ព័ត៌មានអន្ដរជាតិ
ភ័ស្តុតាងច្បាស់ៗ អ្នកចាក់វ៉ាក់សាំងហើយ ក៏នៅតែឆ្លង Delta ដែរ
Delta គឺជាវីរុសបំប្លែងខ្លួនឆ្លងខ្លាំងជាងគេបំផុត ដែលកំពុងធ្វើឲ្យពិភពលោកព្រួយបារម្ភ ហើយវីរុសនេះ ក៏កំពុងមានវត្តមាននៅក្នុងប្រទេស កម្ពុជា ផងដែរ។
វ៉ាក់សាំង នៅតែត្រូវបានគេជឿជាក់ថា ផ្តល់ការការពារខ្លាំងបំផុត ប្រឆាំងនឹងការឆ្លងរោគធ្ងន់ធ្ងរ និងការចូលព្យាបាលមន្ទីរពេទ្យ ហើយអ្នកដែលប្រឈមនឹងគ្រោះថ្នាក់បំផុត គឺជាអ្នកមិនទាន់ចាក់វ៉ាក់សាំង។
ការព្រួយបារម្ភដ៏ធំអំពី Delta គឺមិនមែនថា វាធ្វើឲ្យមនុស្សឈឺធ្ងន់ទេ ប៉ុន្តែគឺថា វារីករាលដាលកាន់តែងាយស្រួលពីមនុស្សម្នាក់ទៅមនុស្សម្នាក់ បង្កើនការឆ្លងនិងការព្យាបាលនៅមន្ទីរពេទ្យក្នុងចំណោមអ្នកដែលមិនចាក់វ៉ាក់សាំង។
ក្រុមអ្នកជំនាញខាងជំងឺឆ្លងបាននិយាយថា ម៉ាស់ គម្លាតសង្គមនិងវិធានការផ្សេងៗទៀត ដែលត្រូវបានដាក់ចេញនៅក្នុងប្រទេសដែលមានយុទ្ធនាការចាក់វ៉ាក់សាំងទូលំទូលាយ ប្រហែលជាត្រូវការជាចាំបាច់ម្តងទៀត។
សេវាសុខភាពសាធារណៈអង់គ្លេស បាននិយាយកាលពីចុងសប្តាហ៍ថា ក្នុងចំណោមមនុស្សសរុប ៣,៦៩២នាក់ ដែលចូលសម្រាកព្យាបាលនៅមន្ទីរពេទ្យ ជាមួយវីរុសបំប្លែងខ្លួន Delta គឺមាន ៥៨,៣ ភាគរយ ជាអ្នកមិនបានចាក់វ៉ាក់សាំង ខណៈ២២,៨ ភាគរយជាអ្នកបានចាក់វ៉ាក់សាំងពេញលេញ។
នៅប្រទេសសិង្ហបុរី មន្រ្តីរដ្ឋាភិបាលបានរាយការណ៍ថា បីភាគបួននៃករណីឆ្លង គឺបានកើតឡើងក្នុងចំណោមអ្នកដែលចាក់វ៉ាក់សាំង បើទោះបីជាគ្មាននរណាម្នាក់ ឈឺធ្ងន់ក៏ដោយ។
ចំណែកមន្ត្រីសុខាភិបាលអ៊ីស្រាអែលបាននិយាយថា ៦០ភាគរយនៃករណីកូវីដ ក្នុងមន្ទីរពេទ្យនាពេលបច្ចុប្បន្ន គឺជាមនុស្សដែលចាក់វ៉ាក់សាំងរួច។ ពួកគេភាគច្រើន ជាមនុស្សមានអាយុ ៦០ ឆ្នាំឡើង ហើយច្រើនតែមានបញ្ហាសុខភាពរ៉ាំរ៉ៃ។
រីឯនៅសហរដ្ឋអាមេរិកវិញ វីរុសបំប្លែងខ្លួន Delta មានប្រហែល ៨៣ភាគរយ នៃការឆ្លងថ្មី។ រហូតមកដល់ពេលនេះ មនុស្សដែលចាក់វ៉ាក់សាំង មានជិត ៩៧ភាគរយនៃករណីធ្ងន់ធ្ងរ៕
ប្រែសម្រួល៖ Vann Vann
ប្រភព៖ India Today
ចុចអាន៖ បើប៉ះពាល់ជាមួយអ្នកឆ្លង Delta តើប៉ុន្មានថ្ងៃទើបតេស្តឃើញ លទ្ធផល?
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ