សល់៤ខែទៀតរៀបការ អនាគតកូនក្រមុំត្រូវបុរសមួយក្រុមដុតទាំងរស់ព្រោះខឹងមិនស្រឡាញ់
Connect with us
Helistar Cambodia - Helicopter Charter Services

ព័ត៌មានអន្ដរជាតិ

សល់៤ខែទៀតរៀបការ អនាគតកូនក្រមុំត្រូវបុរសមួយក្រុមដុតទាំងរស់ព្រោះខឹងមិនស្រឡាញ់

បានផុស

នៅ

មេដឹកនាំនយោបាយនិងសកម្មជនសិទ្ធិនារីជាច្រើននាក់នៅក្នុងប្រទេសឥណ្ឌាបានជួបជុំគ្នាដើម្បីទាមទាររកយុត្តិធម៌ឲ្យស្ត្រីមូស្លីមម្នាក់ដែលត្រូវបានដុតសម្លាប់ដោយបុរសហិណ្ឌូម្នាក់និងមិត្តភក្តិរបស់គាត់នៅក្នុងស្រុក Vaishali នៃខេត្ត Bihar។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាង Gulnaz Khatoon អាយុ២០ឆ្នាំត្រូវបានដុតទាំងរស់បន្ទាប់ពីបុរសទាំងនោះចាក់ប្រេងកាតលើនាងនៅក្នុងភូមិ Rasoolpur កាលពីថ្ងៃទី៣០ខែតុលា។ នាងបានស្លាប់ដោយសារតែការរលាកកាលពីថ្ងៃអាទិត្យ។

ក្រុមគ្រួសាររបស់ស្ត្រីរូបនេះបានចោទប្រកាន់ថា ប៉ូលិសបានពន្យាពេលក្នុងការចាត់វិធានការលើជនជាប់ចោទដែលត្រូវបានគេស្គាល់ឈ្មោះថា Satish Kumar Rai, Chandan និង Vinod Rai។

Khatoon ត្រូវបានបញ្ជូនទៅកាន់មន្ទីរពេទ្យក្នុងតំបន់ជាមួយរបួសរលាក៧៥ភាគរយ។ ក្រោយមក នាងត្រូវបានផ្លាស់ទៅមន្ទីរពេទ្យមហាវិទ្យាល័យវេជ្ជសាស្រ្ត Patna ដែលជាមន្ទីរពេទ្យធំជាងគេនៅក្នុងខេត្ត។ នាងបានស្លាប់នៅក្នុងមន្ទីរពេទ្យនោះ។

ក្រុមគ្រួសាររបស់នាងនិយាយថា នាងបានភ្ជាប់ពាក្យជាមួយបុរសម្នាក់ទៀតហើយពិធីរៀបអាពាហ៍ពិពាហ៍នឹងត្រូវរៀបចំឡើងក្នុងរយៈពេល៤ខែខាងមុខ។

គ្រួសារជនរងគ្រោះបាននិយាយថា លោក Satish Kumar Rai បានបង្ខំឲ្យ Gulnaz រៀបការជាមួយគាត់ប៉ុន្តែស្ត្រីរងគ្រោះបានបដិសេធ។ ក្រុមគ្រួសារបន្ថែមថា ដោយមានការខឹងសម្បាចំពោះការបដិសេធនេះ លោក Rai និងមិត្តភក្តិបានសម្លាប់នាងតែម្តង។

របាយការណ៍ប្រព័ន្ធផ្សព្វផ្សាយបាននិយាយថា នាង Gulnaz ត្រូវបានដុតនៅពេលនាងចេញទៅចាក់សំរាម៕

ប្រែសម្រួលដោយ៖ Vann Vann

ប្រភព៖ Al Jazeera

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services