មូសខ្លាអាស៊ីអាគ្នេយ៍ដ៏សាហាវ ផ្ទុកវីរុសជាង២០ប្រភេទ កំពុងបង្កការព្រួយបារម្ភ

អ្នកឯកទេសរដ្ឋាភិបាល បានព្រមានថា សត្វមូសដ៏សាហាវ អាចនឹងបង្ហាញវត្តមាននៅចក្រភពអង់គ្លេសក្នុងពេលឆាប់ៗនេះ។

មូសខ្លាអាស៊ី អាចផ្ទុកវីរុសបានជាង២០ប្រភេទ រួមទាំងវីរុសដែលបង្កឲ្យមានជំងឺគ្រុនឈាម គ្រុនឈីក គ្រុនលឿង គ្រុន West Nile ជំងឺរលាកខួរក្បាលនិងហ្ស៊ីកា ផងដែរ។

មូសទាំងនេះ មានដើមកំណើតនៅតំបន់និងអនុតំបន់ត្រូពិកនៃអាស៊ីអាគ្នេយ៍ ប៉ុន្តែបានរីករាលដាលនិងបង្កជាក្តីព្រួយបារម្ភ ពាសពេញទ្វីបអឺរ៉ុប ក្នុងរយៈពេលប៉ុន្មានឆ្នាំថ្មីៗនេះ។

ទោះសត្វមូសទាំងនេះ ជាធម្មតាចូលចិត្តសីតុណ្ហភាពក្តៅជាងនៅចក្រភពអង់គ្លេសក៏ដោយ ក៏ប៉ុន្តែលោក Howard Carter អ្នកជំនាញជាន់ខ្ពស់ និងជាទីប្រឹក្សារដ្ឋាភិបាល មានការភ័យខ្លាចថា ពួកគេអាចលុកលុយក្នុងផ្ទះ នៅប៉ុន្មានឆ្នាំខាងមុខនេះ។

លោកបាននិយាយថា “នៅទ្វីបនេះ សត្វមូស Aedes ចំនួនពីរប្រភេទ ត្រូវបានគេរកឃើញនៅទូទាំងតំបន់ដែលមានអាកាសធាតុ ក្តៅ។ ដូច្នេះ វាមានសារៈសំខាន់ណាស់ ដែលមនុស្សគ្រប់រូបត្រូវការពារខ្លួន ពីឱកាសដែលប្រភេទសត្វទាំងនេះ​ បង្កជំងឺរាតត្បាត”៕

ប្រែសម្រួល៖ Vann Vann

ប្រភព៖ Daily Star

ចុចអាន៖ ជំងឺ ១០ មុខ ឧស្សាហ៍កើតបំផុតអំឡុងខែភ្លៀង គ្រប់គ្នា​ត្រូវ​ប្រយ័ត្ន