ព័ត៌មានអន្ដរជាតិ

FDA អាមេរិកបន្ថែមការព្រមានវ៉ាក់សាំង J&J ជុំវិញជំងឺសរសៃប្រសាទដ៏កម្រ

បានផុស

៣ years មុន

នៅ

ថ្ងៃអង្គារ ១៣ កក្កដា ២០២១

ដោយ

រដ្ឋបាលចំណីអាហារ និងឱសថសហរដ្ឋអាមេរិក (FDA) បានធ្វើបច្ចុប្បន្នភាពពីស្លាកព្រមានរបស់ខ្លួនកាលពីថ្ងៃចន្ទ ទី១២ ខែកក្កដា សម្រាប់វ៉ាក់សាំងបង្ការកូវីដ-១៩ Johnson & Johnson (J&J) បញ្ចូលទាំងព័ត៌មានពី«ហានិភ័យដែលបានតាមដានកើនឡើង»នៃជំងឺសរសៃប្រសាទដ៏កម្រហៅថា រោគសញ្ញា Guillain-Barre Syndrome (GBS)។

ព័ត៌មាននេះជាប៉ះពាលបន្ថែមទៀតដល់ក្រុមហ៊ុនដែលទទួលបានការអនុញ្ញាតប្រើប្រាស់បន្ទាន់កាលពីខែកុម្ភៈ ប៉ុន្តែបានដើរតួនាទីមួយផ្នែកតូចក្នុងយុទ្ធនាការណ៍ចាក់វ៉ាក់សាំងបង្ការកូវីដ-១៩នៅអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្អែកលើការវិភាគនៃប្រព័ន្ធត្រួតពិនិត្យសុវត្ថិភាពវ៉ាក់សាំងសហព័ន្ធមួយ មន្ត្រីបានបង្ហាញរបាយការណ៍បឋម១០០%អំពីជំងឺសរសៃប្រសាទ (Guillain-Barre Syndrome) បន្ទាប់ពីវ៉ាក់សាំង១២.៥លានដូសត្រូវបានចាក់ មនុស្សបាននិយាយស្រដៀងៗគ្នាពាក់ព័ន្ធនឹងបញ្ហានេះ។

ក្នុងរបាយការណ៍ មនុស្ស៩៥នាក់ក្នុងចំណោមពួកគេមានរោគសញ្ញាធ្ងន់ធ្ងរ និងតម្រូវទៅព្យាបាលនៅមន្ទីរពេទ្យ។ ជាមួយគ្នានេះក៏មានករណីស្លាប់ម្នាក់ដែរ។

GBS ជាប្រភេទរោគសញ្ញាជំងឺសរសៃប្រសាទដែលប្រព័ន្ធភាពស៊ាំរាងកាយបំផ្លាញកោសិកាប្រសាទ បណ្តាលឲ្យចុះខ្សោយសាច់ដុំ ឬក្នុងករណីធ្ងន់ធ្ងរបំផុតគឺឈានដល់ខ្វិន។

វាបានប៉ះពាល់មនុស្សតាមការប៉ាន់ស្មាន៣០០០ទៅ៦០០០នាក់ក្នុងមួយៗឆ្នាំនៅសហរដ្ឋអាមេរិក និងជាសះស្បើយឡើងវិញ។

ស្លាកព្រមានដែលបានធ្វើបច្ចុប្បន្នភាពថ្មីសម្រាប់អ្នកផ្តល់ការថែទាំ និងទទួលវ៉ាក់សាំងដោយនិយាយថា មនុស្សភាគច្រើនបំផុតកើតមានរោគសញ្ញាក្នុងរយៈពេល៤២ថ្ងៃនៃការចាក់ និងឱកាសកើតមានជំងឺនេះទាបណាស់។

ប្រជាជនគួរស្វែងរកការព្យាបាលភ្លាមៗ ប្រសិនបើពួកគេកើតមានរោគសញ្ញាចុះខ្សោយ ឬមានការឈឺចាប់ ជាពិសេសជើង ឬដៃដែលកាន់តែអាក្រក់ទៀតនោះវារាលដាលទៅផ្នែកផ្សេងៗទៀតនៃរាងកាយ។

ពិបាកដើរ ពិបាកធ្វើចលនា សូម្បីតែនិយាយ ទំពារ ឬលេប ស្រវាំងភ្នែក ឬមានបញ្ហាក្នុងការធ្វើចលនាភ្នែក និងការបាត់បង់ថង់ម៉ូត្រ ឬមុខងារពោះវៀនក៏ជាហេតុផលត្រូវការព្យាបាលបន្ទាន់ដែរ។

ប្រភពនិយាយថា នៅពេល FDA បន្តធ្វើការជាមួយមជ្ឈមណ្ឌលគ្រប់គ្រង និងបង្ការជំងឺឆ្លង (CDC) ក្នុងការតាមដានសុវត្ថិភាពវ៉ាក់សាំង អង្គភាពនៅតែបន្តស្វែងរកផលប្រយោជន៍ដ៏មានសក្តានុពលខ្លាំងជាងហានិភ័យ៕

ប្រែសម្រួល៖ វីរបុត្រ
ប្រភព៖ AFP