសីទសារព័ត៌មាននៅទីក្រុងហ្សឺណែវកាលពីថ្ងៃចន្ទ លោក Tedros បាននិយាយថា “ខ្ញុំមានសេចក្តីរីករាយ និងសូមប្រកាសថា WHO កំពុងពិភាក្សាជាមួយសហគ្រាសក្រុមហ៊ុន និងស្ថាប័នដើម្បីបង្កើតមជ្ឈមណ្ឌលផ្ទេរបច្ចេកវិទ្យាវ៉ាក់សាំងនៅអាហ្វ្រិកខាងត្បូង” ។
លោកបានបន្ថែមថា “សហគ្រាសនេះពាក់ព័ន្ធនឹងក្រុមហ៊ុនជីវសាស្ត្រ និងវ៉ាក់សាំង Afrigen ដែលនឹងដើរតួជាមជ្ឈមណ្ឌលទាំងការផលិតវ៉ាក់សាំង mRNA ដោយខ្លួនវាផ្ទាល់ និងផ្តល់ការបណ្តុះបណ្តាលដល់ក្រុមហ៊ុនផលិត Biovac” ។
គួរបញ្ជាក់ថា ក្រុមហ៊ុន Pfizer-BioNTech រួមជាមួយនឹងក្រុមហ៊ុន Moderna សុទ្ធសឹងតែជាក្រុមហ៊ុនផលិតវ៉ាក់សាំងការពារជំងឺកូវីដ ១៩ ដែលប្រើបច្ចេកវិទ្យា mRNA នេះឯង ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)