ព័ត៌មានអន្ដរជាតិ
វៀតណាម កំពុងមានភ្លៀងធ្លាក់ខ្លាំង និងប្រកាសកើតមានមួយសប្ដាហ៍ពេញ
តំបន់ដែលមានសម្ពាធខ្យល់ទាប រួមផ្សំនឹងខ្យល់មូសុងភាគនិរតី កំពុងបណ្តាលឲ្យមានភ្លៀងធ្លាក់ខ្លាំង និងយូរនៅទីក្រុងហូជីមិញ និងតំបន់ខាងត្បូងនៃប្រទេសវៀតណាម ។
បើយោងតាមនាយកដ្ឋានឧតុនិយមវៀតណាម បានឲ្យដឹងថា ភ្លៀងបានចាប់ផ្តើមធ្លាក់កាលពីថ្ងៃចន្ទ ហើយត្រូវបានគេរំពឹងថានឹងបន្តរយៈពេលរហូតដល់ថ្ងៃសៅរ៍ ។
ខណៈនេះ កម្រិតទឹកភ្លៀងមានកម្ពស់ពី ២០ ទៅ ៥០ មីល្លីម៉ែត្រក្នុងរយៈពេល ២៤ ម៉ោង ខណៈកម្រិតទឹកភ្លៀង ១៨០ មីល្លីម៉ែត្រក្នុងមួយថ្ងៃ ត្រូវបានចាត់ទុកថាជាកម្រិតធ្ងន់ធ្ងរបំផុត ។
ទន្ទឹមនោះ ភ្លៀងធ្លាក់នេះ ក៏បានបញ្ចប់រលកកម្ដៅដ៏ក្ដៅបំផុត ដែលបានអូសបន្លាយអស់រយៈពេលជាង ២ សប្តាហ៍នៅទីក្រុងហូជីមិញ និងភាគខាងត្បូងប្រទេសវៀតណាម ខណៈសីតុណ្ហភាពបានឡើងដល់ ៣៥ ទៅ ៣៦ អង្សាសេ ។
រលកកម្ដៅ គឺជាបាតុភូតអាកាសធាតុធម្មតា ដែលតែងតែកើតឡើងនៅខែមិថុនា ឬសីហានៅភាគខាងត្បូងប្រទេសវៀតណាម ដោយសារឥទ្ធិពលនៃតំបន់សម្ពាធខ្ពស់ត្រូពិច រួមផ្សំជាមួយសម្ពាធក្ដៅទាប ។
រដូវវស្សានៅភាគខាងត្បូងប្រទេសវៀតណាម បានមកដល់ដើមឆ្នាំនេះ ដោយចាប់ផ្តើមនៅដើមខែមេសា ប៉ុន្តែជាទូទៅរដូវនេះកើតឡើងនៅចុងខែមេសា ឬពាក់កណ្តាលខែឧសភាឯណោះ ។
គួរបញ្ជាក់ថា ភាគខាងត្បូងនៃប្រទេសវៀតណាមមានតែពីររដូវប៉ុណ្ណោះ គឺរដូវប្រាំង និងរដូវវស្សា ខណៈរដូវវស្សាជាធម្មតាមានរយៈពេលរហូតដល់ខែវិច្ឆិកា ៕
ប្រែសម្រួលដោយ ៖ ជីវ័ន្ត
ប្រភព ៖ VNExpress
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ