វីរុសបំប្លែងខ្លួន ឆ្លងសាហាវជាងគេបំផុតលើពិភពលោក កំពុងវាយលុកខ្លាំងនៅ អាមេរិកឡាទីន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

វីរុសបំប្លែងខ្លួន ឆ្លងសាហាវជាងគេបំផុតលើពិភពលោក កំពុងវាយលុកខ្លាំងនៅ អាមេរិកឡាទីន

បានផុស

នៅ

វីរុសបំប្លែងខ្លួនប្រភេទថ្មីមួយទៀត ត្រូវបានគេអះអាងថា ជាវីរុសគួរឱ្យខ្លាចជាងគេបំផុតនៅលើលោក ដែលពេលនេះកំពុងវាយលុកខ្លាំងនៅអាមេរិកឡាទីន និងប្រមាណជិត ៣០ ប្រទេសពាសពេញពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
World's deadliest Covid variant spreading fast with 1 in 10 patients dying

តួលេខដំបូងនៃវីរុសបំប្លែងខ្លួនប្រភេទថ្មីឈ្មោះ Lambda ត្រូវបានគេរកឃើញនៅក្នុងប្រទេសប៉េរូ ដែលបច្ចុប្បន្នវាកើនជាង ៨០% នៃករណីឆ្លងសរុបនៅក្នុងប្រទេស។ ក្នុងនោះមនុស្សចំនួន ១៨៧,០០០ នាក់បានស្លាប់ ដែលវាជាអត្រាមរណភាពខ្ពស់បំផុតនៅលើពិភពលោកដោយសារវីរុសបំប្លែងខ្លួនប្រភេទថ្មីនេះ។ នេះបើយោងតាមទិន្នន័យរបស់សាកលវិទ្យាល័យ Johns Hopkins។  

ក្រុមអ្នកវិទ្យាសាស្ត្ររបស់អង្គការសុខភាពពិភពលោក (WHO) បានរាយការណ៍ថា វីរុស Lambda កំពុងរាលដាលដល់ប្រទេសជិត ៣០ ក្នុងរយៈពេល ៤ សប្តាហ៍ចុងក្រោយ ហើយវាត្រូវបានចាត់ថ្នាក់ជាវីរុសបំប្លែងខ្លួន​គួរឱ្យបារម្ភជាងគេ កាលពីថ្ងៃទី ១៤ ខែមិថុនា ឆ្នាំ២០២១។

The Lambda Variant: What to Know | Health.com

សាស្រ្តាចារ្យ Pablo Tsukayama មកពីសាកលវិទ្យាល័យ Cayetano Heredia ទីក្រុងលីម៉ានៃប្រទេសប៉េរូមានប្រសាសន៍ថា ជំងឺថ្មីនេះបានផ្ទុះឡើងដំបូងនៅក្នុងប្រទេសប៉េរូ ហើយវាមានសមត្ថភាពចម្លងខ្លាំងជាងវីរុសបំប្លែងខ្លួនណាៗទាំងអស់។

ចំណែកសុខភាពសាធារណៈអង់គ្លេសនាពេលថ្មីៗនេះក៏បានរាយការណ៍ដែរថា ត្បិតតែមានករណីតិចតួចបណ្តាលមកពីវីរុស Lambda ត្រូវបានគេរកឃើញនៅក្នុងប្រទេសក៏ពិតមែន ប៉ុន្តែវីរុសនេះមានសមត្ថភាពចម្លងខ្លាំងបំផុតជាមួយល្បឿនលឿន ព្រមទាំងមាន​ភាពធន់ទ្រាំទៅនឹងវ៉ាក់សាំងទៀតផង។

Lambda variant: What is the new Covid-19 strain detected in the UK? | The  National

ដោយឡែកការស្រាវជ្រាវមួយដែលធ្វើឡើងដោយក្រុមមកពីសាកលវិទ្យាល័យឈីលី ដែលបានសិក្សាអំពីវីរុស Lambda ទៅលើបុគ្គលិកសុខាភិបាល បានរកឃើញថា  អ្នកចាក់វ៉ាក់សាំងបង្ការកូវីដ-១៩ ចំនួនពីរដូសប្រឈមនឹងការឆ្លងវីរុសបំប្លែងខ្លួន Lambda ច្រើនជាងវីរុសបំប្លែងខ្លួនប្រេស៊ីល (Gamma) និងវីរុសបំប្លែងខ្លួនអង់គ្លេស (Alpha)។

យោងតាមរបាយការណ៍របស់ស្ថាប័នសុខាភិបាលបានឱ្យដឹងថា ពេលនេះវីរុសបំប្លែងខ្លួន Lambda កំពុងអុកឡុកនៅអាមេរិកខាងត្បូង អាមេរិកកណ្តាល សហរដ្ឋអាមេរិក និងមួយចំនួនតូចនៅទ្វីបអឺរ៉ុប៕

ប្រែសម្រួល៖ សន្យា

ប្រភព៖ Daily Star

ចុចអាន៖ អ្នកវិទ្យាសាស្ត្របញ្ជាក់ច្បាស់ៗថា កូវីដ មានប្រភពដើមនៅក្នុងធម្មជាតិ មិនមែនចេញពីមន្ទីរពិសោធន៍នោះទេ

ចុចអាន៖ វីរុសកូវីដ-១៩ បំប្លែងខ្លួនថ្មី ៤ ប្រភេទ WHO បារម្ភខ្លាចរាលដាលខ្លាំង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services