ព័ត៌មានអន្ដរជាតិ
ក្រោយផ្ទុះឆ្លងកូវីដ ទីក្រុងចិន នៅព្រំដែនជាមួយ មីយ៉ាន់ម៉ា បិទខ្ទប់ជាថ្មី ហើយចាប់ផ្ដើមធ្វើតេស្តអ្នករស់នៅទាំងអស់
ទីក្រុងចិនមួយនៅជិតព្រំដែនជាមួយមីយ៉ាន់ម៉ា បានដាក់ចេញនូវការបិទខ្ទប់ និងបានចាប់ផ្តើមធ្វើតេស្តទ្រង់ទ្រាយធំ បន្ទាប់ពីរកឃើញករណីឆ្លងជំងឺកូវីដ ១៩ ចំនួន ៣ ករណីនៅថ្ងៃចន្ទនេះ ។
នេះជាលើកទី ២ ហើយក្នុងរយៈពេល ៤ ខែដែលទីក្រុង Ruili ជាកន្លែងដែលមានប្រជាជនជាង ២១ ម៉ឺននាក់ត្រូវបានបិទខ្ទប់ បន្ទាប់ពីរកឃើញករណីនាំចូលពីប្រទេសមីយ៉ាន់ម៉ា ។
ទីក្រុង Ruili គឺជាចំណុចឆ្លងកាត់ដ៏សំខាន់មួយពីទីក្រុង Muse ក្នុងប្រទេសជិតខាងមីយ៉ាន់ម៉ា ដែលត្រូវបានគេមើលឃើញថាមានភាពចលាចលកាន់តែខ្លាំងឡើង ចាប់តាំងពីមានរដ្ឋប្រហារយោធាថ្ងៃទី ១ ខែកុម្ភៈដែលបង្កការភ័យខ្លាចថា ប្រជាជននឹងព្យាយាមឆ្លងព្រំដែនចូលប្រទេសចិន ដើម្បីគេចចេញពីអំពើហិង្សា ។
យោងតាមអាជ្ញាធរសុខាភិបាលក្នុងខេត្ត Yunnan បានឲ្យដឹងថា អ្នកជំងឺម្នាក់ក្នុងចំណោមអ្នកជំងឺទាំង ៣ នាក់នោះ គឺជាជនជាតិមីយ៉ាន់ម៉ា ។
ទន្ទឹមនោះ រដ្ឋាភិបាលក្នុងតំបន់បាននិយាយនៅថ្ងៃចន្ទនេះថា ទីក្រុង Ruili នឹងធ្វើតេស្តអ្នករស់នៅក្នុងទីក្រុងទាំងអស់ រកវីរុសនេះក្នុងរយៈពេលពីរថ្ងៃ ហើយរាល់ការធ្វើដំណើរដែលមិនចាំបាច់ នឹងត្រូវហាមឃាត់រហូតដល់មានការជូនដំណឹងបន្ថែម ។
រដ្ឋាភិបាលក្នុងតំបន់បានបញ្ជាក់ថា មានតែសមាជិកម្នាក់ប៉ុណ្ណោះនៃគ្រួសារនីមួយៗ ដែលអាចត្រូវបានអនុញ្ញាតឲ្យចាកចេញដើម្បីទិញរបស់ប្រើប្រាស់ប្រចាំថ្ងៃ ក្នុងអំឡុងពេលធ្វើតេស្តនេះ ហើយអ្នកដែលចង់ចាកចេញពីទីក្រុង ត្រូវតែធ្វើតេស្តអវិជ្ជមានដែលធ្វើឡើងក្នុងរយៈពេល ៧២ ម៉ោងកន្លងមកនេះ ។
អ្វីដែលធ្វើឲ្យទីក្រុង Ruili ជោគជ័យក្នុងការទប់ស្កាត់ការរីករាលដាលនៃវីរុសនេះ ទីក្រុងបានធ្វើតេស្តអ្នករស់នៅក្នុងក្រុងទាំងអស់ និងជំរុញឲ្យអ្នករាល់គ្នាចាក់វ៉ាក់សាំង បន្ទាប់ពីមានការផ្ទុះឡើងតិចតួចកាលពីខែមេសា ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ មីយ៉ាន់ម៉ា រកឃើញករណីឆ្លងជំងឺកូវីដ-១៩ ខ្ពស់បំផុតក្នុងកំណត់ត្រា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ