ថៃ មានអ្នកស្លាប់ច្រើនពេក បូជាសពដល់បាក់ ប៉ាឆា

ព្រោះតែរងសម្ពាធ ពីការបូជាសពអ្នកស្លាប់ដោយសារកូវីដ ច្រើនពេក កាលពីពេលថ្មីៗនេះ ប៉ាឆាក្នុងវត្តមួយនៅទីក្រុងបាងកក បានឈានដល់កម្រិតទប់ទល់លែងឈ្នះ ដល់ថ្នាក់បាក់ផ្នែកខ្លះ។

រូបថតនៃប៉ាឆានៅក្នុងវត្ត Bang Nam Chon នៃតំបន់ Thonburi ត្រូវបានចែកចាយ តាមអ៊ីនធើណិត នៅថ្ងៃសុក្រនេះ ដោយទីប្រឹក្សាអភិបាលក្រុងបាងកកលោក Jirasek Wattanamongkol។

រូបថតនេះបានបង្ហាញពីការប្រេះយ៉ាងធំ នៅក្នុងប៉ាឆា ហើយបំពង់បង្ហុយផ្សែង ត្រូវបាក់។

អស់រយៈពេល ២៥ ឆ្នាំមកហើយ ប៉ាឆានេះ បានបូជាសពជាមធ្យម ៣ នាក់ជារៀងរាល់ថ្ងៃ មិនដូចបច្ចុប្បន្ននេះទេ ទើបធ្វើឲ្យវាទប់ទល់លែងឈ្នះ ហើយក៏បាក់តែម្តង។

វត្តនេះបានប៉ាន់ប្រមាណថា ខ្លួនត្រូវការថវិកាជាង ៥ លានបាត ដើម្បីសាងសង់ប៉ាឆាថ្មីចំនួន ២ ដោយមួយ ទុកជាប៉ាឆាបណ្តោះអាសន្នសម្រាប់អំឡុងពេលកូវីដ និងមួយទៀត ទុកជាប៉ាឆាបូជាសពជាអចិន្រ្តៃយ៍៕

ប្រែសម្រួល៖ Vann Vann

ប្រភព៖ The Nation

ចុចអាន៖ ថៃ ដល់ដំណាក់កាលបែងចែកអុកស៊ីសែន រើសអ្នកជំងឺកូវីដណាត្រូវព្យាបាល និងទុកឲ្យស្លាប់