ទោះចាក់វ៉ាក់សាំងហើយ តែករណីឆ្លងកូវីដនៅអង់គ្លេស កើនដល់ទៅ ១៦១ភាគរយ

ប្រជាជនអង់គ្លេសចំនួន ២៤,២៤៨ នាក់បន្ថែមទៀត បានធ្វើតេស្តវិជ្ជមានជំងឺកូវីដ-១៩ ស្របពេលវីរុសបំប្លែងខ្លួន Delta នៅតែបន្តរីករាលដាល ខណៈមនុស្ស១៥នាក់ ត្រូវបានគេរាយការណ៍ថា ស្លាប់។

តួលេខចុងក្រោយនេះ បានធ្វើឲ្យចំនួនអ្នកស្លាប់សរុបនៅក្នុងប្រទេសអង់គ្លេស កើនឡើងដល់ ១២៨,២២២ នាក់ ចំណែក ចំនួនមនុស្សដែលបានធ្វើតេស្តវិជ្ជមានវីរុសនេះ ចាប់តាំងពីរោគរាតត្បាតផ្ទុះឡើង បានកើនដល់ ៤,៩០៣,៤៣៤នាក់។

នៅថ្ងៃទី២០ខែមិថុនា តួលេខអ្នកឆ្លងកូវីដប្រចាំថ្ងៃ បានឈានដល់៩,២៨៤នាក់។ ប៉ុន្តែក្នុងរយៈពេលត្រឹមតែពីរសប្តាហ៍ប៉ុណ្ណោះ ការឆ្លងបានកើនឡើងគួរឲ្យភ្ញាក់ផ្អើលដល់ទៅ ២៤,២៤៨ ករណី ពោលគឺស្មើនឹង ១៦១ភាគរយ។

ទោះបីជាករណីឆ្លងកើនឡើងក៏ដោយ ប៉ុន្តែអត្រាមរណភាពដោយសារជំងឺកូវីដ នៅតែមានកម្រិតទាប។

រឿងនេះបានកើតឡើង នៅពេលដែលជាងពាក់កណ្តាលនៃប្រជាជនអង់គ្លេស ត្រូវបានការពារយ៉ាងពេញលេញពីជំងឺកូវីដ-១៩ បន្ទាប់ពីទទួលវ៉ាក់សាំងទាំង២ដូស៕

ប្រែសម្រួល៖ Vann Vann

ប្រភព៖ The Sun

ចុចអាន៖ នាយករដ្ឋមន្ត្រីលុចសំបួ ត្រូវបញ្ជូនទៅមន្ទីរពេទ្យ ក្រោយឆ្លងកូវីដ បន្ទាប់ពីកិច្ចប្រជុំ EU