ព័ត៌មានអន្ដរជាតិ

ឥណ្ឌូណេស៊ីឆ្លងកូវីដច្រើនបំផុតមិនធ្លាប់មានពីម្សិលមិញ

បានផុស

៥ years មុន

នៅ

ថ្ងៃចន្ទ ២៨ មិថុនា ២០២១

ដោយ

ប្រទេសឥណ្ឌូណេស៊ីមានកំណត់ត្រាឆ្លងកូវីដ-១៩ប្រចាំថ្ងៃថ្មីទៀតហើយ បន្ទាប់ពីកាលពីថ្ងៃអាទិត្យម្សិលមិញមានអ្នកឆ្លងថ្មីជាង ២១ ០០០នាក់ ខណៈមន្ទីរពេទ្យនៅក្រុងហ្សាការតាពោរពេញដោយអ្នកជំងឺ និងធ្ងន់ធ្ងរជាងគេនៅអាស៊ាន។

តាមរយៈតួលេខថ្មីនេះបានធ្វើឲ្យឥណ្ឌូណេស៊ីមានអ្នកឆ្លងកូវីដ-១៩សរុបឡើងដល់ជាង២.១លាននាក់ និងករណីមរណភាពបានឡើងដល់ ៥៧ ១៣៨នាក់។ ប៉ុន្តែតួលេខពិតប្រាកដត្រូវបានគេជឿថាខ្ពស់ជាងនេះដោយសារអត្រាធ្វើតេស្តទាបនៅឡើយ។

ឥណ្ឌូណេស៊ីធ្វើតេស្តកូវីដនៅខាងក្រៅមន្ទីរពេទ្យ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្រាឆ្លងកូវីដ-១៩នៅឥណ្ឌូណេស៊ីបានហក់ឡើងខ្ពស់ខ្លាំងក្នុងរយៈពេលប៉ុន្មានសប្តាហ៍ចុងក្រោយនេះ បន្ទាប់ពីមនុស្សរាប់លាននាក់បានធ្វើដំណើរនៅពេលពិធីតមអាហារមូស្លីមរយៈពេលមួយខែ Ramadan បានចប់កាលពីខែឧសភា ហើយអាជ្ញាធរក៏បានបញ្ជាក់ពីវីរុសបំប្លែងខ្លួនថ្មីកំពុងវាយលុក។

ស្ត្រីនាំពាក្យក្រុមការងារកូវីដ-១៩ អ្នកស្រី Siti Nadia Tarmizi បានឲ្យដឹងថា ៖«យើងបានព្យាករហើយថានឹងមានកណីកើនឡើងនៃចំនួនឆ្លងថ្មី។ ការហក់ឡើងខ្ពស់បំផុតត្រូវបានរំពឹងថា នឹងកើតមានក្នុងពេលពីរបីសប្តាហ៍ខាងមុខ»។

ឥឡូវនេះ ប្រទេសឥណ្ឌូណេស៊ីកំពុងភ័យខ្លាចប្រព័ន្ធសុខាភិបាលរបស់ខ្លួនដួលរលំដោយសារករណីកើនឡើងកាន់តែខ្លាំង និងមានសេចក្តីរាយការណ៍មួយចំនួនថា មន្ទីរពេទ្យខ្លះកំពុងពេញលើសដោយអ្នកជំងឺ ហើយបានបង្វែរឲ្យអ្នកជំងឺទៅមន្ទីរពេទ្យផ្សេង។

ឥណ្ឌូណេស៊ីមានគោលដៅចាក់វ៉ាក់សាំងដល់ប្រជាជនរបស់ខ្លួនឲ្យបានជាង១៨០លាននាក់ក្នុងចំណោមប្រជាជនទាំងអស់២៧០លាននាក់នៅត្រឹមដើមឆ្នាំក្រោយ ប៉ុន្តែរហូតដល់ពេលនេះទើបចាក់វ៉ាក់សាំងពេញលេញបានប្រហែលជា៥%ប៉ុណ្ណោះនៃចំនួនប្រជាជនរបស់ខ្លួន៕

ប្រែសម្រួល៖ វីរបុត្រ
ប្រភព៖ straitstimes

Related Topics:កូវីដ-១៩ ប្រទេសឥណ្ឌូណេស៊ី ព័ត៌មានខ្លីៗ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា